اخر حركات الغش تعالو اعلمكم

( تعدد الغش والهدف واحد)

شعار الوكلات اللي ماتخاف الله

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ



اخر صرخات الغش ( صارت الوكلات تتفنن بالغش)



الكل لاحظ في الاونة الاخيرة وخاصة اللي يدور سيارة جديدة شئ مشترك بين الوكلات .

اللي هو اذا جزمت على سيارة واخترتها قال لك المندوب انتظر شهر او شهرين اما نوفر السيارة لك.



انا صارت معي باكثر من وكالة

تويوتا هايلكس قال انتظر اسبوعين الى شهر

نيسان صني قال انتظر من شهر الى شهر ونص

كيا على رداها قال انتظر اسبوعين

هوينداي والله شهر ونص اما جابوا طلبي اكسنت





ليييييييييييش هالحركه ؟؟؟؟؟؟



سويت بحث عن طريق علاقاتي بالمعارض وتم الاتصال على كل من :

1- صاحب معرض مشهووور بالرياض للسيارت الجديدة

2 - ثلاث اشخاص لهم معارض بالمنطقة الشمالية للسيارت الجديدة

3- مندوب مبيعات مصري بأشهر معارض بريدة له خبره 19 سنه

4-موظف بنيسان

5- شخصين بوكالة تويوتا



واكتشفت انها حركة مقصووووودة الهدف منها



اهداف فرعية وهي :

1- اسلوب دعاية ان سياراتنا ناجحه وعليها سحب

2- تصريف بعض السيارات ذات الون غير الدارج

3-تصريف السيارت ذات الفئات غير المرغوب فيها



نشرح الاسباب على الطاير

السبب الاول واضح .

السبب الثاني

مثلا لو ابي جيب لونه ابيض ورحت للوكالة وقالوا ابيض مافية فية اسود متوفر حاليا قلت ابي ابيض وش راح يقولك المندوب راح يقول متوفر ( معصي هههههههههههه )

راح يقول الابيض خالص من عندنا انتظر شهر او شهر ونص يمكن يتوفر ويمكن لا فتظطر انت اذا كنت محتد راح تاخذ الاسود ( وهذي صارت )

السبب الثالث

فية فئات مثل الستاندر مثل جيب الربع قزاز عادي تلقاه متوفر بالوكالة لكن الناس تاركة من فترة تجي تبي ربع قزاز كهرب يقول مو متوفر فيه قزاز عادي انت منت جالس شهر شهرين عشان قزازة او اللون راح تاخذ اقل فئة واللون اللي هم يبون ( يامن شراله من حلاله عله ههههههه )



السبب الرئيسي للحركة والادها وامررررررررررررهو



سبب واحد رفع الاسعاااااااااااااااااااااااااااااااااااااااار



كيف اعلمك كيف



شف للوكالة فاضية ماعندها سيارات وشف للمعارض مليانه اكثر من نص السيارات اللي بالمعارض الخارجية للوكالة اصلاااااااااااااااااااااااا

تجي للوكالة يقول ماعندنا رح للمعرض الفلاني تلقا عنده واغلا من سعر الوكالة



تقول وشلون كيف يقولك راعي المعرض حلالي وابي ابيعه كذاء تبي ماتبي دور غيري (( وهو اتفاق بين المعرض والوكالة ))

هنا الوكالة تخلي مسوليتها لا جيت تشكيها تقول انا ابيع على تجار محليين وهم يرفعون السعررررررر مالي دخل ( حركة حتى ابليس مافكر فيها ))



وسبق ان معرض بمنطقة من المناطق كان يبيع سيارات جديدة وفجائة قلب الى السيارات المستعملة

وبعد مقابلته قال انا رجال راعي ذمة كنت اشري كاش من الوكالة وابيع

لكن رفضوا يبيعوني الا بالطريقة هذي ورفضت وتركوني وانا تركتهم



واكبر دليل يوم كانت السيارات معقولة عام 2006 الى 2009

كان الطلب واجد والسيارات متووووفرة

والحييييييين

الطلب قليل جدا والسيارات غير متوووووفرة كيف تجي هذي ماتدخل العقل والان في اكس ار موديل 2006 خارج السعودية يسوا نقول مثال 100000مائة الف ريال على شان انه يدخل المملكه مسموح به وموديل 2005 سعره من 35000 ريال الى 45000 سبحان الله وش غير السعر اصبحنا نعرف ان التكلفه على البائع قليييله جداً ليش يلعبون علينا وحنا مع الخيل ياشقرا غير الوكالات وصلت اسعار السيارات شي غير طبيعي لماذا لانا كل سنه لازم نرتز بسياره جديده وهم مستانسين وحنا الضحيه ليه مانتوقف عن الشراء من التجار الجشعين ولو فتره بسيطة كل واحدمنا عنده سياره تكفيه 3سنوات قدام وراتبه ماشي والحمدلله والتجار لو يتوقف البيع شهر انهبلو ومطلوبه منهم رواتب احنا اصبحنا نشارك التجار برفع السعر


واخيرا هذاء كلام وتقرير متعوب عليه اكثر من اسبوع وانا ابحث بالموضوع وسوف انشرة بالمنتديات

مسمووووووووووووووووووووووووووح لاي شخص انه ينشررررررررره



وشكررررررررررررررررررررررررراً

لااله الا الله

.*
آن ششآإء الله الج‘ـميع‘ يستفيـــد ..
يع‘ـطيكـ ـآلع‘ـآفيـــه ع طرح‘ـكـ وع‘ـسآإكـ ع القوهـ
كل ـآلود ~

أشكرك على هذه الموضوع الرائع..

فكل كلماتك كانت مميزة وفريدة..

تُشكر على ما كتبت..

ومن غشنا ليسا منا

هذا كلام الرسول


دمت بأمان الله..

يامعيض والله انك مازليت النصب واضح مثل الشمس اللي تطلع وتغيب

وزارة التجاره شايفه وساكته با اللي قاعد يصير في البلد من استغلال للمواطن المسكين اللي مظطر

والوكالات محتكره من ناس جعلهم مايربحون

في رمضان رحت للجميح وكنت مستعجل قالو مافيه عندنا الا يوكن دبل والفرق تقريبا 18 الف

بدون دبل مافيه وشريت ابو دبل وبسعر خيالي بعد ما سافرت للجوف مريت الوكاله لقيته عندهم بسعر اقل

بحوالي 5000الاف ريال يعني فيه استغلال لزحمه الطلب في الرياض

لكن وانا اخوك رح للامارات وجب لك سياره وارتاح

معيض بن عريفج

يعطيك العافيه على الموضوع الجميل والطرح القيم

شكري لك وفائق تقديري