لعبه تخيل

بسم الله الرحمن الرحيم

اخواني اعضاء مضايف عنزه المحترمين
السلام عليكم ورحمة الله وبركاته

اليوم جايب لكم لعبه جميله ومسليه اتمنى الجميع يشارك ويطلق افكاره للخيال والتوقعات.

اللي ابي من الجميع ان كل واحد يدخل ويتخيل ويتوقع وش حالنا بعد 20 و30 و40 الى 50 سنه حسب وضعنا اليوم من جشع وطمع من تجار اراضي وبنوك وشركات موسسات والحياة صارت صعبه من كل النواحي اصبح المواطن من جرف الى دحديره البنوك كلونا الاتصالات التجار اصحاب الاراضي المواد الغذائيه الاجارت السيارات البنزين المدارس ماتقدر ترفع راسك وتقول انا ......
من اللي شلحونا وحنا نشوف والمعروف اننا شعب طيب نصدق كل شي ويمشي علينا اي شي ولا ماهذا وضعنا

انا الحقيقه اطلقت العنان لخيالي فتخيلت بعد 20 سنه او اكثر او اقل طبعا العلم عند العزيز الحكيم
انا بتكلم عن الرياض الرياض رايح يصير نصه دوائر حكوميه الدائرة الوحده مساحه حي كامل وين ماتحط رجلك تحصل بنك وين ماتناظر تشوف شركات اجنبيه وكلها مرصعه بالالماس والذهب الخالص تحصل كل هندي عنده طيارة خاصه وبنقالي يداوم عليها من بيته بالهند و تحصل كيس الرز بالهند بريال وعندنا 10000 الاف ريال الاجار بالساعه مافيه بالسنه والشهر راتب الموضف اللي ماهو مرهون للبنوك رايح يصير مروهون لرسوم الاتصالات يعني لو ماتكلم راتبك رايح لهم رايح ولكثير الكثير .
المواطن السعودي حاولت اتخيل وش وضعه ذاك الوقت ماقدرت التخيل .

الان ابي من الجميع المشاركه واتمنى الموضع اعجبكم