** ليل التعاليل **

ونختم تعاليلنا بكيف تكون شيخ القبيلة

كان يا ما كان كان هناك شخص يدعى علي بن لبدان
المهم علي بن لبدان هذا كان كل امنياته في الحياه انه يصير شيخ قبيلة
لكن ما فيه مقومات وما احد بيعطيه مجال لان الشياخه لها ناس واخرهم علي بن لبدان
بعد ما يأس من الشياخه في قبيلته قال يا ولد انا بافصل لي جنبية زي حقت الشيوخ واكتب عليها:
الشيخ علي بن لبدان)، المشكلة ما فيه دراهم قام باع الغنم كلها علشان يفصل الجنبية(الحلم)
فصل الجنبية وكتب عليها: الشيخ علي بن لبدان قاتل ميه ومعتق ميه
علشان الشياخه تكون على اصولها
المهم طق في الارض بعد ما باع كل شي علشان هذي الجنبية
هائم على وجهه لا فرس ولا حتى حمار ولا قليل ولا كثير
ومشى وابعد عن ديرته بعيييييييييييد
المهم من كثر التعب جلس تحت شجرة ونام

وهو نايم الا ويشوفونه مجموعة رجال جوا قربوا منه وبدون ما يحس طالعوا فيه طالعوا في الجنبية:
الشيخ علي بن لبدان قاتل ميه ومعتق ميه
الله يكفينا شره هذا ماهو بسيط هذا مطلوبنا هذا اللي بي حل مشاكلنا،
المهم صحوه برفق ولين شيخ وقاتل ميه يعني العفاشه ما تنفع معه المهم قام الشيخ علي خير وش فيه (من الخوف طبعا)
هم : لالا ابدا بس قلنا تتفضل عندنا هنا يا شيخ علي.
هو: هاااه الشيخ علي طيب طيب (اول مره يسمعها في حياته)
هم : تفضل تفضل

المهم راح معهم قهووه وغدوه وريح وقيل عندهم وقالوا له روس القبيلة عازمينك الليله على العشاء وطلبناك ان تقول تم
قال تم تم المهم اجتمعوا وتشاوروا قبل ما يجي الشيخ المزعوم ويوم جا وتعشى واللي عليه بالخير،
قالوا له العلم سلامتك حن قبيلة ضعوف ما عندنا فارس ولا عندنا شيخ،
وقطاع الطرق ذبحونا ما يمر يومين الا وهم داخلين عندنا ياخذون اللي يبغون من حلالنا وحن لا حيلة ولا بصيرة

لمعت عيون الشيخ علي من الفرح
قالوا له اسمع حن بنحطك شيخ لنا كلنا طبعا الشيخ علي على طول قال انا موافق(حلمه القديم)
قالوا بس فيه شروط
الشيخ علي يتمتم :انا لله وش شروطه؟ طيب وش شروطكم
قالوا فيه ثلاثه اختبارات ان نجحت فيها تاخذ الشياخه وان ما نجحت فما لك عندنا الا ضيافه ثلاثه ايام
الشرط الاول اختبار الفروسيه والقتال
الشرط الثاني اختبار الشجاعه
الشرط الثالث اختبار الذكاء

المهم فكر الشيخ علي شوي وهو عارف ان ما فيه ولا شرط ينطبق عليه
قال يا ولد خلني استفيد قدر المستطاع على الاقل اذا جاء اختبار الفروسيه اخذ من عندهم فرس واحط رجلي
قال لهم انا موافق
قالوا اختبار الفروسيه بكره جهز نفسك
جاء اليوم الثاني
قال انا جاهز قالوا له نبغاك تقاتل قطاع الطرق وترهبهم علشان ما عاد يرجعون لنا
قال طيب بس ابغى فرس متعوده على الكر والفر قالوا جاهزه والسلاح جاهز
طبعا الرجال عمره ما ركب خيل
قال ابغاكم تربطوني على الفرس ربطه ما تنفك
ركب الفرس وربطوه ربطة الشر اخذ سلاحه
قال وينهم قال في الجهه الشماليه قال طيب وراح يوم ابعد وهو يفرك جهه الجنوب
ومشى الا والله ان قطاع الطرق قدامه

