ديوان الشاعر/عويد كسار (بحر القصيد)

( أخون نفسي قبل اخونك وراها ) ومن أمس اقول اني تقل فاقدن شي=روحي تضيق ولا عرف وش بلاها كان البلا فرقاك كل البلا بي=صفحة غلا بالقلب محدن قراها ماكل سحابه بالوفاء تمطرك مي=يخدعك برق صيوفها في سماها تاقف حيات الكون بالكوكب الحي=من بعدها وش قبلها وش وراها عادي تشوف الشمس تشرق بلا ضي=وعند الغروب شلون تنزف دماها ماقول فعل الليل فيني مثل زي=حزن البشر في قلب واحد رماها وانا مسكت الجمر في راحت ايدي=واللي يحس بجمرةٍ قد وطاها حد الجنون بصحوتي واعقل شوي=واعقل جنوني صحوته مالقاها صدري شمالي بس لايزعله شي=أموت والله ماتنفس هواها وشلون ابيعك وانت تدري مهي لي=اخون نفسي قبل اخونك وراها

شكل الخليه عطني لو انه من حياتك ثواني=اقول هذا مكسبي في دقيقه ثلثين عمري والبشر مع زماني=وثلثين كذبه وش بقى للحقيقه وتبغى الحقيقه مذهبي عنفواني=من راح مااتبع خطوته في طريقه لو المراكب شرعتها المواني=قاع البحر كم فيه ناسٍ غريقه مجداف فكري مع ضجيج السواني=متجمع(ن) من كل ضيقه وضيقه وطعم العسل في زهرة الأقحواني=ماارضى غرور اذواقكم في رحيقه لو الخليه تنبني في كياني=سداسي الأضلاع نفس الطريقه نجم(ن) يسار سهيل ماهو يماني=مهما تقارن لمعته مع بريقه ابغا امدح الطيّب لوانه هجاني=مادام كف الطيب يمنى طليقه مديت له جسر الغلا بالمحاني=والمحزم اللي يعتزي في صديقه خلق الشمال بطينة انسان ثاني=من طينة آدم لين تفنى الخليقه مابيع خوت صاحبي في ثواني=لو شبـّت بثلثين عمري حريقه بحر القصيد

( لوحه فريدهـ ) ماامتلا بوح المشاعر من ملل واسع فراغي دام انا حتى فراغي يحتوي فكرة قصيده سمها بااللي تريده سمها مادمت باغي زهرة السوسن وشاعر سمها لوحه فريده أشهد ان الشعر يطغى واشهد ان الحب طاغي واشهد ان الشعر أرحم طاغيٍ مادمت سيده سيدي والشعر لجلك بالذهب حرفه يصاغي من خجل عقدٍ تلألأ كاشخٍ لاصار بيده كنـّه اللي مـا يـمـِل ْولا يعـبـر عـن بـلاغي وارسلي رد القـصايد وقعي تحت الجـديده كل همسٍ باالمحبه غير همسك شي لاغي وكــل كــلمه تنطقيها كونت جــمله مفـيده ياهلا وان قلت أحبك مسمعي والذهن صاغي جمرةٍ بأقصى الحنايا شاعرن ذوب وريده واسألي عاقل جنوني كيف تقظي لك فراغي دام انا حتى فراغي يحتوي فكرة قصيده . . 0 0

(عـلـم الفـلـك) أعتبر قلبي سفينه والمشاعر تحملك=شف سمانا مع سماهم ماخبرها غايمه تسبح افلاك المجرّه في خيالي والفلك=والكواكب باالمجره والمجره هايمه واثق الخطوه وشفني شاعرٍ وامشي ملك=وأحمد الله باالقوافي كل بحرٍ عايمه مااسألك منهو معانا من معاهم من هلك=البقاء لله وحده والمشاعر دايمه كل عاذل لو حلف لك تدري انه يخذلك=ماقظى في حقد قلبه يوم واحد صايمه لك مدينة حس شاعر وانت حاكم تمتلك= ماعلينا من القراده لو تجي متلايمه كل ضلعٍ وسط صدري صار سور لمنزلك=كيف اصحّي بالمشاعر حس ناسٍ نايمه من بحر جرح المشاعر جاك حرفٍ يذهلك= وكل حرن في جناحه نظرته له حايمه من على الطوفان قلبي والسفينه تحملك=لو على قلوب الخلايق ماخبرها غايمه فطرت الله لبدويٍ مادرس علم الفلك=لو تغيب الشمس يدعي قال باكر قايمه

سابع سماء الشعار فكر المجره = منصور دينك يالرويلي على القاف
من عزت العليا سماء في مقره = ومن ورث ابوك وطيب جدك والأسلاف

عويد كسار العنزي

تسلم على هذه الابيات الجزله

"

الشعر ماهي حالته مستقره = جرى عليه أجحاف بالفكر وأسفاف
( يا عويد الكسار ) .. لله دره = شعرً تقره بالعقل كل الاعراف

.

