تبقى على روس المشاريف وتعيش

دنياًً حياها من حلاها تغشَّتك
الله يعين اللي بها من دراويش

أسواقها لو معك قرشيْن رشّتك
لِعبة هواميرٍٍ بِسوق المغاشيش

غصبٍٍ على كف المقادير مشَّتك
لوكنت أسد غابات وأدغال حتيش

شِبهاتها في تالي الوقت ناشَتْك
ومدوِّرين العيش معكم معاويش

تواصوا في سرقة حلالك وغشَّتك
سماسرتها ياكلون البخاشيش

إن لم تكن ( ذئباًً ) تراها تعشّتك
وأصبحت بحلوق الضواري عراميش

والاَّ على طيْش البحر ذاك طشَّتك
في بطن هامورٍٍ تجي له قراميش

تنفش بريشك وانت ماشفت كِشَّتك
وإخطاك ما راحت بعيد المطاريش

أخاف تِظهر لَلَّواهيب خِشَّتك
وتروح شربه للكبود المعاطيش

وانكان هذي يااشقر الريش عِيشتك
إطلع مواكير العِلا يا أشقر الريش

وخالقْك رب العرش يكفل معيشتك
تبقى على روس المشاريف وتعيش

قصيدة عجبتني
بس ماعرف شاعرها
طبعا ولافهمانه منها شي
حسيتها خرابيش جن مو قصيده
يارب تعجبكم