[.. هيّض شجوني مبدع الحرف ..والقاف=وامسيت ليلي بين حرفه .. وقافه ..]

بقول لك دنياك ما عندها اخلاف

مار البلا في ناسها.. والصحافه

ماحدن يراعي للمبادي.. والاعراف

كثروا بها هل الدجّل واللقافه

صح السانك اخوي ابوفهد صدقت

تقبل مروري المتواضع

الشاعر/ ابو فهد العنزي


صح لسانك وتسلم يمينك يابو فهد على هالقصيده الجزله



تحيتي لك

المشاركة الأصلية كتبت بواسطة أبو فهد العنزي

الحقيقة الشاعر القدير والصديق العزيز أبو تركي (عرفاء قماصي) شاعر مبدع وقد نزل قصيدة في المنتدى

ومطلعها :

البارحه ليلي من خلاف لخلاف = ليل الشقاوي فاختته اللطافه
عطني قلم يرعف على الكاغد ارعاف = يامج حبره صعب ياخذ مسافه

وهي على الرابط التالي :

http://mdyf.net/vb/showthread.php?t=14334

وهذه الأبيات مجاراة لتلك القصيدة وأتمنى ان تعجبكم :

هيّض شجوني مبدع الحرف ..والقاف=وامسيت ليلي بين حرفه .. وقافه
وجبت القلم والطرس والحبر ذرّاف = على خدود الطرس سال بكثافه
زراق حبره.. من على البعد ينشاف=تقول وشم(ن) فوق خد وشفافه
وسطرت به بعض المعاني ..والاوصاف=يا كود تعجب من قراها .. وشافه
يا صاحبي.. ياشوق منبوز الارداف=الجادل اللي فوق زينه.. لطافه
بقول لك دنياك ما عندها اخلاف = مار البلا في ناسها.. والصحافه
ماحدن يراعي للمبادي.. والاعراف=كثروا بها هل الدجّل واللقافه
ناس(ن) على راع السّنع ترجف ارجاف=مدري حسد والا بعضها تخافه
يُضربّها الناجح كما ضرب .. ندّاف=بلسان فاشل دون جهد .. وكلافه
والوضع ماهو دايماً دوم .. شفاف=وضع(ن) مخادع مختلط به .. سخافه
ما ينفعه لو ينقع أوراق صفصاف=صعب(ن) شفاه من المرض .. يا حسافه
وانتا يبو تركي .. فهيم(ن).. وعرّاف=بخيص باوضاع العرب ..باحترافه
ودامك رقيت بقافكم فوق مشراف =جزل المعاني ما تخالط ..عذافه
لا تلتفت للي سكن وسط الاجراف=بين الدوابي نايم(ن) .. في لحافه

وسلامتكم ،،،،،،

أخوكم / أبوفهد

-

الله عليك يابو فهد وعلى روعة حروفك

مجاراة مميزه وأكثر من رائعه

تسلم يمناك ولا هان منطوقك يابو فهد

لاتحرمنا من تواصلك لأني اشوفك تغيب عنا احياناً اغـا ضــه

صح لسانك على الروعه والابداع والتميز
لاتحرمنا من المزيد

خيّال نجد

ودامك رقيت بقافكم فوق مشراف
جزل المعاني ما تخالط ..عذافه
لا تلتفت للي سكن وسط الاجراف
بين الدوابي نايم(ن) .. في لحافه


مجاراة رائعة


صح لسانك يابو فهد ودمت بهذه الجزالة



,

صح اللسان وسلم البنان
ابداع يروي الذائقه ويستحق العوده له
دمت مبدع

صح لسانك ودام تميزك وروعة حروفك
لاتحرمنا المزيد من بوحك المميز والفريد

تقبل مروري / كسّاب الطيب

ماحدن يراعي للمبادي.. والاعراف
كثروا بها هل الدجّل واللقافه
ناس(ن) على راع السّنع ترجف ارجاف
مدري حسد والا بعضها تخافه
يُضربّها الناجح كما ضرب .. ندّاف
بلسان فاشل دون جهد .. وكلافه


ياسلام عليك


ابو فهد صح السانك وبيض الله وجهك

ولله درك

فائق ودي لك

ابو فهد الجزاله مالها ياكود راعيها..
وانت اشهد بالله انك جزل وفوق الجزاله..

صح لسااانك عدد حروف الابداع..

ارويتنا شعر يابعد روحي...

هذا الشعر ولا بلاش...

تم حفظها على الجهاز لروعتها وروعة شاعرها..

الحروف خجله امام حروفك...

السموحه على التقصير بالرد فالشامخه لايفيها اي رد..

ودي وتقديري...

الصديق العزيز والشــــــــــــــــــــــــــاعر القــــــدير ابوفــــــــــهد


صح لسانك ملايين يابو فهد مبدع بكل المقاييس فقد تخطيت


حدود الابداع كما هي عادتك


عزالله قصيده جزله من شاعر جزل ومتمكن


يصخر الحرف تصخير وكل الشرف لي يابو فهد


بمجاراتك لقصيدتي المتواضعه


فقد اضفت لها ولي الشي الكثير بهذه


المجاره الرائعه


ابو فهد تقبل ودي وتقديري


اخوك ابو تركي