ديوان الشاعر/عويد كسار (بحر القصيد)

قلت اسافر في عيونك

السؤال اللي تحـيّر في عيونك وانت خابر
واذكر الله في عيونك ماعرف معنى جوابي

قلت أسافر في عيونك يوم أطالع لك واناظر
وللسفر قطعة عذاب وخايف ٍلفقد صوابي

دامي المجنون مبطي مفتكر والعقل ذاكر
والمحبه تنطوي بي صفحة ٍبآخر كتابي

ودام ليل الأمس قفى ماارتجي صحوات باكر
وان صحى باكر معايه كل هاجوس ٍ سرابي

والبدايه في عيونك موتي اللي بالمحاجر
والثواني في عيونك مثل لحظات اغترابي

والمسافه في عيونك كل مأقطعها تسافر
والنهايه رمش عينك يوم سلهم وانتهابي

ماانكسر بيت القصيده من بحر ديوان شاعر
ورغم انف الشعر لبقى مثل نجم ٍ يقتدابي

مؤمن ٍ بالحب سافر يشهد ان الرمش كافر
وكانها ذنوبي عيونك ماأرتجي منها ثوابي

والله أكبر ماتفائل غير بأصوات المنابر
والله أكبر في عيونك ماعرف معنى جوابي

بحر القصيد
kass_ar2009@hotmail. com

من خواطر خبرتي والزمان اللي يدور
فاقدين الفكر الاول باقي (ن) طرايفه








عالم الذره تحيـّر بأكتشاف الدينصور
يرسم الصوره حقيقه والمشاعر زايفه








نرفع النفس العفيفه مانحفـّر بالقبور
الحظيظ اللي تعلا فوق ذيك النايفه







بحر القصيد

قال اللذي لا قال قوله تمركز= متمركزن مثل السماء بلا ركايز

اسمه ابو كسار واسمه معزز= عز القصيد وعز من جاه عايز

وقف على اطلال القصايد وانا اعتز= ماابغاك تمدحني ولاتقول فايز

كم شاعرن بالقاف قام ايتنرفز= كنه على القيفان في روز رايز

( دقـيـقـة صـمـت )

حالٍ مثل هالحال يرثى لها حال
ياللأسف وشلون ماعدت شاعر

حظي لهب جمره وفـ القطب الشمال
برد ارتعش عفريت جن المشاعر

ياصاحبي فك السلاسل والأقفال
يالله تحرر من قــيود الخواطر

واقرأ معي عم . وطه. والأنفال
واسجد مع الآيات مؤمن وشاكر

طفلٍ لبست العيد ضحكه للأطفال
وأخذت اوزع للطفــوله تــذاكر

وقف دقيقة صمت لرواح الأجيال
لاتـندفن بأحلام ذيـك الــمقـابر

والعب معي بالسيف طعنه وخيال
يامعلم الأطفال طعن الخناجر

والا ارمني في كورة الثلج واهتال
لاجفت اقــلام العــطا بالــدفاتر

ياصاحبي والشعر له فزعة رجال
وأغص دمعه وانكتم بالحناجر

كيف ازعلك والعشق فيني ولازال
يعني معك مؤمن على يدين كافر

بحر القصيد

(ذيب الغرابه )

الله خلق والله فرق خلقة الناس
وكل اربعين بخلق ربك تشابه

الا انت واحد بس يامعرب الساس
مالك شبه ياكود برق السحابه

سعد القلم لاخط حرفك بقرطاس
مابين صدر وعجز بيت الكتابه

ماضاق صدر البيت من كتم الأنفاس
ولاضاق عجز البيت يوم انتخابه

يقطع سبع وديان في ليل الأدماس
ذيبٍ عوى من فوق رجم الغرابه

حط كفتك والكون كفـّه ومقياس
يااعدل سؤالٍ حط ثقل الأجابه

دق الزمن ليل الثواني والأجراس
وعقرب ثواني ساعتي وش غدابه

صحيح عرق القطع موجع ودساس
ولو ماخلق مثلك عزيت القرابه

بحر القصيد

( الببغاوات )

