ديوان الشاعر/عويد كسار (بحر القصيد)

(دموع التماسيح ) لا . لا . تظن الفـَرْح في ناظري لاح=قربك هو اللي يجلي الهم ويزيح دحام يامشكاي ماشفت الأفراح=يذري هبوب الحظ مع عاتي الريح اقفى السعد واليوم صرح الأمل طاح=واطفى معه في عتم ليلي مصابيح جو القصيده راق في بيت الأشباح=وانا وخيالي للقصايد مشافيح هم ونكد والليل مسرى ومصباح=أمشي واطوح من عنا الحب تطويح وانا قتيل الحب في طعن الأرماح=ابكي واداري خافي السر ليبيح ولاوقفت دنياي مع واحدن راح=ناس(ن) بكوني في دموع التماسيح لجل الغلا ياخوك لك خاطري ساح=قربك شفى لاطال ليل التجاريح جيت آتذرى من عنا الوقت ياصاح=جيت أشتكي لك واسند الحظ ليطيح بحر القصيد

ياسلام عليك ياعويد
إبداع وربي

قرأت وقرأت وراح تتكرر زياراتي
مكان يستهوى القلوب ويحرك العواطف ويثير الشجن

أستمر فأنا وكل محبي الجمال متابعين

المشاركة الأصلية كتبت بواسطة حلا الكون

ياسلام عليك ياعويد
إبداع وربي

قرأت وقرأت وراح تتكرر زياراتي
مكان يستهوى القلوب ويحرك العواطف ويثير الشجن

أستمر فأنا وكل محبي الجمال متابعين

حلا الكون

مشكوره اختي الجمال جمال روحك الطاهره لاهنتي

تشرفت الحروف والشاعر بمتابعتك

تحيتي لكِ

(حـــلــم السنـابـل) عادي ولاهو حلم عادي ومعقول=انـه مثل تفسير حلم السنابل سبعـة سنين عجاف مرت على طول=والعمر صحرا وأكثر الزهر ذابل يسقيك من برق(ن) لمع بأول الحول=من مزنةٍ غـرّا بها الخير وابل لو ينظم الشيطان عقد الفزع لول=قوس ٍرمى بأظغاث حابل ونابل على النعش والناس حامل ومحمول=واللي قتل قابيل راح ايتهابل طيفك يجي بالحلم رؤيا لها حلول=نبغا لها تفسير يوم انتقابل عادي ولاهو حلم عادي ومعقول=تفسير سبع ابيات خضرن سنابل

صح لســأإنك يالغ ــلإإ

اأنت مبددددع ومميـــز بطرحك وبقصيدكـ

سلمت انأملــك على هيك قصاايد .. روــوــوع ــه وأكــثر من روووع ــة

كلــمــإت رأئــع ــة وذوووق من انسأأإن وشـإع ــر اروووع

تقبل مروؤؤري على ديوأإنك الرآئـــع والعطر

(حاجز العزّه طلوع) صاحبي بيني وبينك حاجز المعنى طلوع =مارقيت القاف وادري طحت بأكتاف الضياع شيطنة شعر ومشاعر يوم صفت لك جموع=تسترق السمع منك رغم ذاك الارتفاع موحشه مثل الليالي ماأحيت القلب القطوع=قدرك اللي في سمايه يرصده ذاك الشعاع ماتلبّست المحبه خيفة الوجه القنوع=والبليد اللي تلبّس هيبة القلب الشجاع والمحيط اللي تلاطم بين فكري والضلوع=كبرياء من المشاعر ما أعتبرتيها وداع ويل قلبي والخيانه كل مافيها يروع=ساري(ن) عكس السفينه حبك اللي بأصطناع والأمان برمش عينك صار مرسى للدموع=أنزعي وجه الخيانه من ورى ذاك القناع اشهد انه بالحنايا كسر مجداف الرجوع=لؤلؤ الغواص يومه قاسها سبعين قاع منكره مثل الليالي جاحده ضوّ الشموع=حبك اللي مايفسر غير فرقى الأجتماع والله اني ماجنيتك يالرطب لو مت جوع=دامه اللي ماجمعنا فيك نفس الانطباع صاحبي بيني وبينك حاجز العزه طلوع=ماسكنت القلب وادري طحت بأكتاف الضياع

المشاركة الأصلية كتبت بواسطة نور الوجــود

صح لســأإنك يالغ ــلإإ

اأنت مبددددع ومميـــز بطرحك وبقصيدكـ

سلمت انأملــك على هيك قصاايد .. روــوــوع ــه وأكــثر من روووع ــة

كلــمــإت رأئــع ــة وذوووق من انسأأإن وشـإع ــر اروووع

تقبل مروؤؤري على ديوأإنك الرآئـــع والعطر

نور الوجود

صح بدنك مشكوره على اناقة مرورك

تشرفت الحروف والديوان والشاعر

تحيتي لكِ

صح السانك
ديوان مجموعة من اللازهار التي قطفها عويد بن كسار
من اجمل روض شعري يسقى من بحر القصيد عويد بن كسار
وتلفه اجواء الخبرة والابداع التي يتمتع بها الشاعر عويد بن كسار
تحياتي والله الموفق

المشاركة الأصلية كتبت بواسطة ابراهيم حرير العنزي

صح السانك
ديوان مجموعة من اللازهار التي قطفها عويد بن كسار
من اجمل روض شعري يسقى من بحر القصيد عويد بن كسار
وتلفه اجواء الخبرة والابداع التي يتمتع بها الشاعر عويد بن كسار
تحياتي والله الموفق

الشاعر/ ابراهيم حرير العنزي

صح بدنك هلابك اخوي شكراً لك

مرورك شرف للحروف والشاعر والديوان

تحيتي لك

(أقواس المطر) أكتبيني في سطورك من حروف=وأرسميني من تلاوينك قدر الحقيقه واضحه هي والظروف=أفهميني قدريني يابدر عاتبيني في خيالك يالهنوف=واحسبيني بالليالي لك ستر أذبحيني أطعنيني بالسيوف=واتركي طبع ٍتألق بالغدر شمس حبك ماتخفت بالكسوف=واضح(ن) لي والنظر فيك أشتهر كنت أحسب ان كل هالعالم تشوف=وأثر نورك بس عندي محتكر ليتها نبرات حزني لك عزوف=وشعري اللي لاكتبته لك وتر كني اللي قمت واتعبت الوقوف=وانكسر في بيت وارجع وأنجبر ثامن الألوان لونك بالطيوف=وأجمل الألوان بأقواس المطر عشت حلمي كن حلمي فيه خوف=والحقيقه مدري وشهو العذر ولاطرالي في محبتكم حسوف=ولاعرفنا مثلكم ياأغلا بشر ولو ندهتك في فواصل أو قطوف=ماتوَفـِّي لو كتبنا لك شعر