هالخالدية

هالخالديّة من قبل عصر الابراج
نمشي لها للشرق من جامعتنا

واليوم طاولناهم بقمّة التاج
يشرح نعيمٍ عاشته مملكتنا
.
كان التشدد طاغيٍّ ماله علاج
واشغل نظر " قوم انحلال" وغزتنا

وكتابنا مع سنته خير منهاح
والمحكمات ام الكتاب احكمتنا

وعن ماتشابه ضيق والا بعد فاج
منهج وسطنا ساس سر بركتنا

( أَلَمْ تَرَ كِيْفَ ) انكسر ناب ابو عاج
والطير خلّى الفيل يكره جهتنا

واللي خلط منّا نقا المزن للصاج
شبهة صدَاته ماهي مصديتنا

يزعل موجهنا على ( حج ياحاج )
سلمان ابن عبدالعزيز ان سكتنا

ياقالها من ( حج ياحاج ) نحتاج
حكمة ملك عن علجةٍ جادلتنا

كلمات اخو نوره عن اخطار وامواج
يمشي بنا المركب ويرسي تحتنا

وكلٍّ على بيته عن الزيغ حجّاج
وعلى العقيدة تربية عايلتنا

خطو الرجل للبيت صيوان وسراج
وكلٍّ هو المسئول عن معركتنا

ياما رجع جيش المعادين منعاج
من عقب مازيّف علينا اعوجتنا

وفلم الخوَن هم والخوارج والاخراج
حيلاتهم ترجع لهم ماشقتنا

ودستورنا القران والسنة سياج
وياما اقفرت غزوات فكرٍ غزتنا


خالد جازم البرمان