الأطـــــــــرق آل هـــــــــــــــذال ................؟!!!!

بسم الله الرحمن الرحيم ..

السلام عليكم ورحمة الله وبركاته

قبل الشعر :

أشكر أخي وصديقي / خالد القنفذ على الدعوه لـ مكاني وانتمائي ..

وآبارك لـ نفسي أولا ً ولكم على هذا التأسيس الغير مُستغرب على رُجل دفع الغالي والنفيس لـ رفع رأس القبيله ..

قصيده لـ هذا الرجُل مُتواضِعه علها تحوز على رِضاه وتجد القليل من القبول في قلوبكم ..

/

\

/

مساء الخير / والإ ياصباح النور / يالـهذال ..

هنّ الثنتين يديّنك ولا أدري كيف أبْدّيها ؟!!

لأن الخير باليُمنى وباليسرى بدر وهلال ..

وكل الحاجتين آشياء لو تنباع ( نشريها ) !!

جتّك وهبّه من اللّه لـأنت سارقها ولا محتال ..

طبيعه يوم غيرك يسرق الحاجه ويعطيها !!

لو الضلع العوّج جاك وتركابك ترى مامال ..

فعولك شاهده من دون لا ننطق بـأساميها !!

على نهج الشيوخ اللي ملوّ صدر الفعال أفعال ..

وعلى سِلم الرجال اللي تنومسنا مباديها !!

رفعت أسم ( القبيله ) بالفخر والعز للإطلال ..

كأنك مانولدت الا عشان تشيل أياديها !!

يهمك أمرها .. كنّك أبوها والزمن رجال ..

لو يحاول عبث دنسّت خشمه في مواطيها !!

ياشيخ ٍ بشته التاريخ لاتكلم نفّضه وقال ..

حقايق خالده كالشمس في طلة ضحاويها !!

مع الويلان بالسراء / والضراء /والاهوال ..

لو بيّدك / نفوس تموت كان أيديك تحييها !!

جمعت اقلوب وآآسرت المحبه بين آل وآل ..

تدوم ودامت أفراح القبيله يا معلّيها !!

مساء الخير والإ ياصباح الإطرق ال هذال ..

فعولك شاهده من دون لا ننطق بـأساميها !!

دمتم كما تحبون ..

هاني المهنا العنزي

‏07/‏12/‏1430هـ

[/poem]