♂♂l|][Ξ¯▪ـ‗_شـــوآرد الفكـــر_‗ـ▪¯Ξ][|l♂♂

وجهة نظر والشعر يحمل رسالـه=وبعض اختلاف الراي مايجرح الود

[quote=غربي حزام;594726]ابو خالد


كنت اقراء بقسم من اقسام المضايف ووجدت عضو يتكلم عن الرفقه وكتبت هذا البيت الذي اتا بعد ابياتك

ووالله ماشفت ابياتك الا بعد ماكتبت البيت ولدليل اني كتبته بمكان آخر قبل ان اكتبه هنا

على كل حال بعد ماكتبته قريت ابياتك فقلت في نفسي ليتني ماكتبت هذا البيت بعد هذه الابيات

التي تغني عن ديوان والله مااقولها مجامله الله على فكرك فلا غرابه ان تكون هذه الابيات

مذيله بسم دحام الهذال نعم هذا انت وهذا هو الشعر الذي يحمل فكر صاحبه [/quote


الغالي غربي حزام ..

ماعليك زود يالغالي لا بالقول ولا بالفعل ..

وشهادتك هي وسام فخر أتشرّف وأعتز به

بارك الله فيك وأشكرك على إطرائك لنصي المتواضع ..

المشاركة الأصلية كتبت بواسطة كامل العنزي

صح نبض مشاعر الجميع ابداع× ابداع .... هنا اجد نفسي وارتشف من اساتذتي أجمل الشعر( ما قل ودل)..





لا تعليق يليق
ما شاء الله عليك..خايف عليك من العين هههه
ابيات = درر+جوهره
تم النسخ

تقديري وشكري

الغالي كامل العنزي ..

العفو أخي الكريم وأتشرّف بإطرائك ونسخ النص المتواضع

وهذا لو دل على شيء يدل على طيبك وروعة ذائقتك ..

لاتستحي .. والناس ماتستحي منك = بعض الحيا يجني عليك ويدينك

إمّا يعزّك بالحياة ويبيّنك = والاّ يذلّك بالمعيش ويهينك

واللي قضى بك حاجته مانشد عنك = ولا تشوفه بعد هذا بعينك

ماكل شخص ( ن ) معدنه مثل معدنك = ولاكل من صافح يمينك .. يمينك !

حتّى خويّك بعض الأحيان يطعنك = ويقطع حبال الود بينه وبينك

يمكن .. يعينك واحد ( ن ) قبل يبخنك = واللي بخن فيك الوفا مايعينك ! ؟

ابو خالد نحتاجك هنا دائما ونحتاج مثل هذه الشوارد

ما ادري احس هذا النص انا اللي كاتبه

فطبيعي ان يكون لدي هذا الاحساس والشعور لانه تحدث عن ما في نفسي

سلمت يا استاذ

لاتستحي .. والناس ماتستحي منـك
بعض الحيا يجنـي عليـك ويدينـك

إمّـا يـعـزّك بالحـيـاة ويبيّـنـك
والاّ يـذلّـك بالمعـيـش ويهيـنـك

واللي قضى بك حاجته مانشـد عنـك
ولا تشوفـه بعـد هــذا بعيـنـك

ماكل شخص ( ن ) معدنه مثل معدنك
ولاكل من صافح يمينك .. يمينـك !

حتّى خويّك بعض الأحيـان يطعنـك
ويقطـع حبـال الـود بينـه وبينـك

يمكن .. يعينك واحد ( ن ) قبل يبخنك
واللي بخن فيك الوفـا مايعينـك ! ؟

صح السانك يادحام

يابنت أنا ماني من اللي تبينه

أصابعك ماهي سوى هيه يابنت


أنا بدوي ساكن بوسط المدينه

تلين سكان المدينه ولالنت


في داخلي أمّه كئيبه حزينه

وأنا على أحزانهم حيل أدمنت


فيهم طفل يشّر علي بيدينه

يقول لاتضحك تراني أنا أنت!!

دمتم ودام تواصلكم الراقي والمتميز=
اي والله ان البرق والرعد والغيم=وطش المطر والسيل لاسال بالقاع
تجلي الهموم الممحلات المظاليم=اللي نقشت نقش العنا بوسط الاضلاع

ياصاحبي أسألك باللي به آمنت = حلمك وش اللي حال بينه وبينك
لاهنت ياللي تشتكي منك لاهنت = تشكي بصمت ولا تبيّن ونينك
يالشامخ اللي بوجه الايام مالنت = ولا حنت سود الليالي جبينك
سجنت همك لين في همك أسْجنِت = حتى غدا سجان همك سجينك
عزالله اللي جابتك ياولد بنت = لاشك عيّن يسعفنك سنينك
ياأعـز وأوفى من له الشعر هيجنت = هذي أطعوني ماتوازي حنينك
قل للعذول أني على عـز برهنت = عثرة سنينه .. وأنتبه لا تدينك
قله تراك أبدعت وأحسنت وأتقنت = تمثيل دور أحقـر طـهارة يـديـنـك
هانت عليك العشره اللي بها منت = والله على تصغيّر نفسك يعينك
أنا عزاي أني معك جيت ولا أنت = لا وأهنيك ماجفا النوم عينك
ياظلنا اللي يطعن أظـلالنا هـنـت = الشمس بانت .. جأوب الصبح وينك

الشاعر/ منصور بن نايف الرويلي

(صح لسانك يابو نايف) والله والقرآن واللي به آمنت=واللي لغيره ماانحنى له جبينك انك معي ماغبت لحظه ولاهنت=لاشفت ردك قلت تسلم يمينك كم ينولد من بنت فكري ولد بنت=وان قلت همك قلت ربي يعينك ياهمي اللي بالخفا كم تفرعنت=والعزه اللي بين جفنك وعينك شرعت له باب الميانه ولامنت=وغير الشقى مامان بيني وبينك عز الله انك يابو نايف مثل ماانت=وانا على يمناك حطت يدينك هوى الشمال بمنّتك لو تبيّنت= روحي تعافك ماتبي لأكسجينك والله والقرآن واللي به آمنت=الجرح جرحك والبشر ماتدينك

بحر القصيد~

لا هان رأسٍ ماخضع للمزايين = ولا عاش رأسٍ مايزبن قصيره
الرأس به طنخة زعيم الميامين =حلال صعبات الامور العسيره
لك ماكرٍ من فوق وكر الشياهين = وهيبة حروفك كالسيوف الشطيره
هذا الدليل اللي علية البراهين = علمٍ يقريّه الشوير لشويره
(يابو فهد) عز الرجال الوفيين = اللي لهم بالطيب مبدى وسيره
عز الخوي سقم الطغاه الملاعين =بين الحمياء والفعول الشهيره
وأنا ولد (نايف) كعام المعادين = والناس تشهد بالليال المريره
من الله خلقني ماتبعت المقفين = أهل المصالح والنفوس الحقيره
ماهمني فعل الردي والرديين = واللي على الغرات يشعب بعيره
ياعلهم فدوة طليق الحجاجين =اللي بعد فرقاه روحي كسيره
هذي حروفي صغتها بالمضامين =ياللي لك بقلبي مكانه كبيره

.

دمتم ودام تواصلكم الراقي=
شوارد الفكر ساقتني على اشواقك=يوم الهواجس على شوفتك مشتاقه
ماكان قلبي يطاوعني على فراقك=يانبض قلبي لك الاشواق تواقه
يامشعل القلب باحساسك وبأخلاقك=عليك نار الخوق اليوم شعاقه
ان كان بعده ولو ساعات ماشاقك=عليه دقايق فراقك حيل حراقه