كل الايام تشبه صدور عنزه

سلام يا لسان الشعر وافكاره وعقل الاديب
يا قايد صفوف القصيد ونارها وبارودها

يا سجدة القلب المعنى عند محراب الخطيب
ما كل سجده حصلت حسنات واجر سجودها

احيان كن ضلوع صدري فوقها مرقاب ذيب
واحيان كن ضلوع صدري روضة" بوردودها

من بينها صوتً ينادي ولا يلقى مجيب
غيمً تفتق ثم توالى هزيم رعودها

والا حمامً قام يصدح على راس العسيب
ما يدري ان الخلق من صوته تفوح اكبودها

تبي الصراحه والله اني ضارب الدنيا صليب
ما همني كل الخلايق نقصها من زودها


🕊