الفرق بين العقل والمروءه

العقل يأمرك با لأنفع والمروءه تأمرك با لأرفع








الرابح اللي يشتري راحة البال
في ذا الزمن اللي همومه كثيره

مشاكل الدنيا عريضات وطوال
وصوادف الايام في كل ديره

من عاش بالدنيا يبي يشوف الاهوال
واهل العفن ومطولين القصيره

يا مال ما شفنا من الوقت يا مال
عقارب الساعه معه مستديره

اعرض عن اهل الهرج والقيل والقال
كانك من اللي يطلبون الستيره

في الناس جهالً وفي الناس عقال
وفي الناس عميان البصر والبصيره

ما كل رجالً نشوفه برجال
ولا كل من جا عندنا نستشيره

ناسً توافينا وتسأل عن الحال
وفي قلوبهم جمراً تلهب سعيره

ما هو بخافينا على كل الاحوال
بعض الوجيه تعلمك بالسريره

لو كل مهبولً نطحناه بهبال
ضعنا وضيعنا الامور الكبيره


فهد المفرج

كل حرف من القصيدة يكتب بماء الذهب
في القصيدة كثير من الحكم للعقول الراقيه