حلمك تغرد فـوق روس النوايـف
حلمك تحلق فوق روس الطويـلات

مادامك اللي مانت مسجون خايـف
غـــرد وغـــرد عــــادة الببغـاوات

اذا علي مـاراح مالـه حسايـف
للدهر نكبه بس انا عشـت نكبـات

مير أضحكيني ياليـال الطرايـف
مهما تجي صكات بقعـا سلامـات

لاكن غريبـه يازمـان النصايـف
بالأرض سبع وسبعـةٍ بالسمـاوات

ولازانت الا في عيـون الهدايـف
نفس الخبل واسطورته والخرافـات

واعجبك انا بمركاض عمك يانايف
من مربط لجام الفرس للسريعـات

وحده ولاكن من جنـون العفايـف
ولا تركب الا الجامحات الأصيلات

الوضع مزري وانت عارف وشايف
والرعب دك بقلب خصمك ولابـات

جت له من جنون العفايف طوايـف
في لوح يطفو فوق موج المحيطات



بحر القصيد

الفراغ اللي تركته نقـض اجراح القوافي مطلع ابياتي واشدّه=قلت ابكتب له قصيده ياعسى ليت ولعلاّ ضيقةٍ من بعد ضيقه والفرج من بعد شدّه=وأنتظر ميعاد باكر صفوة غيوم ٍ تجلاّ وأرعن ثياب الليالي البسه حزني وأقـدّه=وأرعن الوقفات حظي والعضيد اللي تخلاّ حبي اللي من تركني بالفراغ اللي يسدّه=كم فراغ ٍمن سنيني سـدّه الهم يتسلاّ ضاعت سنيني واحسبه ثانيه من فوق يدّه=كم عام ٍراح بيده عقرب الساعه وولاّ ورغم انف الحظ لبقى واقفٍ والحظ بدّه=مابها ثالث خيـار ولااحـتمالاتٍ بـكـلاّ مدلك يمناه تكفـى يوم ضاقت لاتـردّه=لاترد يمنى الكريم وباللئامه لاتــحلاّ ضيقةٍ من بعد ضيقه والفرج من بعد شــدّه=وكل يسرن بعد عسر وخمسة فروض ٍتصلاّ بحر القصيد

(الا يازيرنا عشنا وشفنا من عجايبها)

يخور الثور مدري له زهاله عشبه الموجود=وردي النفس مدري له مع الثيران جالبها
ردي النفس لو سولف عليه من النقا مردود=غريبه كيف درت به وانا باالأمس حالبها

على ذيك المهار اللي عسفت لجامها المشدود=عـسى ماطـــاح خيالٍ تــــلولح حول غاربـــها

يثور الملح بعيونك وتدقس طلقة البارود=شبيهك لااحتمى الموقف تنحى وصار جانبها

على يمنى الجنق خلك تعود طيحت العامود=الا منـــهـو تــبـــناها جـــلويــّه عـــقـــب شـــايــبـــها







غدى وجه العبوس اللي ذبحني فعله المشهود=غدى وجــه الشــمــال اللي لفحني من هبايبها








غدى طير الفلس مدري ولااذكر فعله المنشود=واحشم رفعت ايديني هدايف ماانت حاسبها








واحشم ظغطة زنادي وطلقه تقتل المولود=ولااحشم شاعرن يدفن جروحه في مظاربها







الا يازيرنا تكفى يضيع الطرش قبل الـــذود=الا يــازيرنا عـــشــنا وشــفــنا مــن عـــجـــايــبــها

بحر القصيد

الشاعر /عويد كسار المضياني



سجلني من احد ماتبعين هذا


الديوان الغني بالقصائد الثمينه ذات الحكمه

اللتي تعكس معدنك الاصيل


انا هنا دائما وبأنتظار المزيد من قصائدك


واسمحلي بأن اتابع ما كنت اقرأه


صح لسانك


وبالتوفيق لك

بحر القصيد

أهنيك على هذه القلم وفكرك النيروهذه الدرر المتناثره هنا ..وحروف ومعاني أصيلة أجدت وأحكمت وأبدعت ..

أتشرف بالحضور هنا

تقديري لك وأعجابي يا ابن العم,