الغيوم امس فيها بارق ورعاد

مجرد نصيحه
‏عابره مرت بالفكر وصدرها
‏
‏الغيوم امس* فيها* بارق* ورعاد
‏وين طشت مطرها ياهل الديره
‏
‏شوف عيني تزاحم برقها يزداد
‏ويشلع البرق في تالي مواخيره
‏
‏برقها حي يشبه* شعلة* الحداد
‏وسرعته مثل ساهر عجل تصويره
‏
‏ياعساها* تعم* من* البلاد ابلاد
‏وراعي الذود يدله مع مغاتيره
‏
‏راعي الذود لا جاه المسير جاد
‏من حليب الكبار ومن مصاغيره
‏
‏ودلة البن تدرج مع لذيذ اقناد
‏والمعزب طليق حجاج ويديره
‏
‏جمعةٕ طيبه ماجابها ميعاد
‏كلاَ قال اتمشى حسب تعبيره
‏
‏لكن الله عسى مايقطع الاجواد
‏ويحفظ الطيّب المطنوخ ويجيره
‏
‏والله ان العمار يجدها الجداد
‏والعمر رقم يكثر صعب تصفيره
‏
‏كل يومٕ قضيته راح ماينعاد
‏روح امسك بخيره وابتدى غيره
‏
‏كل يومٕ من ابيوت الترف شداد
‏روح العبد في شره وفي خيره
‏
‏عاد ياسامع الهرجه معاياها عاد
‏احفظ الفرض في وقته وتقديره
‏
‏هالبسيطه عليها مرو الاشهاد
‏شف رسوماتهم يطيب السيره
‏
‏احفظ النفس ترى الذنب بالمرصاد
‏ماخفى الله ولو هي حبة اشعيره
‏
‏الجبل من حصى يكبر وثمن زاد
‏من حصاةٕ صغيره فوقها اكبيره
‏
‏
‏مساعدمزعل العنزي