لقاءنا الأن مع المدرسة الشعرية ... شاعر الحميا ومؤسس هذا الصرح الراقي الاطرق الهذال

المشاركة الأصلية كتبت بواسطة د بسمة امل

صح لسانك ودام نبضك
وابعد عنك الحزن والهم اخي الكريم
::::::::::::::::::::
القصيده لوحة تشكيلية ترسم بألوان اخرى وجماليات مختلفة ..هل ابو سلطان يرسم اللوحة قبل أن
تكون نهراً من الكلمات ..أو انها تتشكل جسد سمشي بين عينيه؟

أي من اغراض الشعر ترغبه ؟
وما أجمل قصيدة قلتها في هذا الغرض ؟

كل اغراض الشعر جميله ويتطرق لها الشاعر على حسب مايمر به من مواقف او معاناة يعيشها او يشاهدها

وكتبت على عدة اغراض الا الهجاء لم اكتبه ولا احبه ..


القصيده تنبع عن احساس داخلي تدفعك الرغبه بالكتابه عنه والتعبير عنه بما تراه الأفضل بقدر امكانك

وشي طبيعي انك بالنهايه تحاول ان تجعل قصيدتك كلوحه جميله تعجب من يقرأها وتصل الى قلبه بسهوله

كتبت عن الفخر والمدح والغزل والنخوه

اقرب قصائدي الى نفسي قصيدتين ولا اصفها بإجمل ماكتبت لإنها في نظري متواضعه والحكم للقاريء وليس للشاعر

قصيدة المدح كتبتها ترحيبيه بالملك عبدالله اطال الله في عمره ونشرتها في جريدة الرياض صفحه كامله




يالله يالمعبود يافارض الصوم
................علـيـك يارب العـباد إتكالـــه

يارب لولا رحمتك صارت علوم
..........صكّت بنا العدوان شرق وشماله

يارب صلّينا لك الخمس باليوم
...........تحمي بلادي أرض مهد الرساله

لك يالمواطن الفرح حل بقدوم
............صقر العروبه يوم حطّت إرحاله

أبعد همومك مابقى انسان محروم
................عاد المليك لكل قلبٍ صفالــه

جاكم أخو نوره سند كل مظيوم
..........ريف الضعيف وفرحة اللي عناله

صدره شمالي يحتضن كل مهموم
..............من صلب وايل والطنايا خواله

مليكنا طير السعد حر زيزوم
.................أرواحنا وقت الشدايد فدالـه

نرقد وعينه لاجلنا عافت النوم
.................والد رحوم ومعتبرنا عيالـه

يامرحبابك عد ماتنشي غيوم
.............واعداد ماهل المطر من إخياله

واعداد ماصك بسماها من نجوم
.............واعداد مافي أرضها من جباله

بقلوبنا مسكنك ياسيدي دوم
..............وفراقكم يصعب علينا احتماله

غالي ولا يلحقك يالوايلي لوم
...............وافي بفعلك ياعريب السلاله

للخير في وجهك علامات ورسوم
..............وللمجد بافعالك نشوف الدلاله

كل مسلمٍ ساعدته بشي معلوم
.............لوهو بعيد أوطان ترفـى خماله

طيّب . شديد .وواضح النهج مفهوم
...............أرسيت ياملك القلوب العداله

عادل ويلمس عدلكم كل مظلوم
...............حكّمت شرع الله في كل حاله

يمناك سلطان السعد كلّه عزوم
...............شبل الأسود وكل مجدٍ زهاله

أخوان نوره باوّل العهد لليوم
..............زال الظلال بحكمهم والجهاله




وألقاها ابني عبدالله في احد القنوات




والقصيده الثانيه كانت في مدح القبيله والدفاع عنها والفخر بها



ياصاحبي كنّا ونبقى حلاحيل
للمجد نرقى فوق قمّة جبلها

افهم عدل لاتأول الوضع تأويل
والكلمه العوجا من المزح شلها

يومنها بالسيف والرمح والخيل
نملك مزايين الأبل مع فحلها

نغير في وسط الضحى واوسط الليل
ونجيبها غصبٍ عن خشوم أهلها

ويلان حنا فعلنا له دواليل
نردم على كبد المعادي عللها

وان زغردت ام الرموش المظاليل
وقامت تناظر كيف ردّة فعلها

نشوش من زود السطر كالمهابيل
والموت احلا عندنا من عسلها

متوارثين المجد جيلٍ ورى جيل
فتخين الأيدي كاسبينن نفلها

ويلان حنا أهل الكرم والمعاميل
عاداتنا ماغيّرتها فللها

لضيوفنا نذبح من السمّن الحيل
وقصيرنا ماراح يشكي مللها

والحمد لله يوم صارت تساهيل
جاها السديد بدين ربي شملها

يكفي يمثلنا من النفس حلحيل
مشعل أخو نوره بجوده كفلها

مادام صارت بالذهب والتهاويل
واحيت علينا عنصرية جهلها

ماعاد نبغى من وراها محاصيل
وقلوبنا للخير ربي عدلها

نعطي الفقير اللي شكى العوز والويل
وام اليتامـا بذلنا قــد وصلها

وضعيفنا نرفى خماله عن الميل
اخير من دفع الفلوس بجملها

ونذلل ظروف المساجين تذليل
ونعتق رقابٍ دافع الله أجلها

ياصاحبي نقدر وفينا لها حيل
ونملك ملايين الفلوس وهللها

واذا رغبنا بالليالي المقابيل
تشوف ويلان السعد وش عملها

قلته وانا ماودّي القال والقيل
حسبي على اللي حيييل كبدي دبلها