من يحقر عيال الرجال حقير

يقول ابن فالح كلام غزير=يجمد على شارب سموّ امير يصبغ على فنجال مدهال لابته=شوق البنات اللابسات حرير كلام من ساد المجالس وعافها=قلّب دفاترها وصار خبير من كثر ماحكّ المعادن وغيرها=مرّ إبتجارب والحياه مسير يازيد شبّ النار واحمس على الغضا=فنجال كيف ولا عليه قصير اقصر امواه وزوّد الهيل وافهقه=لا هب ذعذاع الشمال عبير واتعب على سبع الدلال المهيله=حتى يجي كيف الدلال اخير قد قال ابو زيد الهلالي من الحكم=حكم تخلي هالعقول تنير ايّاك عن مال الرجال وحلالهم=مال (ن) يجيك إمن الحرام يطير العز عز النفس عما يذّلها=ما هوب بعيب (ن) لو تعيش فقير ورزق المرى ما فيه نفع(ن) وفايده=تندم وتصبح بالعيون صغير ابك أنت شدّ البيت بالحبل والوتد=اللي تقشّعه الرياح يطير اللي يصفّر ما يغطي شواربه=ابو الخساير للثقيل يسير والرجل بالمجلس قليل(ن) سوالفه=هرج(ن) قليل وبالمراد كبير ترى الرجال اتكيد بالمكر والدها=إديود غرّز ميتين ضمير كيد الرجل مرات اقطع من المرى=لا صار يحقد يا تقول بعير ان جاتك العاقه فلا تبتلش بها=عاقة ولد عمك وجار قصير زلات ربعك انتبه لا تعدهن=من عدّ زلات الرفيق يحير احلم على السفهان دوّارة الفلج=وافلج عدو(ن) من وراك يغير اعط الرجال احقوقهم واحترمهم=من يحقر عيال الرجال حقير وايّاك عن مال الرجال وحلالهم=مال (ن) يجيك إمن الحرام يطير

ياسلام عليك ياعناد

صح لسااانك
اعط الرجال احقوقهم واحترمهم
من يحقر عيال الرجال حقير

صدقت

أيها الشاعر العملاق / عناد الرواد

حضورك متميز لما للكلمة من معني

وهذا النص يستاهل الاحتفاء وأعادة قراءة بتلذذ أنت شاعر حقيق يا عناد

سلامي لجنابك العزيز

مدرسه الشعريه


صح لسانك

ماشـــــــــــــــــــــــاء الله عليك ياعناد

ما اقول الا الله يعطيك العافيه قصيده قصيده لا تكتفي بمرور واحد

سلمت قريحتك وسلم فكرك يا راااائع

مشاركه اكثر من راائعه

تحياتي لك وشكري وامتناني

صح لسانك ياعناد الرواد

عاد ليت كل حقير يقرا قصيدتك هذي

عشان يصحى ويفوق لنفسه ويعرف ان اللي يحقر الرجال

يحقرونه ولا يرونه شي

ياكثر اهل النوعيه هذي بزمنا هذا

صح لسانك ملايين اخوي عناد

المشاركة الأصلية كتبت بواسطة عناد الروّاد

الشاعر الكبير/عناد الرواد
والله ونعم ياراع العليا هاذا المنظر الذي يطرب له القلب
قصيده تفوق الوصف كلهاشموخ وذرابه الله درك
صح لسانك مليارات يابوسطام ولاهان منطوقك الراقي والعذب
لك اجمل التحايا

وايّاك عن مال الرجـال وحلالهـم
مال (ن) يجيك إمن الحـرام يطيـر

الله الله

مرحبا بنبراس الاشعار


صح لسانك ياعناد نص يروي الذائقه ويحيي الاحساس


لك ودي وتقديري واعجابي


,

الشاعر القدير
عناد الرواد .
صح السانك يالعزوه ولاهنت على
هالشاااامخه .
جزله يابعدي جزله .

تقبل خالص ود :
عبدالله الفهاد ,,

اعط الرجال احقوقهم واحترمهم
..... من يحقر عيال الرجال حقير

لله درك يابن العم

معاني لا يصّخرها

الا حر ولد حر .... !!

دام شموخك وتوهجك

من لبس ثوب الطهاره ماتشّوه
ــــ ولا يذل الحر غير منهو ذليل !!