كف البخيل )

كف البخيل )
قول عادي .. بالي الليله طويل ..



شُوف لِك عذرٍ قديمٍ / وأقبِلَهـ !!
لا تحاتي ...
قلبي مِتعَوِّد يشيل :
( الجُروح ) اللي تجي له مُقبِلَهـ
" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِلَهـ
و " عزِّتي " تقدر تِسَمِّيها : النخيل
لأني شامِخ .. والعواصف قاتِلَهـ
وعادي جداً .. إنِّي الليله ( عليل ) ..
الحزن : يحْسِبني واحد مِنْ هَلَهـ !!
ومو غريبه .. لو تِمَنِّيت الرحيل
البقاء أحيان , يعني .. البهذلَهـ !!
في غيابك .. ما لَهَا الضيقه مثيل ..!
وربِّي اللِّي .. ما يشاءه , يفعلَهـ
مِنْ يلاقي لـ دنيتي هذي بديل ..؟
خل يجيني أي شخص .. أبَدِّلَهــ
وعيب راسي لا بغى شي " مستحيل "
يوصله مو طيب .. غصبٍ يوصلَهـ

طـاغي الشـووق

الله سح لسانك على هالابيات مترفه المعاني

هنا السطور تنسج لها ربيعا خلابا بين

هده الحقول الغناء لتاخدنا معها في عالم

التميز والجمال بل الجادبيه عبير سطر

نداه العدري ببساتين الزهر المخملي

يال روعة ماوجدت هنا من ابداع الف

شكرلك ارقى واسمى تحياتي ...

صح لسانك
وفالك التوفيق......

صح لسان شاعرها والله يعطيك العافية

كل الشكر لروعه طرحكك

مودتي ..

كل الشكر والامتنان على روعهـ بوحـكـ
وروعهـ مانــثرت .. وجماليهـ طرحكـ
دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
لكـ خالص احترامي

قصيدة رائعه ومكتمله وزن وقافيه

صح لسانك يا طاغي الشوق