ديوان الشاعر/ عبدالرزاق بطاح المطرفي

للعمارات


سلام ياعمارات الفخر والبطولات
شي مؤكد مايبيله دلايل

تاريخنا ياصاحبي حي ممات
تعرف فعايلنا جميع القبايل

ولياعتلينا فوق قب الاصيلات
نشفي أكبود الطنا والغلايل

بيماننا جرد السيوف الصقيلات
وكم فارسٍ من ضرب ربعي تمايل

حنا عمارات الفخر والبطولات
ورح أنشد التاريخ وتلقا الدلايل


عبدالرزاق المطرفي

مليون واحد مثل صدام
مخطي بهرجتك ياشيبه

سلمان درع الوطن. مقدام
والقدس شقران يحريبه

ولا نت عايش على الاوهام
صدام مخطي وندريبه

عبدالرزاق المطرفي

أنا أحسبناك من عنا وقتنا تبت
أثراك ناوي يازميلي نوايا

يالتغلبي ريح ترا وضعنا زفت
الوضع مايطمن حروب وجنايا

شف أنقرا ياحسين بخليجنا جت
بجيوشها تبي أتسوي سوايا

خل السفر ياصاحبي مامثل ماشفت
الوضع مدهور ولابه حلايا

ولا يرجع اللي راح لوكان سافرت
ياحسين حج وطف بين الزوايا


مجاراه لبوعوده يبي يسافرلنقرا وانا خايف عليه هههههههههه
أستاذي ابوعوده ارجو القبول لهذي
المتواضعه
عبدالرزاق المطرفي

-
لاجــيـت أطـالـع بالمـريــا تعــــــــذبت
اشــوف وســم الوقــت عـــبـر المـرايـا

في عارضي شيبٍ ومن داخلي شبت
حـتـى النـــوايـا غـــيـر هــاك النـويـا

يالـيتـني ماعـطـيـت مـنـهـا ولاجـــبت
وحاسبت نفـسي قـبـل يـكـثر خطايـا
- حسـين عـوده القـراري -


-
يالتغـلـبي لامـنـي غــبــت وتـغـربت
شــوف المـرايــا ســوا فــيـا ســوايــا

وأسري بهاجـوسٍ من اسبـابها غـبت
اصبـح رفيـقـك يابـن عــمـي مـعـايـا

يا طيـب شيـب ٍوانـت بالمـرجـلـه طبت
والعــمـــر فــاني والمــقــــابـر ورايـا

- نـواف ابراهيـم الميهـوبي -


-
ياحسـين يامشـكاي لاتشكي الوقـت
هــذي هـي الايــام تـسـوي ســوايـا

مرت أسنين العمـر ياصاحبي شفت
ياحسـين ماتــذكـر هــذيـك السرايـا

راح الشبـاب وبـين الشـيب وقرشـت
ويـارب تـصـلـح شــاننـــا والنــوايـا

- عبــدالرزاق المـطـرفـي -

البارحه ليلي قضيته هواجيس
مارتحت في ليلي ولو ربع ساعه

همن بقلبي مثل ضرب الدبابيس
اصبر وعندي للهموم استطاعه

ياقلب لاتحزن تعوذ من ابليس
واحيان بعض الحزن مابه مناعه

لاضقت ياقلبي وجتك الكوابيس

ارفع يدينك بالدعاء والضراعه

ذكر الولي يذهب جميع الوساويس
والرزق ياسع بالدعاء واتساعه

ومن يطلب الله ماجيوبه مفاليس
والله خلق خلقه على شان طاعه

الله عطانا خمس كل الحواسيس
وميز عقول الناس واعطى القناعه

حنا بدنياء نمرها كالعواسيس
لوطالت ايامك تصفط اشراعه

واليوم شفت الناس تشعل مقابيس
باعراض خلق الله تسوي بضاعه

ناس على الغيبه وحكي الدنافيس
دايم علومه بالردى والقطاعه

بعض العرب يالربع يحتاج تدريس
وبعض العرب بالطيب طالت اذراعه

ولاضاق صدرك من هروج المجاليس
فج الخلا واترك اعلوم اللكاعه

ولاجيت في برقاء وجتك النسانيس
وقام الهواء يصفق وزاد اندفاعه

هات الحطب واشعل جميع المجابيس
في خايعن ماجته كود السباعه

وادن الدلال وحط بنك بتقييس
والهيل خله زايدن بارتفاعه

وصبه على االلي يقطعون المراميس
وطاب الحديث وطاب فن استماعه

اعلوم جزله مابها قول تدنيس
والكل منهم عالياتن اطباعه

وياقلب لاتحزن تعوذ من ابليس
ترا القناعه كنز واكبر قناعه

فوزي عازم العنزي


الغالي فوزي عازم العنزي
أسمح لي بهذي المجاراه لك ببياتي
المتواضعه أمام شموخ أبياتك العملاقه
ولاكن أعجبت بقافيتك وحبيت أتعلم
منك ياستاذي وتقبل هذي المتواضعه