ويوم تشوفهم الفرس وتقول بسم الله وعليهم والشيخ علي يحاول ينزل يمين شمال يحاول يوقف الفرس،
ما فيه فايده رايحه لهم رايحه وهو مربوط ربطه شينه وهو يطالع الا شجرة قدامه،
ويوم وصل جنبها وهو يتمسك بها مضبوط لكن الربطه كانت اقوى وهو يقتلع غصن كبيييييير،
ويوم شافوه قطاع الطرق وبيده الغصن الكبير هذا وطريقته في اقتلاع الغصن خافوا منه وسلوموا واستسلموا قالوا هذا الداهيه عزا الله بيذبحنا كلنا
اللي قلع ذاك الغصن وراعي هذا الهجوم الخاطف ما لنا الا نستسلم، يوم شافهم الشيخ علي مستسلمين

قال يالله يا كلاب واحد منكم يربط البقيه والا والله لاذبحكم ذبح الشاه المهم ربطهم كلهم وسحبهم
وراح للقبيلة وهم قدامه مربوطين زي الغنم
ويوم شافوا القبيلة قطاع الطرق مربطين قالوا عزا الله شيخ ولد شيخ
ويفكون الرباط اللي مربوط فيه على الفرس ويهنونه ويكرمونه ويريح الشيخ علي
وهو يقول في نفسه راحت الفرس ورحت انا فيها
جا اختبار الشجاعه
قالوا له فيه اسد دايم ياكل حلالنا ونبغاك تقتله
قال هاه اسد عدلوا بدلوا قالوا اسد
قال طيب اتركوه عليه بس ابغى فرس بس غير الفرس هذي (ما تنفع له يبغى وحده حبيبه ما هي حقت مشاكل)
قالوا طب وتخير يا شيخ علي المهم لقي وحده هناك شكلها ضعيفه مالها في المشاكل
قال هذي قالوا يا شيخ علي هذي تعبانه ما هي حقت كر وفر وانت بتقابل اسد
قال انتوا تعلموني الكر والفر وبعدين من هو اللي بيقابل الاسد انا والا انتوا
قالوا خلاص يا شيخ علي انت ادرى

المهم اخذ الفرس التعبانه ويوم يبغون يربطونه قال لالالا(خايف من الورطه القديمه)
كل معركه ولها طريقه
اخذ الفرس الحبيبه هذي وتوكل
من وين الاسد هذا اللي يطلع لكم
قالوا من الشرق قال طيب خلاص ازهلوه
ويوم ابعد وهو يروح غرب مشى وهو يقول: قالوا اسد مجنون انا؟ ومبسوط من الفرس تمشي على اقل من مهلها
مشى الرجال الى ان تعب وهو يشوف ذاك الشجرة الكبيره قال اريح هنا

المهم ربط الفرس وطلع هوه فوق الشجرة ونام شويه الا والاسد محضر الله لا يوريكم الشجرة هذي بالذات محل ما يتكي الاسد.
والفرس من يوم ما شمت ريحة الاسد وهي تحط رجولها وتعود لاهلها والشيخ علي نايم في سابع نومه،
نام الاسد والشيخ علي ينقلب ويطيح على ظهر الاسد، وينفر الاسد لكن الشيخ علي من كثر الخوف تمسك مضبوط
لانه عارف انه لوطاح انه بيروح فيها ويحاول الاسد يطيحه يحاول لكن الرجال متمسك مسكه خواف يعني متسمر فيه،
ويحاول الاسد يطيحه يمين شمال ما فيه فايده الرجال مسمر ولا هو ناوي يفكه

المهم وبينما الصراع (صراع من اجل البقاء) قائم بين الشيخ علي والاسد والقبيلة هناك بعد ما رجعت الفرس
عرفوا ان الشيخ علي تعرض لمكروه، وهم ينفرون كلهم ويلحقونه ويجون الا والله الشيخ علي متمسك بظهر الاسد والاسد يحاول يطيحه
ويجي واحد من القبيلة ويقتل الاسد ويطيح الاسد ويموت والشيخ علي متسمر فيه
ويجون عنده الا وهو زعلان مررررررررره زعلان قالوا الحمد لله على السلامه يا شيخ علي

