ديوان الشاعر/عويد كسار (بحر القصيد)

هشتااق لك ماني على الناس مشتاق وانا الذي في غيبتك ميتٍ شوق ولاهمني وش كثر اعجبت الاذواق اعمل لها رتويت يامنبع الذووق .................. اصمم الصوره باالأحساس منشور والناس تدخل تعجب بجزالتي وتعبت احدّث حالة الهم والجور ولا تغيّر شي . هذي حالتي ..!! ............. حنا دخلنا بعالم الفيس والتانقو مثل ابدويٍ يوم طاح بعصيده والا اثنين عنوز يومٍ تعانقو في دار غربه والبنيخي بعيده بحر القصيد~

مابين قطبين الخفوق وكلامك قلبي ماهو فولاذ من كتلة احساس مدري وش الرابط ولكن امامك يجذبني احساسك تقل قطعة ألماس... لو شفتني وشلون حتى بمنامك ماطبّق رموش السهر جفني نعاس طارت قـطـاه ولا تحـرّك حـمـامك متذريّه عودٍ(ن) خضر ماهو يباس وافـك برقـع كـل حر بمقـامك مستوحشٍ يبغا يفكّه عن الراس ولا الآقي غيـر زود احـتـرامك وكفي وكـر شيهانةٍ حر قرناس مابين قطبين الخفوق وكلامك مدري وش الرابط ولكنه احساس عطني من الذرّه جزيء بغرامك واملا لك الدنيا محبّه مع الناس بحر القصيد~

( الحب هذي قسمته ومعروفه ..!! )

بحر القصيد بليلةٍ شاعريّه=والكل يفرق بصمته وامعروفه
وان قال ابن كسار مالك عليّه=وابيات شعري بالجنون مخطوفه
ولا اعتبرها ياخويّي وصيّه=يكفيك من شر الزمان وظروفه
رزقك ويومك والقدر والمنيّه=واللي بعلم الغيب محدن يشوفه
بيد الولي خلاّق كل البريّه=ماخاب من هو رافعٍ له كفوفه
الناس قالو أول الحب ذيّه=نظره واقول الدمع آخر حروفه
آدم وحواء بجنّة الله سويّه=وابليس رابط مهرته ومعسوفه
ولا كسر من غصنها له خطيّه=الا بشور ابليس يلعن صروفه
واحسب معي بأيديك ياابن الحميّه=والحب هذي قسمته ومعروفه
واحد وفي يغني اليا خان ميّه=والباقي اللي بس نصيحه تعوفه
والحب مثل الموت والا المنيّه=اظنها ارحم من حياة الحسوفه

بحر القصيد~

ماالسائل اعلم منك لاتسأله ليش ..؟؟ مجنون ادري شاعرن ماني خلي ..!! انا الجنون اللي ورى عالم الطيش من ملة محمد ولا مذهب علي وردَو عليها مبعدين المطاريش ..!! حندة بدو يبرك لها حمل جملي قلبي ماهو كهف اسكنته الخفافيش مرباه حر(ن) فوق رجمٍ(ن) معتلي نادر وحش ساطي يصف كامل الريش ماهو مثل صوت وصفير البلبلِ ي بحر القصيد~ ............

ياالنادر اللي مااشبكوك الصقاقير ولا لمس عين الشبك في حمامه حشّمت ريشك ماتقرنس مع الجير تفرق عن طيور السماء بك علامه هوى الحماد اللي تنفس بها الطير وش جـابـها لمخيّمات الثـمامـه كنك براس الرجم في حزّة عصير ضابط وصف الحوم وقت استلامه بحر القصيد~

الله خلقني غير عن باقي الناس بي غطرسه ويحق لي ياابن الحلال لو الجهات الاربعه تحسب قياس يبقى اتجاه البوصله دايم شمال هذا هو الفارق هنا فطرة احساس هذا هو اصدق بيت بالشعر ارتجال لو ماتجي بأحساس حاضر بحاضر في ذمتي ماني مع الناس شاعر افضّل اقفل صفحتي عن قصيدي من قبل لااكتب في حياتي خواطر ايه ابرقي له يالقصايد من احساس والا ارعدي والجو عاصف وماطر ايه امطري من فرع وادي خفوقي وادي بدنه قدام عرعر وحامر ..!! لو البحر من فوق شكل الخريطه بأرض الشمال حزوم مابه بواخر ,, بس الوفاء بعروق نبضي ودمي متأصلاً من ورث جد الأكابر من طيب عرق الوايليه ورثته يوم الرجال افعال ماهي مناظر ومضمار خيل الاوله والاصيله روضتها والحرف جامح ونافر يبقى الضمير الحي ...!! .................. عايش ولا يموت .!! ( الا الذي من دون حس ومشاعر ) بحر القصيد~ ...!!

( الحب حياة الروح لكن وفاته ..!! )
دمعه بعين اللي عشق فارق انسان

محدن بعمر ابليس ينطر وفاته=ولحدن كثر فرعون يفهم لهامان
ولا يقطع الله من سجد في صلاته=ولحدن من الحكمه كما لسان لقمان
وش يجبر العفريت يتعب حياته=لو كان يدري عن منيّة سليمان
وعن دودةٍ باالأرض تاكل عصاته=ولو ماكلتها مادرو عنّه الجان
وانا كفيل الشعر في امسياته =يامكبّل العفريت بأصفاد الاحزان
ابغا تفك قيود من تضحياته= وش ميزة الفنان من دون الالوان
واللي علم بالغيب اسمى صفاته=جل الكريم المعتلي عالي الشان
الحب حياة الروح لكن وفاته=دمعه بعين اللي عشق فارق انسان

بحر القصيد~

............ انا معك والا انت شوفة عيونك روحي وهي روحي تراها ماهي لي شفها معك وابغاك تترك ظنونك انت الهوى للروح والزاد والمي يمكن اعيش بظلمة القبر دونك ماني على الدنيا لك الله وانا حي بحر القصيد~