.

الشاعر القدير/ منصور الرويلي

صح بدنك وصح لسانك مشكور يابونايف

انقى تحيه

طيحت حظي طيّح الله حظك
لا والله الا طايحٍ قبل أشوفك

ذريت ملحك فوق جرحي وشظـّك
حسيت فيني مانسيت امعروفك

شف خنجرك بالضلع الايسر وقظك
داويت جرحي يسلم لي كفوفك

_______________________________________

شـبـر شـبـر , قـبـر قـبــر , بـيـت بـيـت
يوم ثار الفقر شعب وصار ضدك شفت زنقه

يامعمر كنت طاغي كنت بلوى وابتليت
من مثل صدام راح ولا بكينا يوم شنقه

---------------------------------------------------------

حنا فتحنا للزمن صفحة كتاب
عشره بعد عشرين عام ودراسه

ان الزمن لازال جمله لها اعراب
بس العرب لليوم فيها انتكاسه

حنا لو انا صح ناخذ باالأسباب
حكمه مثل لقمان والا فراسه

أولي العقول الناضجه واهل الألباب
تفهم معاني وضعنا من أساسه

يموت حر ولا كلآ لقمة غراب
يعيش حر ولاانحنى يوم راسه

بحر القصيد~

حد انصهار الشمع شفني الياذبت الليل يكتب قصتي واحتراقي تدري احبكـ صح .!! وادري تلاعبت ... بمشاعري .. واحساس جرحي .. وباقي .. دمعي .. !! ويكفي لعب مخطي ولاتبت كثري يشيل من الغلا ماانت لاقي منهو يحبك كثر حبي الياغبت لو كان بعد الموت يحصل تلاقي شفتك وشفتك ايه شفتك وجربت شفتك تشيل الروح طالع وراقي شفتك تشيل الروح طالع وقربت في عالم الأرواح تبغى اختناقي ونزلت فيها تحت حتى تغربت في مملكة ابليس رابط وثاقي اي والله اني في غرامك تعذبت والليل يكتب قصتي واحتراقي . . بحر القصيد

(حورية أمواج البحر ) قــولي لهم لو يـاصلون الثـريا تـشبـّهـو بـك بـس مايـشبهــونك انتي هــنا واشـرت شوفي هـنـيـّا في وسط قـلبي خـلهم يـعرفـونك حـوريـة امــواج البـحر ماعـلـيّا لو يزعلون الكون فـدوة عـيونك ياعـــل عـشـاق الهــوى ماتــفــيّا لـو حـاولو عـن وصلنا يبعدونك قلبي حلف عن حب غيرك وعيّا أبك انت روحي مقدر آعيش دونك لـو طيـش عـقلي بالـغـلا ماتـريـّا لو يندفع بأحساس صحـوة جنونك يــزبن لـ ابوسلــطـان شاعر حمـيّـا عجزت بـيوت الشعر ما يـوصفـونـك يا شامخه لو ياصلون الـثـريّـا تــشبّهـو بـك بــس مـا يـشبهـونـك . 0 0

حبك ماهو تعديل داخل سطوري وحرف الغلا في وسط قلبي مثل ماانت عطر الغلا واهديك روعة زهوري ابغا ك في بأحساس الاناقه ولو كنت كنت الجمال وروعتي في حضوري وكنت القصيد بداخلي لو تمكنت وكنت بتواضع كبرتي مع غروري وكنت الحنان بوسط صدري ولا لانت وكنت السماء يانجم ليلي ونوري وكنت الشموخ وكبريائي ولاهنت بس الخطا عديت حدي وطوري ولولا الغلا مافار دمي ولا أحزنت ولا انهدم حلمي على اطراف سوري كفرت انا في حب غيرك ولا آمنت الا برب ٍ عالم(ن) وش شعوري انت الوحيد اللي على خافقي منت ابغاك لامن جيت تذكر مروري ماهو وسام ابغاك تلبس ولو كنت كل الغلا محذوف داخل سطوري لاكن بوسط القلب غالي مثل ماانت . 0 0