"استراحة بنات المضايف "( يمنع دخول الرجال)

هلابك بك يابسمه

الله وش هالقهوة اللي هيلها يعطس ههههههه

من يد مانعدمها وان شاء الله بكره اقولك السالفه

الحين هرمون النوم نزل :d

ههههههههه بغيت انسى السالفه

اسمعي يا بسووم تعرفين الواحد لاقرب العيد لابد ما يدور له تجهيزات من الى

تعريف العيد الناس كل هالفترة ترا ما تلبس لين يجي العيد هههههه

يا طويلة العمر وحنا ماشين بالسوق انتجول وان هالبنت الكشخه توقفنا ما شاء الله عليها طول وعرض

لو اني رجال كان خطبتها ويدينها ليانه كياس من هالماركات الطيبة المهم قلت لها أمري على بالي بتسأل عن شي

واثرها متسولة قهرني انها سعودية من لهجتها ولباسها وناظر للكياس اللي معاها لفت نظري عطر معاها من ماركة معينه

عطورها من تنزل عن 700 اردى عطر فيها لاحظت نظرات على اللي في يدها قالت من اهل الخير المهم عطيناها المقسوم

وانا والله لا قهرني شي مقدر اسكت يا وخيتي ان سكت انفجرت قلت لها يا بنت الحلال انا اشوفك ما شاء الله ما ناقصك

شي ليه ما تسألين الله من فضله وتدورين لك شغله تغنين نفسك فيها عن مسألت الناس ترا افضل لك

وهي تمشي وتهزراسها مجامله لي التسول الحين خلاص صار في كل مكان للأسف ومكافحة التسول

والله اسمع بهم ولاشفتهم المشكله صار التسول بوقاحه وقلة حيا اخبر اللي يتسول يكون فيه انكسار

بس يجيك حامل كياس وعينه قويه والله شي يغبن يا وخيتي وهاي الحكاية اللي تدور في قلبي

وسلامتكم

ههههههههه زين تذكرتيها

لاحول ولا قوة الا بالله

صار التسول يجري في نفوسهم مجرى الدم في الجسد

وربي امثالها كثير وموجودين في كل الاماكن وفي جميع المناسبات

لانهم امنوا العقوبة مكافحة التسول تغط في سبات عميق

حتى رقم الموحد لما يدق عليه ان الرقم الذي طلبته غير صحيح

وين الرقابة ووين الامانة حسبنا الله وكفى

جد قصة مؤلمة الفقير يتعفف والغني يتسول

ربي يسعد قلبك والله يخيتي يموتون من القهر بس الشكوى لله

افا وش ذا الاستراحة غبارها يكتم الصدر

وين البنات دافع البلا مخلي المكان اويلي شكلهن رفل ما يعرفن الشغل ههههههه

بسوووووم تعالي تقهوي مابه غيرك على هالصباح نبي نشد حيلنا ونطير غبار استراحتنا

البنات في اجازه شتويه والحمد لله الشتاء قرب ينتهي وتعود الطيور المهاجاره
والله انا مافيني حيل على التنظيف انتي عارفه تعبانه
ومصدعه بس اذا فيها قهوه راح اجلس معك واتقهى
واونسك واذا نمت غطيني عن البرد قبل ماتروحي 😁

السلام عليكم ورحمة الله وبركاته

اشتقت لها الاستراحة لو ان فيها غبرة هههههههه

دافع البلا وين العرب رايحين

مابه والي فيني سوالف وينك بسووووم

وعليكم السلام ورحمة الله
يسعد صباحك ياعسل
الاستراحه عامرة بوجودك يكفي اطلالتك فيها
ياطهر وابشري الحين ننظفها من الغبار ونعدل
الجلسه ونجيب القهوة والحلا
ههههههه

صبآح الخير صباح السعادة والامل
ويييين الناس
اشتقنا للجميع يارب يكونن بنات المضايف بخير وصحه طيبه
زمان عن هالاستراحه

ياصباح الخير بسوووم وين هالغيبه

تعالي ننظف الغبار كالعادة ههههههههه