هــدوء صـاخـب ..؟

اشــاره ..؟!!

أنا صغت للمعني " قصيده" على عنوان=صدوق الوفاء اللي ما اختفى رمز عنوانه
اشاره عن الماضي بها للأديب إمعان=تجدد مواثيقه على درب جدانه
على خمس كفه لايمثل .. ولايـنـدان= يمثل على خمسٍ كما المشط وأسنانه
أحاديث مرويّه لها تصغي الأذهان=تمر الخفوق وتروي عروق عطشـانـه
عن الوجد والموجود والزود والنقصان=وآمان الطريق وصوت شاعر ووجدانه
تراتيل حسّه كـنـهـا الصـيّـب الهتان=على روض صدراً يزرع الهيل بأركانه
حياته مواقف .. روّضت للزمان احصان=على معصم اليمنى الطليقه لوى اعنانه
وحياته قصيده رتبـت للقصيد أوزان= كتبها الزمان وشـكّلت لون ديوانــه
الياجيت تقراها تضايقت بالكتمان= تبيح الخفاء اللي كان مقصدك كتمانه
تحلّق بقاريها على صومعة هامان=تسافر بعقل المحتسب قبل فقدانــه
تحرّك كوامن مهجة الصدق والايمان=في احساس من صدق الوفاء يقرئ ألسانه
نقي الضمير وسيرته من قديم ازمان=قناديل نور..بوجه ظلمه وبهتانـه
تهجيتها من بعد ما اعلن خفاي أعلان=زعيم الوفاء وقت الرخاء بين حيانه
كم أغضيت ما ابغى أبشّر الناشد الولهان=بعيد المـدى .. وصدور الايام مليانه
حداني على بعض الكلام الأسير.. فلان=وأنا قبل أسولف ما أجهل فلان وأعوانه
زمانٍ مضاله كان عند العرب نسيان=ولايذكر المنسي الياطال نسيانه
وعلى غفلة العالم .. وترويقة الشيطان= لقى الوقت يفتح له مزاليج بيبانه
حفيد الهلالي زيد جابـه مع الخلان=جعله مكان المعذره بين خلانه
تبيّن بمقدرته.. وزيد الهلالي بان= بفعله ومقداره وربحـه وخسـرانه
ومثل ماالثقه بالنفس من ميزة الشجعان=بعيد النظر..يرفاء خطاء الوقت لاخانه
ومن غالط الواقع وهو يعرفه جابان=حرامٍ على أهل العلم تسكت على شانه