لقاءنا الأن مع المدرسة الشعرية ... شاعر الحميا ومؤسس هذا الصرح الراقي الاطرق الهذال

المشاركة الأصلية كتبت بواسطة د بسمة امل

تعيش وتترحم اخي الكريم
صح لسانك وبيض الله وجهك وال سعود يستحقون المدح
ونعم فيك وفيهم
:::::::::::::
هل تؤمن ان الخيال في كتابة قصيده عن إحساس انسان آخر , يوصل الإحساس كاملا ..؟

بيت شعر من تأليفك ودائما تردده..؟
قصيده من نبض غيرك وتمنيت ان تكون من نبضك ومن شاعرها ؟

ايهما اسهل قصيدة الموقف ام قصيدة الخيال والى ايهما يميل شاعرنا العزيز ؟

يقال ان اعذب الشعر اكذبه .. ما صحت هذه المقوله وهل لامستهاا او عشتهاا .. ؟

صح بدنك اختي بسمه

الكتابه عن معاناة انسان آخر تعتبر من القصائد الإجتماعيه

التي يعالج فيها الشاعر كثير من الظواهر

ومن خلال معايشته للمعاناة وسعة خياله يكتب عنها ويوصلها للمجتمع ويؤثر فيهم

على حسب اسلوب الشاعر وخياله وعلى حسب طبيعة المعاناة

ــــــــــــــــــــــــــــــــــــــــــــــ

مافيه بيت شعر محدد ويدوم

لكن الأغلب هذا البيت من احد قصائدي

تعودنا على الشدّه نكون رجال بالشدّات
على قلب عنزي واحد يروم المجد بأفعاله

ــــــــــــــــــــــــــــــــــــــــــــــــــ ـــــــــــ

قصيدة لأخي دحام تمنيتها لي ولو تنسرق سرقتها هههههههههههه

في وصف عينه كمال الوصف حيث انه** توصف بعين الفريد وعين شيهانه

اهدابها من سيوف الفرس والسنّّّه ** مثل العسس ماتنام الليل سهرانه

لاسبل الرمش غطا ناعم وجنّّه ** في حالة انعاس والا شبه نعسانه

عليه قلبي ينوح ويزعج الونه ** ينزف ويدفع ثمن بوحه وكتمانه

من سالف النظره اللي عني وعنه ** تعانقت بين حرماني وحرمانه

لابارك الله بطيب(ن) يتبعه منه ** ينعاف زوده قبل ينعاف نقصانه

لو شاع فعله وصيته ذاع لكنه ** تجارة(ن) بالربا والغش خسرانه

الطيب ينعاف ياأهل الطيب لامنه ** مارجّّّّّّح الطيب وأهل الطيب ميزانه

الشكر والفضل والعرفان والمنه ** للي رفع راية الأسلام سبحانه

اللي عن أبليس حرّم ريحة الجنه ** يدري بعبده ومايضمر بوجدانه

ماكل شخص(ن) يحفظ السد ويكنه ** خطو الرجل يكشف المستور بلسانه

خوفك من اللي بوجهك يضحك بسنه ** ومن حين تقفي رماك وصرت نيشانه

وخويك اللي من اول محسن(ن) ظنه ** وعديته اخو وهو عدك من اخوانه

لاجار وقتك جفاك وصد ماكنه ** كانت لك بوسط قلبه منزل وخانه

ماغزر بعينه المعروف غير انه ** كشر بنابه عليك وشن عدوانه

واللي بدر منك عكس اللي صدر منه** والكل منكم يسوي بأصله وشانه

ــــــــــــــــــــــــــــــــــــــــــــــــــ ــــــــــــــــــــــــــ

قصيدة الخيال اسهل لأنك انت صاحب الخيال والوقت معك وتكتب على راحتك وعلى مهلك وتختار الموضوع اللي يعجبك

لكن قصيدة الموقف تكون اقرب للمتلقي لأنها نابعه من القلب

ــــــــــــــــــــــــــــــــــــــــــــــــــ ـــــــــــــــــــــــــ

اعذب الشعر اكذبه

هذا يعتمد على نوع القصيده

اذا كانت غزليه فالشاعر ممكن يبالغ بالمعاناة بعض الشي