صـــورة وقــصــيدة

.
.
هذآ شُعُوري تجآهِك .. كآن مآتدري !
حبّيت أبلّغك بِهْ ! وأنته على كيفك !!
.
.

مخنوٍقة يمّـه، وٍ أحس الخنقة هدّتنـيْ . . !
....مكسوٍرٍقلبيْ . . وٍ ع'ـَينيّ مدرٍي وٍش فيهآ !
وٍ دموٍع'ـَيْ آلليْ غ'ـَصْب ع'ـَن ع'ـَينيْ بگتنيّ. .
....ملّيت أغ'ـَمّض جفوٍنيّ { . . لجل أدآرٍيهــآ ! !

*

*


الموت حظ القلم .. والمجــــــد للدفتر
...........حبر القلم غلطتي .. وايامــي اوراقي

الخوف يجتاحني .. وجه الطريق أسمر
...........راح اكثر العمر ..ياخوفي على الباقي

وجدي على قشعه الرمث ورمل النفود
و يا حلو على جال الضو صفة معاميلي

ويا فوح كبدي في كل ما اروح واعود
يم الدوام اللي به الهم لوهو زميلي

حسبي على زمانن قام يلعب بي ويزود
كنه وانا عجوز خرمانه تخض الصميلي

مبطي وانا بينـي وبيـن الهواجيـس
وقفة تأمـل .. واستراحـة محـارب

عجزت لا افهم وش تقول الكوابيس
في كل ليـل تمـرْ .. والهـا مـآرب

من حقي اوزن كل ما فات .. واقيس
واشمر ذراعي .. واسدد .. واقـارب

وكان البحر قدمي .. وخلفي تضاريس
وبموت من حيتان .. والا عقـارب!

سلّمت صـدري للهوا والنسانيـس
وسوّيت من نفسي لنفسـي تجـارب

احلم .. ومن حلمي اشب الفوانيـس
واصحى .. على وقع الفتن والمكارب

هذا زمان الدرس .. من غير تدريس
ياللي ليا هالحيـن .. تعمـل تجـارب

ان شفت بيضة ديك .. والا لبن تيس
حاول تصدّق عينك .. ولا تغـارب!

ابيات للشاعربندر بن منصور



يا حمود انا في نقلت الطير مجبور//احب شوفه واستلـذ بمطيـره
ما همني العاذل ولو كثر الشـور//من ردني عنه حشى مستشيـره
اخذ على شانه لي ايام وشهـور//اعتز في نقله وفكـت جريـره
لاجاء نهارٍ فيه قاهـرٍ ومقهـور//وكلٍ نقل طيره وجهـز نسيـره
وتدارجن ربد الحباري مع الخور//وخذت برقع من يعقـد نظيـره
تل ورقى وسم الولي دوم مذكور//يلحم ويشهر والصوايد شطيره
نشه بمخلابٍ على مشة الـزور//وهوا كما تهوي الدلي وسط بيره
وانسرته المقسوم وعزلت مشهور//وشلته على كفك ولا لك بغيره
ثم شللت ربدا لها بالفضـا دور//قد وخذ منها ريش يالله الستيره
تل ورقى مالد للخرج والسـور//وادلى بكفه وحولت له كسيـره
جيته يدوس وخاطرك منه مسرور//ماتغبط اللي وسط بنكه يديـره

,,

الا ياطـير خـبرني وش اللـي صـار للأحـبـاب
تـرى قـلبي كثر هـمّــه سبايب غـيبة احـبـابي

غريبه عنّي يسافر ولا اعرف للسفر أسبـاب
كذا فجأه يودعـني ولا أدري أيـش الأسـبـابي

ترى بعده عن عيوني يهـد الحـيل والأعـصاب
يمر الوقت بغيابه وأنا عايش على اعصـابي

الا ياطــير مـاعـندك خبر عن عودة الغــيـاب؟؟
ولا تـقـدر تـطـمـني تجـيب عـلـوم غــيـابي؟؟

ابي ياطير لامـر بسمـاك مـن الطـيور اســراب
ابيك تعانق اسـرابٍ تجي من بعـدها اسرابــي

ابـيـك تفـتـّش الـدنيـا . تدوّرلي عن الأصحاب
تجـيب العـلـم ياطـيـري وتطـمّـني عـن اصحابي

لك الله ليت جنحانك عـلـيّ وماحـسبت حسـاب
اطير بصحـبة الـغـالـي ولا فــكـرت بحـســابي

اروح اسكن على قربه وأخلي الباب حول الباب
اشوفــه لافـتـح بابـه وانـا واقــف عـلـى بـابـي

ادنـّق لابـدى حـولــه من اهـله لايجـيه عــتاب
وهـو يرسلـّي النـظـره بلـيا خــوف وعــتـابـي

اخـلّـي خـافـقـي يـدلــه بقـربه ماتجيه اتعــاب
واذا ناظـرت فـي زولـه نسيت الـهـم وأتـعـابـي

سقــاك الله يايـومٍ بـدت بـه نظــرة الأعـجــاب
حضيت بنظـرة اعجابه وهو يستاهل اعجابي

سحرني صوته الدافي حـنون ومنطـقـه جـذاب
وفـيت لـقـلـبـه الـوافـي وهــو بالوصف جـذابي

الـه الكون لاتـفـجـع خـفــوقٍ مـن غـلاهـم ذاب
تلـوّع سـبّـة الـفــرقى وهــو مـن قـبلهــا ذابـي

الا ياطـير خـبرني وش اللـي صـار للأحـبـاب
تـرى قـلبي كثر هـمّــه سبايب غـيبة احـبـابي

يـا مـطر يـا ماسـح جفـاف الســـنين
من خد الصحاري وجبين المساكين
يا راوي أرض الشـجـر والبسـاتـين
من عطش الزمن ومفجر بها العـين
يـا مطـر أرحـم غــيـرك من الأنـين
كل شيء تسـمع له صـوت حـــزين
حـتى الجبـل من دمعـتـك يبـدأ يلـين
وتسمع بين الصخور صوت الحنين
والرعـد يصـرخ بيـن السـحـب وين
أضـرب بالبـرق بـصــوت غــبــين
والبـرق يفـلق كوم الســحب نصفين
ويرســم حــروف الويــل لكل عـين
والدمـعة من الألم تسـري مــلايــين
عـلى المـلأ تـتقسم شـمال ويــمـين
والوادي يكبر ويصبح مسيل بطـين
ويتفرع من حـوله حـبال وشرايـين
والدنيا تتبسـم ببسـمة فـرح متلونين
وتهدي الحزن عن المـزن الحزيـن

أستأذنك .. بسافـر ايـام .. وآجيـك
وان طالـت ايّـام السفـر .. لاتحاتـي
حتى ولـو طوّلـت .. مانـي بناسيـك
ياللي بدونك .. وش تسـوا حياتـي

سَيْطَرَت كَلَّ السَيْطَرَه لآ عاد تخشى أَلاَِّنْقِلآبَ
وحَطََّيّت في قَلبْ الشَقّى لَوَّحَآت تَحْذِير وحَظَر
مَكْتُوب فيها ( مَلَكَ لي ) مَمْنُوع مَنّه أَلاَّقتُرَآبَ
وبَكَّلّ رَكَنَ وَزّأَوِْيَة كآتَبَ خَطَرَ .. خَطَرَ .. خَطَرَ