استشاره لاهل المنتدى وخاصه دهش وسلطان

بسم الله الرحمن الرحيم

السلام عليكم ورحمة الله وبركاته
انا عضو جديد بالمضايف
ولي الشرف اني انظم لمنتدى مثل هالمنتدى
مضايف القبيله العريقه قبيلتي قبيلة عنزه


وصراحه الي شجعني على دخول هالمنتدى هو
هذا القسم قسم المحاولات الشعريه
وابي رأي الجميع وخاصة الشاعر دهش العواجي والشاعر سلطان الرواد

السالفه ان فيه شخص سوى فيني جميل وهو /ناجي بن عوض الجعفري العنزي وحاولت اني اثني عليه في قصيده وطلبت من مجموعه من الشعار انهم يكتبون لي قصيده الا انهم اعتذروا فقررت اني اكتب قصيده بنفسي الا اني احتجت من استشيره وبصراحه انا لم اثق الا بشعراء هذا المنتدى والمحاوله هي/

سميت بسم الله رب السمــــــــوات **الواحـــــد المعــبود رب العبيـــدي

اومن بعد ذكره طاب لي نضم الابيات **اونضمت بيوت(ن)مثل عقدن فريـدي

بالطيّب الي معتلي بالطويــــــــــلات**ناجي بن غافل للنشـــاما عقيـــدي

بطيبه تبين مثل جبال الســـــــروات**الي ايعرفهن كل قريــب اوبعيـــدي

انا اشهد انه وافي(ن) بالمهمــــات**ماهو كلامن كـــذب والله شهيـــدي

من ربعتن يوم الركايب خفيفــــــــات**عدوهم يشوف نفســــــه زهيـــدي

يسقونه من المر مع زود حســـرات**له اقشر من السم وسط الوريـــدي

اوصحيبهم عايش بخير اومســـرات**وليا نخاهـــــــم مثل درع الحديـــدي

ترفع له البيضا بروس الرفيعــــــات **ابوفضي ياعل عمـــــره مديــــــدي




وسلانتكم اخوكم /نديــــــــــــــم الصمــــــــــــــــــــت

نديم الصمت

صح السانك .. صح السانك

قصيده جميله وتحمل مشاعر جميله

ونعم بـلاخ ناجي الجعفري يستاهل
النعم من يعمل المعروف وهو من أهله

ونعم فيك أنت على رد الثناء

والف نعم بالجميع

تقول ..

(وطلبت من مجموعه من الشعار انهم يكتبون لي قصيده الا انهم اعتذروا)

صدقني مااحد يستطيع يكتب اللي بنفسك إلا انت..

شكرا لهم .. خلوك تكتب هالقصيده الجميله المعبره

أنت تقول محاوله .. وانا اقول والله قصيده جميله عبرت فيها عن مشاعرك الجميله بشاعريه جميله

اخوي نديم . انت شاعر .. تأكد أن هذا رأيي بدون مجامله
اعجبني قولك,,
(فقررت اني اكتب قصيده بنفسي )
أتمنى يكون هذا قرارك الابدى وانت قدها

ياصار مالك من ذراعك نجده ,,, شربن على ذراع الرجال هماج!!

واستشر الصدور كله مفتوحه لك .. أنت فى اكبر تجمع أدبي
يظم الشعر واهل الشعر واساتذة الادب وانا ليس إلا محاول مثلك

وللحديث بقيه فى وقت أخر

بحفظ الرحمن

سميت بسم الله رب السمــــــــوات =الواحـــــد المعــبود رب العبيـــدي
ومن بعد ذكره طاب لي نضم الأبيات = ونضمت بيوت ٍ مثل عقد ٍ فريـدي
(بالطيّب) الي معتلي بالطويــــــــــلات = (ناجي بن غافل)للنشـــاما عقيـــدي
بطيبه تبين مثل جبال الســـــــروات = الي عرفهن كل قريــب وبعيـــدي
أنا أشهد أنه وافي ٍ بالمهمــــات = ماهو كلام ٍ كـــذب والله شهيـــدي
من ربعتن يوم الركايب خفيفــــــــات = عدوهم يشوف نفســــــه زهيـــدي
يسقونه من المر مع زود حســـرات = له أقشر من السم وسط الوريـــدي
وصحيبهم عايش بخير ومســـرات = وليا نخاهـــــــم مثل درع الحديـــدي
(ترفع له البيضا بروس الرفيعــــــات) = (أبوفضي ) يا عل عمـــــره مديــــــدي

الله يطول بعمر أبو فضي ولا شك أنه يستاهل هذا المدح منك وصح لسانك وبيض الله وجهك

اخي نديم..
حياك ربي
قصيده رائعه صح لسانكـ
ويستاهل ناجي..

اخوك/تركي الغضيان الجعفري.

صح لسانك نديم الصمت


والله انها قصيده جزله وافيه

من شاعر جزل

صح الله لسانك

ويستاهل ابو فضي المدح



تقبل مروري

من لا يشكر الله لا يشكر الناس كلمات لها مدلول
وقد صـــورت فيها نبل مشـاعرك تجاه من قدم لك
الجميل وهذا ان دل فإنما يدل علي رحابة صــدرك
متعك الله بالصحة والعافية والله أنا لســـت شاعرا
ولكن عشت مع الكلمات مشكور مرة اخري وبارك
الله فيك وكثر الله امثالك وتقبل مروري



مخلصكم المعتصم بالله

الاخ دهش العــــــــــــــواجي مشكور على المرور وكلامك اثلج صدري

وشهاده من رجل وشاعر مثلك بلا شك اعتز فيها

الله يعطيك العافيه

صح بدنك يافرج الدهمشي واللـــــــــــــــــــه يعطيك العافيه

؟؟؟؟؟؟؟؟؟؟؟؟؟؟؟

محاوله رائعه

الي الامام واتمني لك التوفيق

تحيتي