قال الله لا يسلمكم
قالوا ليش
قال من اللي قتل الاسد
قام واحد وقال انا
قال الله لا يوفقك
قالوا لييييييييييييييييييييييييييييييييش؟؟؟؟؟؟؟؟؟؟؟؟؟؟؟؟
قال انا كنت قاعد اروضه ابغاه ركوبه لي وتجي تقتله حسبي الله عليكم
المهم اعتذروا منه وتسامحوا منه
والرجال يسامحهم وياخذونه ويرجعون على القبيلة ويعشونه ويحتفلون به
الفارس العظيم مروض الاسود

المهم هو يفكر يقول راحت علي الفرس لانه عارف انه ما بينجح في اختبار الذكاء
لان ما فيه مجال للحظ في هذا الاختبار
جاء موعد الاختبار النهائي

اختبار الذكاء
المهم جابوا تنكه وحطوا نصها عسل والنص الثاني الله يكرمكم (بعر)
وغطوها وقالوا يالله يا شيخ علي تقدر تقول لنا التنكه هذيك وش فيها
المهم الرجال قعد يفكر في وضعه لانه عارف انه ما راح يعرف يفكر كيف الكرم اللي كان فيه والامجاد اللي عاشها
اليومين اللي راحت مع هذا القبيلة اللي نادوه باغلى اسم عنده وهو الشيخ علي، فكر فكر وكيف بيكون وضعه
بعد ما يروح من عندهم وهو يتكلم مع نفسه، وهو يتزفر زفرات من قلبه وبدون ما يحس طلع من لسانه جزء من الشي اللي يفكر فيه
قال : اللي اوله عسل اخره( بعر )
كلهم صاحوا صح صح جبتها يا شيخ علي
وهم يحتفلون به وهو ما يدري وش السالفه الا بعد ما فتحوا التنكه
واخيرا تحقق حلم الشيخ علي
واصبح شيخ قبيلة

وسلامتكم والعافيه

ههههههههههههههههههه

ههههههههههههههههههههههههاااي

مادهى من مرووض الاسوود الا اميرة الوورد

وين لقيتي هالقصه الرااائعه كلهاا مخااطر وتكللت بالنجااح

لو انهاا سلمت من تاليتهااا هههههههههههههههه

عااافاااك الله يالاميره

بانتظااار الشيق الجديد دايما مميزه

عواااافي

يالله حيه زارع البسمه ومروض الفرحه اقلط ياخوي حيااك
نورت ليل التعاليل .. القهوه لعمك ياشاامخ
والله ياخيي اللي يدور الزين يلقااه
ودامت ضحكتك

