مات الكريم

( صدمة أفراقه )
.

الله ياكبر الفاجعه والمصيبه = الحــزن يزفر داخل الصــــــدر ويفوح
صدمة أفراقه للقرايب صعيبه = والدمع من عين المحبين مسفوح
مات الذي كله شهامه وطيبه = مات العزيز اللي لنا ظــــل وصروح
ما ألوم قلبي لو تزايد نحيبه = مع غيبته غابت مســـــــرات وفروح
الحزن خيّم والضماير عطيبه = بين الاسى والوجـــــد والهم والنوح
الشمس عن عيني بلحظة مغيبه = غابت وأنا كلي معاناه وجـروح
من غيبته وأنا بحاله كيئبه = والقلب من فرقاه بالوجــــــــد مطروح
غاب الكريم وحكمة الله نصيبه = والموت حق وجعله اليوم مسموح
الغالي اللي راح والله حسيبه = لو ينفدى نفداه بالمال والــــــــروح
نوماس فعله بين وقفه وهيبه = وذكره مابين الناس بالطيب ممدوح
ياخالق الانسان وعالم بغيبه = رحــــــماك يامولاي .. يامنفي الروح
تجعل مقره بالجنان الرحيبه = في جــنـةٍ رياضـانها مـــــــسكٍ يفوح
بك الرجا يا الله أنك تثيبه = وتغـفر أذنـــــــــوبه والخــــطأ وزلة البوح
.
..
( دعواتكم لوالدي بالرحمة والمغفره جزاكم الله خير )
اخوكم ثامر الرويلي
..

.