مشغولات يدوية بسيطه وسهله

السلام عليكم ورحمه الله وبركاته
اولا عاوز اقولكم دي أول مشاركة في الباب
ثانيا يارب يعجبكم الموضوع
وهو عبارة عن فكرة هتعجب كل البنات و كتير من الشباب
المشغولات اليدوية والكروشية وكل الصناعات اليدوية
حاجات بسيطة وسهلة بس بتبقى حلوة قوى اكمنها من ايدينا احنا
شعور بيبقى احلى الف مرة من الشئ الجاهز
جربوا وهتعملوا حاجات حلوة ان شاء الله


اول حاجة تعالوا نجربها سوا

اصنعى سلة مميزة باقل الاسعار


ايه رايكم في السله دي شكلها جميل جدا


وطريقه صنعها سهل كل ماعليك احضار بواقي اقمشه من عندك وبالوان علي كفيك

ابدئي بقصها بالشكل ده علي باترون وقص القماش بعد ذلك






وبعد القص احشيها قطن او اي شئ بواقي اقمشه ممكن كمان قش او ريش حسب ماانتي عايزه وبعدين تجيبي القاعده اللي هي عباره عن ورق كرتون مقوي او اي قاعده عندك ممكن اي اغطيه بتاعت علب وتغليفيها بقماش وبعدين تثبيتي عليها الدباديب اللي انت عملتيها بالشكل ده اما بالشمع او ممكن بغرزه بسيطه بين كل دبدوب واخر






وعلي فكره الضفيره بتاعة اليد سهله قوي ثلاث الوان من القماش وثبتي الاحرف وابدئي كأنك بتضفري شعر
وبالنسبه لليد ممكن تضفريها علي سلك مثلا وتتني




اخيرا اتمني تكونوا جميعا بصحه وخير