يقولون لي وين شعر الغزل يافلان

يقولـون لـي ويـن شعـر الغـزل يافـلان
واقول الغزل ما حتاج شعري لتسويقه
انا الشاعر اللي ضاع عمره مع القيفـان
وزمـان الغـزل والحـب ولّـت طواريقـه
فهـذا زمـان الفـكـر والنـصـح للعـربـان
فـلانـي بشـعـري مــن يـغـرر مخاليـقـه
اقـدّم نصيحـة مـن حياتـي بـلا أثمـان
بـديـنٍ وعـلـمٍٍٍ صــادقٍ مــن مواثـيـقـه
اعالج مشاكل ظاهره في زمـن خربـان
ووجّـه صغيـر الـسـن والنـايـم افيـقـه
وقصيـد المحبـة يكتبـه واحـدٍ هيـمـان
ونـا ثـابـتٍ لــو انطـلـق مــع مطاليـقـه
ويقولون مثّل بالهوى واكتب الا لحـان
ونـا مااعـرف التمثـل ولا لـي بتلفيـقـه
ترى الناس ملت من "أحبك" ونا ولهـان
تبـي اللـي يطلّـع همهـا مــن صناديـقـه
تبي من يعبّر عن مشاعـر وعـن أحـزان
وعن حال تجلـب للمـلا الهـم والضيقـه
تبي حر ما يخشى سوى الواحد الديّان
يقـول الصراحـه ويرجـي الله توفيقـه
وهذا طريقي مـا أبـي شكـر أو عرفـان
ومن قال ما يصلح فلا احتاج تصديقه


الدكتور عثمان العبدالله
رحمه الله