السلام عليكم ورحمة الله وبركااته

اسعد الله مساائكم بالخير والمسراات

حبيت اطرح لكم قصه وهي عباره عن حكمه وموعضه

اتمنى ان تحووز على رضاااكم

~~~~~~~~~~~~

جاءت امرأة في إحدى القرى لأحد العلماء وهي تظنه ساحرا وطلبت منه أن يعمل لها عملا سحريا بحيث يحبها زوجها حبا لا يرى معه أحد من نساء العالم
ولأنه عالم ومرب قال لها إنك تطلبين شيئا ليس بسهل لقد طلبت شيئا عظيما فهل أنت مستعدة لتحمل التكاليف ؟
قالت : نعم
قال لها : إن الأمر لا يتم إلا إذا أحضرت شعرة من رقبة الأسد
قالت: الأسد ؟ قال : نعم
قالت : كيف أستطيع ذلك والأسد حيوان مفترس ولا أضمن أن يقتلني أليس هناك طريقة أسهل وأكثر أمنا ؟
قال لها : لا يمكن أن يتم لك ما تريدين من محبة الزوج إلا بهذا وإذا فكرت ستجدين الطريقة المناسبة لتحقيق الهدف ....
ذهبت المرأة وهي تضرب أخماس بأسداس تفكر في كيفية الحصول على الشعرة المطلوبة فاستشارت من تثق بحكمته فقيل لها أن الأسد لا يفترس إلا إذا جاع وعليها أن تشبعه حتى تأمن شره
أخذت بالنصيحة وذهبت إلى الغابة القريبة منهم وبدأت ترمي للأسد قطع اللحم وتبتعد واستمرت في إلقاء اللحم إلى أن ألفت الأسد وألفها مع الزمن
وفي كل مرة كانت تقترب منه قليلا إلى أن جاء اليوم الذي تمدد الأسد بجانبها وهو لا يشك في محبتها له فوضعت يدها على رأسه وأخذت تمسح بها على شعره ورقبته بكل حنان وبينما الأسد في هذا الاستمتاع والاسترخاء لم يكن من الصعب أن تأخذ المرأة الشعرة بكل هدوء
وما إن أحست بتمكلها للشعرة حتى أسرعت للعالم الذي تظنه ساحرا لتعطيه إياها والفرحة تملأ نفسها بأنها الملاك الذي سيتربع على قلب زوجها وإلى الأبد
فلما رأى العالم الشعرة سألها: ماذا فعلت حتى استطعت أن تحصلي على هذه الشعرة؟
فشرحت له خطة ترويض الأسد، والتي تلخصت في معرفة المدخل لقلب الأسد أولا وهو البطن ثم الاستمرار والصبر على ذلك إلى أن يحين وقت قطف الثمرة
حينها قال لها العالم : يا أمة الله ... زوجك ليس أكثر شراسة من الأسد .. افعلي مع زوجك مثل ما فعلت مع الأسد تملكيه
تعرفي على المدخل لقلبه وأشبعي جوعته تأسريه وضعي الخطة لذلك واصبري

- البعض تعيش معه عمر لا تذكر منه لحظه و البعض تعيش معه لحظه
تذكرها طول العمر لان الذي يحتل القلوب المواقف و ليس الزمن
>>>>
حي الله زوار ليل التعاليل منورين لاعدمتكم

هات فنجال ياشامخ ترا الراس عمسان بالحيل

يعطيك العافيه عشووق قصه رائعه تسلم الايادي
القهوه لعمك ياشامخ

مساء الخير زوار ليل التعاليل

عسى الذي شال قلبك ما يتهنى بك = وانا عسى الله يجيب اللي يهنيني
واصرف من الدمع واقيد على حسابك = واقول يومٍ من الايام يوفيني
وتعيش مرتاح بين اهلك واقرابك = وانا يتكرم علي اللي يحاكيني
واخجل وارحمك واقدرك واهابك = وادراك والله مثل ما ادرى على عيني
مبلي ويا ويل من يا زين يبلى بك = يصير مثلي عسى ربي يعافيني
الله من ليلةٍ قابلت فم بابك = واقول ليت يهديه الله يناديني
مسكين يا قلبي الشوؤم وش جابك =لهم ومن جابني يومٍ يوديني
يا دهر لا تقطع اضلاعي بانيابك= يجوز واحد من اقصى الناس يشريني
مما راق لي

يقول حجاب يا ربي تعينه= عشر سنين حبك مبتلينا
فاول عام نلعب مع بعضنا= نحسب الحب مزح ولا درينا
وثاني عام عرفت الحب ماهو= وصرت احبها حباً يقينا
وثالث عام ويلي دونه جدوى = ملكني حبها عبدا امينا
ورابع عام بني بيته بقلبي = واثر السنه وتوالى الانينا
وخامس عام حبه صار شغلي = ملك عقلي وقلبي واليدينا
وسادس عام اطلعته على امري =لعله يرحم القلب الحزينا
وسابع عام عني خبئوها= وصار الجو متغير علينا
وثامن عام حاولت التخلي = عن الحب وطريق العاشقينا
وتاسع عام ترقد يا حبيبي =وانا والعود لأجلك ساهرينا
وعاشر عام اسف باح سدي = وألفت اغنيه عشر السنينا