تدوين .. نايف السمين ..

الصبح ينسج من خيوط الشمس=معطف لحن وادفى واغني له
كان امس ديم وكان في قبل امس=غيم وبغيت ابوح (واحكيله)
احب ابين له غلاه برمس=كم كلمةٍ تعني (ياحبيله)
مااقول ان حبه حمسني حمس=قلبي غدى بن فمعاميلة

اسأل النادل عن القهوة وهو جالس يسوي=شي آخر ماله الا هم في حضرة نبيذه
اسأله بالله كيف ! شلون ! ماقدرت جوي=قال ماقدرت جوك كيف ! قلت الكيف اخيذة

ياهل المضايف دام الألقاب فبلاش=يكفي لقب شاعر ونجمة واحدة
ذيب المعاني عادته عوف العراش=اقصى القبايل لاسبرها شاهدة
ماهمه اللي يلهث( وينبح )غشاش=كل مايتوقون لمناله زاهده
قمح التواضع يغني النملة معاش=وقمع المبادي كل عرف يجاهده
وبعض العلوم تصيرمن تحت الفراش=لاجل البنيخي والمعاني رايدة
صلب المكامن مايذريه الهشاش=مايدعي شيٍ ولاهو جايدة
الحرف حرفة نادرالبوح وبلاش=نصبح منابر شعر دون محايدة

اياك اعني ياقمرواياها=منهوغدى بدرالزمان وخيه
ماهي مثل من غيرها سماها:=..قمرولااقول ان قمرنا بنية
طفلة و(كن) الناربأول فاها=نارٍ لاهي حمرا ولاخمرية
اليااجتمع غيم الحكي بشفاها=ماتمطره الا على وسميّة

اجود الجود لامن جاك من قل=لاكن من الكثير الجود عادي
شف انا كم اقول اهواك ياخل=وانا مابه مكانٍ في فؤادي
من جروحٍ بخفاقي خذ وخل=ينضح الطيب في حسب اعتقادي