محاورة نارية بين الشاعرين معيض بن عريفج ونايف المطيري

اوسمتي · #1 18-02-2014, 04:08 AM

https://

سرى الليل ياسالم نبي شاعر مطير
عن أذنك يا سالم واستلم ياالمطيري
نبي ننفض الشجرة بعش العصافير
بعضهن يطيح وشي منهن يطيري

نايف الصيده المطيري

سرى الليل وامسي على الناس بالخير
واقول الحموله فوق ظهر البعيري
انا اشوف راع المازدا عرقل السير
وش اللي حصله في الزمان الاخيري

معيض بن عريفج

شويه شويه باقيات المشاوير
على الهون حتى نبتدي با المسيري
يثور الفشق ويغلقن الشراشير
وكلن سحب سيفه وطش الجفيري

نايف الصيدة المطيري
تقوله واقول ويسمعون الجماهير
وانا اقول مالك خصم ذا الليل غيري
يثور الفشق والبحر كله بوابير
وسيفي يا ابن وايل حديد وشطيري

معيض بن عريفج

ترانا نقيف بوجه كل الشواعير
مثل ما يقيف الاكلبي والسديري
عقاب العواجي مايهاب الطوابير
وشروا الوضيحي ما يدان الصفيري

نايف الصيدة المطيري

تقف والمطيري قدمك اثقل من النير
عسى الله يجيبك في النهار الكبيري
عقاب العواجي ما تمعشى لي مع زير
لكنه انته انقوضك بسلك الحريري

معيض بن عريفج

انا عرفك ضلع ما تهزك معاصير
وانا نجم لاحولت اهد العسيري
ولو وظفوا نايف مقدم فوازير
يسولف مع الصيام وقت العصيري

نايف الصيدة المطيري

عن الازم الغصاب ما ارضى المعاذير
لاتنسى كلام الأكلبي والظفيري
انا ما اشتغل دايم فـ طبع الفواتير
وخلك على نفسك حكيم ن بصيري

معيض بن عريفج
ثلاثين منكم جو يبون المغاتير
ومنا تنطحهم غلامن صغيري
وسوا بهم دافع البلاوي مصاخير
سوات القصيمي لا رثع با القميري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات