♂♂l|][Ξ¯▪ـ‗_شـــوآرد الفكـــر_‗ـ▪¯Ξ][|l♂♂

بين الحقيقه والبحر والهواجيس=نوخت فكري حين مالورق سلم
الضيق ضايق لو تعوذت ابليس=كيف اتكلم بس كيف ا تكلم
لو قلت من بوحك اخذنا مقاييس=ياللي على غصنك طيوري تعلم
طب البحر للغب وابيك اتقيس=جرت خطا جرتك ان كان علّم

لي

دمتم للابداع ودام الابداع لكم=
قولوا لعشاق الحياة الزهيده=الجنه أغلا من حياة الزهايد
من لاجرى حب الولي في وريده=يضيق لاضاقت عليه اللحايد

توي عرفت ان الحقيقه لها طعم=وان الحقايق بعض الاحيان مره
والناس منهم لاذكر.. قالو ونعم=ومنهم تجاهل سيرته كل مره

احيان اغض الطرف واحيان ما اغض=واحيان لو غضيت عاتبني الطرف
يفض فوك احيان.... واحيان لافض=بعض الكلام يسوق راعيه للجرف

ياصاحبي والقرب ماهو بالاجسام = كم واحد ٍ عندي ولاهو بعندي
وانت تعرف قيمتك من بين الانام =اليانتخيت القاك كفي وزندي
اخو ٍ على الشدات واحزام واسناد =امجند للطيب عن الف جندي

المشاركة الأصلية كتبت بواسطة البريكان

اعجبتني ابياتك

تقبل مروري
يعطيك العافيه

شرف لي يالغالي والله

مرورك تاج على راسي

لاخلا ولاعدم يارب

من صفحات الارشيف

يازين يا اللي ملكت الزين=وش جاك ياالزين تجفانن
ياريـم جننتــــــنـي تجنيـن=يكفي ترى منك ماجــانـن
جرحتني ياالغضي جرحين=حبك ذبحنـي ولااحــيانـن
اليوم يمضـي تقـل يوميـن=وهمــوم قلبي علـيّ بانـن
وا قلبي اللي طـواه البيـن=عليـك يااللـي تناســـــانـن
ياشوق والله اعرفك زيـن.=.ولاتحسب ان شي يخفانن
من يوم ماجــاني التعييـن=وابعدت والحــــــظ ودانـن
نسيت عهد(ن)قبل عاميـن=ونسيت الايام وش كانـن
ماهو ابحق(ن) عليّ تقسين=ولازم لزوم(ن) ترضانن

من صدر شاعر كفخ منه القصايد وفاح = أجمل بيوت القصيده جاك عربونها
اليا طرقت القصيده والحمام أستناح = وغنت علي أم سالم جرة الحونها
ونقيت جزل المعاني من عدود ٍ قراح = وشلون منقى المعاني وأنت مزيونها
حبك ملكني وصنته مثل لبس الوشاح = اوشاح شيخ ٍ ليا من احتمت دونها

فرج

طيب الملامح 00 مايعبّر عن الطيب = وشكل الرجل ماله دخل في صفاته

كم واحدن فاتت عليه المواجيب = وطيب الملامح 00 ماعكس طيب ذاته

من لايجنّب مسلك النقص والعيب = مايستحق إنّه يعيش بحياته

والهقوة اللي بأهلها صارت إتخيب = تجعلك عرضه للندم والشماته ! !

جابتني الحاجه 00 وانا مستحي منك = وعيّا يبادر في طلبها لساني

حدّيت نفسي والحيا حدّني عنك = ورجعت عاني 00 مثل ماجيت عاني ! !

جهلت بك 00 وانا أكثر الناس باخنك = وكم من صديق ( ن ) لاذكرته نساني

قلّت بي الحيله 00 وانا واقعي ضنك = وعز الكلام 00 وطول صمتي نهاني

أخاف أقول 00 ويمكن القول يطعنك = ياما صدمني 00 في خويّي زماني ! ؟