‘‘ قـوس ِقـُزح ‘‘

13

*

بعد ما أحست بـ الأمان بدت تتكلم وتقول قصتها وكل شوي تسرح
وتسكت لحالها .. وترجع تكمل من جديد ..
قالت ..
بيوم من الأيام قررت مع حبيبي خالد إننا نزور قوس قزح
خططنا واتفقنا وفعلا ً بدينا رحلتنا الطويله ..
كنت أمنّي نفسي بـ رؤية الألوان والإحساس بلحظات الفرح اللي فاقدته ..
المهم وحنا طايرين وقبل لانوصل بشوي طلع لنا مارد ضخم وشكله مرعب ..
ومسكنا وقال ماتكملون الا بعد إجتياز الإختبار ..
بدا فيني وسألني كم سؤال وجاوبته بكل صدق وهزّ راسه وسكت ..
وراح لـ خالد وأخذه على انفراد وأخذ يسأله وأنا أراقبهم من بعيد ..
شوي الإ اشوف المارد بدا يعصب ويرفع صوته ..
ومع كل اجابة أحسه يزمجر ويصارخ على خالد..
ويقوله لاتكذب ..
بعدها مادريت الا معطي خالد كف أقوى شي ومطيّحه للأرض ..
أشوف خالد طايح لـ تحت ومغمى عليه لأنه مايتحرك ..
وناظرني المارد نظرهـ حاده و إنحشت من شدة خوفي منّه عشان ما يأذيني ..
طرت أسرع ماعندي وبدون شعور .. وأشوفه يلحقني ويناديني ..
كملي حبيبتي ..
مت من الخوف مدري وين أروح ومدري وش يسوي فيني إذا صرت تحت
رحمته .. وبنفس الوقت قلبي مع خالد مدري وش صار فيه ..!
فجأه ماحسيت بنفسي الا وأنا بقوس قزح وتخبيت بـ أقرب مكان ..
يآهـ لو تشوفين حالتي كلها تعب وخوف ورعب ومصير مجهول ..
تخبّيت بمكاني وأشوفه يدورني من بعيد وينادي علي ..
ومن ذاك اليوم وانا لحالي هنا متخبيه عنه ..
مدري وش مصيري ..!
ومصير خالد وش صار فيه ..!
مدري كيف أرجع للأرض والمارد يدور عني ..!
أخاف إذا مسكني يكون مصيري نفس مصير الأميرهـ المسجونه
بالبرج العاجي ..!
أي أميرهـ .. وش برجه وليه مسجونه ..!
وش سالفتها المسكينه بعد ..؟
سالفتها طويلة ..
كانت جدتي تقصّها علينا و إحنا صغار ..
قوليها ياقلبي ودي أعرف قصتها .. يمكن نشوف طريقه نفك أسرها ..
وش تفكين وش تساعدين ..
المارد هو السجّان .. وبعدين اللي يسمعك يقول عندك واسطة معه ..
إذا انتي صادقه ساعديني أنا اللي قدامك .. تكفين ساعديني ..
بساعدك وماراح أخليك لو على موتي ..
بس ودي أعرف عن الأميرهـ اللي تقولين عنها ..
طيب .. بقول اللي عارفته وذاكرته من قصتها الحزينهـ ..
أذكر جدتي تجمعنا حولها كل ليلة وتحكي لنا حكاية النوم ..
ذيك الليله قالت بحكي لكم حكاية صدقيّه ماهي خيال ..
وبدت تحكي لنا وهي متأثرهـ .. وقالت :-
كان ياماكان في قديم الزمان وسالف العصر والأوان ..
كانت فيه أميرهـ بنت ملك البلاد ..
وكانت وحيدة أبوها والأب يموت فيها وهي كل شي بحياته ..
حلوهـ .. طيبهـ .. نقيّهـ .. تحب الخير للناس ..
و كل الناس تحبها حب كبير ..
إسمحيلي مقدر أكمل لك قصتها الحين ..
أنا محتارهـ وش أسوي ووين أروح ؟
تطمني ياغلاي ..
وخلّي أملك كبير ولا تيأسين أبدا ً ..
وإشكري ربك إن المارد مالقاك للحين والا ماندري وش مصيرك ..
خليني أروح لـ حبيبي أقول له سالفتك ..
ونتشاور وش نسوي علشان نساعدك ونآخذك معانا للأرض ..
وبقوله عن الأميرهـ المسكينهـ بعد ..

/

سـ أعود للتكملهـ حسب الظروف .. ~