ريآجيلكن ثمين ريآجيلكن ...

بسم الله الرحمن الرحيم و
السلام عليكم ورحمة الله وبركاته






اخباركم عساكم طيبين
طيبينكم واشلونهم عسى بخير \ يالله لك الحمد والشكر





بعد انقطاع تسم يوم لظروف قهريه تخبرون عندي الشايب ومجننا مرتن يبا شاهي ومرتن هقوه مرات دلكي لي رجولي ومرات تطري عليها طريات
مدري وشلون قايله بس حمدلله على كل حال \ ومرات يبي احد يتمشى بوه ضايزن خلقه المهم قام الفجر بنص الليل
الا عاد ابي اروح للبر . انا وجهي صار تسذا f40من الدهشه قمت اقلب بوه يمين يسار يا يبا يا بالله عليك
عدل بدل قال مابي ابج تعارضين كلامي انا اخو وضحه ردي الغنم يا منيره < هذي لها قصتن ثانيه بعدين اسردها لتسم
ثمين قال والله العظيم اطشر راتس بـ البندقيه عاد تخبرون هني مانقدر نتكلم \ بس في هالصيف من يروح للبر الله يهدا ابوي
المهم ثمين اخذناه للبر تسان لقينا قاعن زينه وجلسنا بها عاد قومي يا سميره جمعي الحطب وشبي النار ( على باله بعصر ماقبل النفط )
وسوي شاي مخدر وانا وحدتن كنت تعبانه وسهرانه لوما الحرام شبيته بدال الحطب بس الله هداني خخخخ ( دوعابه )
الله مير يخليه لنا الوالد صحيح عليه طروات مدري شتبي بس حمدلله بركه ونعمه الله يحفظه




نرجع لسالفتي اللي ظنتي مابتخلص انا قبل تسم يوم يتهيع لي اني حطيت موضوع عن الحب كافينا شره
وطار والله اني مدري شنو السبب ولا احد عبرني برساله يقولي شنو السبب فلو تكرم اللي احذفه يقولي السبب وبكون شاكره
تخبرون الانسان يتعلم من اخطائه مير ما قلتو شنو خطاي عشان اتعلم منه مع ان الموضوع ما اشوف به بلا
بس هذي المره غير ان شاء الله




موضوعي عن الحريم ورياجيلهن f22

ياحريم الله مير يركد اعقولكن تركيده الشاي قبل يطبخ ويفور \ الحين قمنا نشوف هوايل الله مير يحفظنا
هوايل يقولكم في مثل يقول اللي اكبرو ماتو <~ ما تالف امثال خخخ
حرمتن طاق عمرها الستين كافينا الشر ولابستن فسفوري !! واخزياه يا ذا العيبه

عاد امهات تسع وثمن طعش ما سونها تقومين انتي تسوينها انا يومني شفتها قمت صليت ركعتين
بغيت اقولها روحي يا مرررره ارجعي لرشدتس الله يصلحتس والبسي كدري مدقم اسود بـ احمر ولفه بها شوي زري ابو الوان


الحريم الاخريات اوصيهن وصيه رياجيلكن هالله هالله بـ الرياجيل وبيوتسن da
لا تصيرن سردادي مردادي مع الباب طالعتن ثمين داخله وغبار عباتس تهاوي وراتسن
انتبهن على راجيلكن ابكن باتسر يلقى حرمتن ثانيه مير اخذها ومير وشو تستفيدين غير دمعتس على خدج
واعيالتسن يسعسعون بـ االشوارع \ لفته ؛. واذا كلش بتطمحين عند اهلتس ماهم متحملينتس اكثر من شهر
انتي وبزارينتس تجييبن درشق اعيال ثمين ترجعين لهم غير سالفه هذي f17
وما تستفدين من التهبهب لام صعفق وام مهاوش ماغير من تطلعين من باب بيتهن اكلن ظهرتس اكل
ولا تزوج زوجتس عليتس تشمتن بتس وصار عندهن حديث شيق يسولفن به وصرتي حديث قعدتهن يتقهون عليتس خخخ
مير لا تعطينهن مرادهن واقضبي قاعتس انتي وهي وهي وراقبي زوجتس لا يقلب يمين ثمين يسار





عاد الحريم وما ادراك ما الحريم اذا بكتب عنهن ابقعد دهر اقول بلاويهن الله مير يصلح حالتسن اللي تسونه مو شين طيب
وارجعن لرشدكن ولا تقلدن افلانه وعلانتانه لا شفتي افلانه لابسه حمر والا فسفوري رحتي لبستي حمر وفسفوري والا اذا
حاطه حبتين شوارفسكي رحتي ردعتي به دريعه يقالتس سنعه من زود السناعه خخخ اللهم لك الحمد

الله مير يهديكن ويرجعكن لرشدكن :$ ويطرح بكن البركه والعافيه



ولا تبخلون علينا بـ رايكم بكلامي يا النشامه


اخيرا خخخ هذا الموضوع برعايه فيمتو :$ ي,,ض,,ح,,ك

أشكرك على الطرح المميز

ودي لكِ
..

أشكرك على الطرح المميز

ودي لكِ
لكي ودي ووردي