عآجل: تصميم (كل قوم ولاعنزة) ..

السلآم عليكم ورحمة الله وبركاته

مدخل..{ كل قوم ولاعنزة

كن العتب سجان وضلوعي السـور
..........وانا وسجنـي بالهجـوس ارتوينـا

وكن القصيد اموات واحروفه قبـور
..........ونحضر مراسيم العزاء مـا بكينـا
مدري غياب ايام او غيبـة شهـور
..........احييتنـا عقـب السكـوت وحيينـا

غياب طويل .. ومن ثم عوده أحتار بها الجميع ..{

:

:

انا وتالي حلـم ظامـي ومكسـور
..........جيناك واختـار الألـم مـن حدينـا
غبنا عن الساحه ومن غاب معـذور
..........ونخفـي مواجعنـا بقولـة سليـنـا
غياب غالي ضيق آفـاق وصـدور
..........طفل ٍ يشيد خيمـة الصمـت فينـا
يالوايلي لـو بالزمـن ذرة شعـور
..........قـدر مواقفنـا كـثـر ماوفيـنـا

إعترآف .. أثملني ..{

:

:

وابا اعترف ياصاحبي كلي قصـور
..........ومهما عطينـا بالوفـا مـا عطينـا
يبقـى لكـم دم التباريـح مهـدور
..........ومقداركم سامـي وباسمـه سمينـا
من وائل الكبرى زعامات وعصور
..........تركع زعامـات الـدول لا زمينـا
نفرح صدور وبالمثل نقهر صـدور
..........وتعطـي يمانينـا ولا قـد خذيـنـا

هنا وقفت كثيراً ..{

:

:

طابورنـا يقهـر ثمانيـن طابـور
..........ويلان لاحمـى الوطيـس ارتكينـا
اقولهـا والعلـم ثابـت ومخـبـور
..........فى معركـة ذيقـار يـوم انتخينـا
اسود منها سيـد الفـرس مذعـور
..........من صوت دحتنـا نهـار اعتزينـا

مخرج خطير ..{

:

:

والمنذريـه دونهـا كـل مسطـور
..........ولعناتهـم بـرد وسـلام ٍ عليـنـا
نتعب بنات الريح والهجن والكـور
..........ويشهـد نهـار ٍ دون حصـه ثنينـا
الفلوه اللـي ذبحهـا كـان دستـور
..........لعيونهـا سنـه عليـهـا مشيـنـا
حيل ٍ وظمر للطّـرد جالهـن دور
..........لعيون حصـه مـا لهجهـن جنينـا
يكفيك عنـا قـول بيّـن ومذكـور
..........كل قوم ولا قـوم عنـزه لا غزينـا
والكنز للرجّـال بالخيـر مذكـور
..........ذكرتنـا وحنـا بعـد مـا نسيـنـا
واقول سلملي علـى كـل منعـور
..........منـا أو اللـي صـار منـا وفينـا
كان الشعر مسجون وضلوعي السور
..........واليـوم انـا ويـاك منـه أرتوينـا

للشآعر/ دهش العوآجي

وتقبلو مني أجمل التحايا