تصرّفات خاطئة !

المشاركة الأصلية كتبت بواسطة فارس نجد

آهـٍ ثَمْ آهـْ ... تَعِبْتُ من أسرارِهم ,,

وأتعبتني هُمومهم ..,,

لا يعلمون أن لدي مايكفيني من الهم والحُزن ,,

قال لي أحدُهم ذات يوم " واضح أنك ماجربت الهم والحزن " !

فابتسمتُ على قدر الألم وقُلت " كما تقول " ..!

تصرف خاطئ :

الناس لديها مايكفيها من الهموم .,. فلا تتعبهم بهمومك أيضاً

و..

تصرف خاطئ

أن تشكي همومك على أحد ..!

فإذن كان صديق .. فسوف يحزن لأجلك ,,

وإن كان عدو .. فسوف يفرح على قدر حُزنِك !

فارس نجد 00

شكرا من القلب لروعة مااضفته هنا 00

فعلا الناس فيها مايكفيها من الهم وماهي ناقصة 00

يرفع ضغطي اللي يوعدك بشيء وبعدين يطنشك 00

على سبيل المثال 00

لو تتصل بأحد أصدقاءك اللي أنت شادٍ فيهم ظهرك وبطنك ورقبتك 0

وفرضنا بأنك بحاجة أن تتسلّف منه مبلغ من المال لآخر الشهر 00

المشكلة 00 مايقولك ماعندي أو يعتذر لك على شان تعذره وتبحث عن غيرة 0

والدنيا ماخلت من الأجواد أهل الفزعات والمعروف 0

المشكله بأن صاحبنا هذا يقولك ( تُعرَف ) عطني رقم حسابك وبعد شوي تلقاهم بالحساب 0

لا 00 وبعد يصر عليك ويحلف على شان يودع بحسابك أكثر من اللي أنت طالبه منه 0

تقوله له مشكور وجزاك الله خير 00 أنا محتاج هذا المبلغ فقط 0

ويمر يوم ويومين وتروح للصرّافة وتجد حسابك خالياً على عروشه 0

ترجع وتتصل بصديقك ولاتسيء الظن به 00 تقول يمكن الرجال نسى أو صار عنده شيء 0

يرد عليك ويقولك آسف تأخّرت عليك صار عندي شغل وأشغلني وأنا هالحين طالع بالسياره 00 وأقرب صرّافه ابي أمرّها وأودع بحسابك 0

ونفس النتيجة 00 تنتظر حظرة جنابة يروح للصرافة اللي يمكنّها تبعد عن بيته ألف كيلو متر 00

أخيراً تتصل بواحد ثاني ويحوّل لك اللي تبيه بعشر دقائق 0

وخوّيك الأوّل على وجهه 00 لاحوّل شيء ولا حتّى إتصل واعتذر منك 0

أنت مالك في هالوقت هذا غير تطنّشه وتخلّيه يولّي لأنه ماهو قد كلمته وبالتأكيد يطيح من عينك 0

لكن لو رجعنا لتصرّفه السخيف 00

كان بإمكانه من الأوّل إنه يعتذر بشكل مهذّب 00 وأنت بالتأكيد سوف تعذره 0

بس المصيبه جعلك تنتظره على الفاضي 00

اللي ماهو قد الطيب 00 لايحاول يسوّي طيب ويظهر للناس بأنه طيّب 00

وحتى لو حاول فلن يستطيع 00

الفرق كبيييييييير 00 بين الطيب وبين الردى 0

الشي الثاني تكون بمطعم قاعد تبلع الا واحد كل ماتناظر فيه الا عينه لك ولصحنك ..!
تقول اول مره يمكن صدفه لكن ان كل مره تناظره الا يناظرك ..!
أشكرك على ماتطرقت له وانا أعجبتني الذي يناظرك وماذا تأكل لانها موجوده وكثير منا حصل معه مثل هذا الموقف...اشكرك مرة اخرى

المشاركة الأصلية كتبت بواسطة سلطان محمد نزال المصربي

الشي الثاني تكون بمطعم قاعد تبلع الا واحد كل ماتناظر فيه الا عينه لك ولصحنك ..!
تقول اول مره يمكن صدفه لكن ان كل مره تناظره الا يناظرك ..!
أشكرك على ماتطرقت له وانا أعجبتني الذي يناظرك وماذا تأكل لانها موجوده وكثير منا حصل معه مثل هذا الموقف...اشكرك مرة اخرى

الأخ سلطان المصربي 00

شكراً لروعة مرورك وجميل تعليقك على إضافة الأخ أبو سيف 00

فعلاً تصرّف يرفع الضغط حين تأكل والغير مفتّح عيونه عليك 00

يرفع ضغطك عندما تكون واقف على الإشاره بالمنتصف تبي تطلع على طول 0

ويجيك واحد واقف بأقصى اليمين 00 وبعد ماتفتح الإشاره ياخذ يسار 0

غير مهتم بالناس اللي واقفه واللي لهم أفضلية السير 00

كذلك اللي يجيك من خارج الدوار ويدخل ولا عليه بأحد وأنت موجود داخل الدوار والأفضليه لك ومع ذلك تاقف غصب عنك

على شان ماتكمخ هالخبل اللي مدري منين دخل 00

ومن أكثر الأشياء اللي تجلطني 00

لاجاك المصري وحاول يتكلّم باللهجة السعودية 00

بدل مايقول يارجال 00 يقول يارشال 0

يعني مثل طريقة الفنان ناصر القصبي بطاش ماطاش 00

يوم يقول نروح نتمقنص يعني نروح للمقناص 0 هههههههه

بعض الناس ذابحته المناقيد بس 00

يشوف عيوب الناس ولايشاهد عيوبه 0

يعني لاصرت جالس معه تبي الستر والسلامه بس 0

لو شافك بدون شماغ 00 فضحك 0

ولو شافك رايح للبقاله وانت لابس لبس رياضه جلس وعطاك محاضرة 0

ولو شافك مطوّل شعرك شوي 00 تشبع منه لوم وعتاب 0
لكن المصيبه 00 لو شافك وانت لابس جنز 00 يمكن يقول إنك خارج الملّة 0

بعض البشر 00 لديه عقدة النقص 0

يظن نفسه بأنه لن يكسب إحترام الناس وتقديرهم الاّ في حالة أن يُظهر لهم بأنه شخص مقتدر وعنده فلوس 0

طبعاً هذا الشيء من منضورة المتدنّي 00

كثير من الناس يتعالى على خلق الله وينظر لهم وكأنهم حشرات في نظره 0

تجده منتفخاً كالبالون 00 يكاد ينفجر بأي لحظة 0

حين يتكلّم 00 يتحدّث من طرف خشمه 0

التكبر 00 خصلة ذميمة وتدل على نقص وصغر حجم صاحبها 00

ومن تواضع لله رفعه 0

هناك صنف من الناس 00 هوايتهم التنكيد عليك بس 0

كل خبر شين أو يضايقك يجيبونه لك بسرعة البرق 0

وكل ماشافوك 00 قالوا ( تُعرَف ) فلان يقول عنك كذا وكذا 0

أهم شيء يقلبون مزاجك الله يقلب صرعهم 0