في / كنف / حرف / وصوت روح وكلام

فيني من الطنخة يابو شايح اشكال
والله ماسئل ياعضيدي عن.. الضيق.!!

ابشرك و الحال والله على العال
ولاينخذل رجل/ن يخاوي مطاليق.!

مادمت لي صاحب وانا بأحسن الحال
واللي غلط ماينفعه كل تنميق..!!

اللي يحسب شي بحساب جهال
يطقها مابين غربن وتشريق..!!

ماله بنا ..يا طيب الرأس والفال
ما يستوي رجمن مثل شاهق طويق.!!

حنا خلقنا للمراجل والإجلال
مالردى فينا كناية.. وتعليق.!!

واللي مشى بالأرض كبرة ومختال
ممشاه كفر واصبح اليوم زنديق.!!


ماينفعه لوهو جمع كل ..الأموال..!
قارون مات.. و ماله بوسط زرنيق .!

والناس ماتثني ولو تعطي ادبال
بعض المواقف ماتبي كثر تبريق..!!


الفرق واضح بين شخصن وتمثال
عمرك تشوف انسان من موته إيفيق.!!


خله يكثر بالقصايد و..الأقوال.!!
دام الشعر عن بعد شخصه ورى بقيق

همه قصيده اعجبت لابس الشال
ماقال ودي من الاشانيب تصفيق..!

الناس هذي كثرها الوان واشكال
والله مافكرت فيهم ولا أضيق.!!