يامرحبا وهداد لفح النسانيس
وعداد برقٍ من بعيدن شعاعه

وعداد ماخط القلم بالقراطيس
وعداد ما تنشر أخبار الاذاعه

بالشاعر المبدع بعيد المراميس
باين على نظم القوافي أبداعه

يالوايلي قبلك أهمومي مراويس
وقلبي يهوم وحابساته أضلاعه

يكفخ مثل كفخ الحرار القرانيس
لا صف ريشه يعجبك برتفاعه

لاشك عثرات السنين المعابيس
تطوي بنا طوي الورق بالطباعه

العمر يجري واليالي مقابيس
يالوايلي غاراتها باندفاعه

قفت على ناسٍ تفك المحابيس
أهل الكرم والطيب وأهل الشجاعه

اهل البيوت الشامخات المطاحيس
مادارو علوم الردى والخداعه

زحول الرجال وكاسبين النواميس
ورداهم اللي ماتقصر ذراعه

مداتهم تشفي أجروح المتاعيس
يزبنهم اللي لايع الوقت لاعه

واليوم عصر العلولمه والدنافيس
وكثرت علوم اهل الردى والدناعه

اخوك عبدالرزاق المطرفي

يامرحبا وعداد برقن ليالاح
بول طلوع أسهيل والغيم لاحي

بعيون بدون ترقب البرق لاضاح
يم الحماد وصوب ذيك الضواحي

بحظوركم تكمل لنا كل الافراح
ياهل المكرام ياطيور الفلاحي

والله يحييكم على البن لافاح
والعود الازرق يابعاد المشاحي

من طيب ساسه جاك ساري ولاماح
واليل كله سارين ماستراحي

باليل مسراء ولاطرا لباله أمراح
واليل كله مهتنا بالمراحي

ومقدرن جياتكم مابها مزاح
ويحفظكم الله من جميع النواحي

وبحظوركم أفراحنا زادت أفراح
وصدورنا من شوفكم بنشراحي

بقدومكم نلبس على أصدورنا أوشاح
وبحظوركم العود والمسك فاحي

الله يسهل دربكم كل ماشاح
ويحفظكم الله من جميع النواحي

عبدالرزاق المطرفي

اليابلاك الله أبعض المهابيل
أبعد أركابك لا تقرب أركابه

بعض البشر ثرثار مثل البلابيل
ولياسمع له سالفه جاب مابه

يلقف لياشاف السوالف مقابيل
عايش على قل السنع والخيابه

عفون الرجال الخايبين الدعابيل
اللي سوالفهم على غير ثابه

قطاعت الهرجه اقالال المحاصيل
أخذهم الله و لو كانو قرابه


عبدالرزاق المطرفي

الله يابو ناصر على سج الاقدام
والعشب يجذب من بعيدٍ خضاره

في ديرةً ماطبها كل غنام
والفقع. بين من بعيدٍ زباره

بس أم سالم صوتها له ترنام
ورف القطاء من كل صوبٍ أطياره

وخوت أرجالٍ مابهم كل لوام
وفيهم على قطع الصحاري جساره

ولاقلت ياالله قالو الدرب قدام
ولاحسبو لرباحهم. والخساره

عبدالرزاق المطرفي

هذاجديدي مرسله يم حراويك
وترا جوابي مرسله يم شرواك
حيثك خويٍ وافين في معانيك
ومن طيب ذاتك عارفينٍ . نواياك
ياصاحبي حبيت بالقاف اجاريك
وياالله عسى ربي من الشر ياقاك
ياصاحبي ياللي أبعادن مشاحيك
يالنادر اللي طيباتٍ سجاياك


ياصاحبي هذا زمان الشرابيك
ماكنه الا والزمان ايتحداك
هبيت يالذا الدور مكثر بلاويك
ياللي على الاجواد مكثر خطاياك
ياصاحبي والناس تركض مدابيك
والوقت يحدانا ويحدى هذولاك
قالو زمان العلولمه شي نفديك
وأنا أقول العلولمه شي فتاك


لاضاق صدري من اعلوم الصعاليك
ومجلاسهم مايليق لمثلي وشرواك
أبعت عن هرج العفون المداميك
اللي معانيهم على غير معناك
يارجم ياللي يبرح الشوف راقيك
منهو بناك وصف حصوك ولاجاك
أسمك شهير وبيناتن مبانيك
ومعروف بين الناس وكم واحدن جاك


مشهور عند الناس والكل يطريك
ومن ضاق صدره للمراقيب عداك
يشتاق لك منهو من البعد ناصايك
من زود شوقه لك الا يتعلاك
عمردن عقبان الاوكار تاتيك
ومن دكبه هوجاس الا فكار يرقاك
ياالله ياحلال عقد الشرابيك
تفرج المن صابه من الوقت دكاك



ياصاحبي ياجعل ربي يعافيك
عطني جوابك جعلنا ماعدمناك
خابرك شاعر جزل ولاحدٍ ايجاريك
تعسف جزيلات القوافي أبيمناك
يالوايلي ياجعل ربي أيهنيك
وجعل السعد دايم يرافق امحياك
وختامها سلام ياصل معاليك
من الشمال أنسوقها سوق لرضاك

عبدالرزاق المطرفي

هاض الهجوس وحركه ريح الازهار
وقطفت من جزل المعاني عبيره

وأنا على بدع التماثيل بيطار
اللي على بعض الاوادم عسيره

وغصنا أبحور الشعر من كل الاقطار
نغوص غبات البحور الغزيره

نبدع لياقلنا جزيلات الاشعار
وجاريت شعارٍ أكبارٍ شهيره

ومن بعدها حييت ياواف الاشبار
ردن على اللي خصنا بتعبيره

وش ذكرك يالقرم في ماض الاحرار
أهل المكارم والوجيه السفيره

أهل البيوت اللي بها الكيف يندار
والجار عن ظيم الليالي تجيره

راحت سوالفهم تواريخ وذكار
ولاكنهم داجو بشبه الجزيره

ولاكنهم ركبو على قب الامهار
ولاكنهم وردو على كل ديره

ولاكنهم مرو على ذيك الاديار
أهل الفعايل والسيوف الشطيره

وصلاة ربي عد ماطايرٍ طار
على رسولاً سيرته خير سيره

عبدالرزاق المطرفي