مرحوم ياللي تكسب الطيب يمناك

غي رثاء والدي الشيخ بدر صفوق الهذال .. رحمه الله

في غيبتك .. ماغيّب الموت ذكراك=رحلت .. لكن مارحل طيب صيتك
مرحوم ياللي تكسب الطيب يمناك=مرحوم ياباني على العز بيتك
عاهدت نفسي علّها تكسب رضاك=تامر وتنهاني وانا ماعصيتك
يحق لي يوم أفتخر في سجاياك=حيثك ذراي ومزبني لانصيتك
شهم وكريم وخفّة النفس تزهاك=في كل موقف بالتواضع لقيتك
يستاهل التقدير مثلك وشرواك=مثل العديم بهدّتك لانخيتك
( ياوالدي ) لاجابوا الناس طرياك=أرخصت لك دمع العيون وبكيتك
قفّت رحالك وانقضى عمر دنياك=ورثيت نفسي بالقصيد ورثيتك
حان الوداع ولاتحمّلت فرقاك=ولا عزيت من الرحيل وسليتك
لا عارف أدله يايبه عنك وانساك=ولا قادر أكتم عبرتي لادعيتك
أحيان أحس إنّك هنا وانّك هناك=وانا أترقّب جيّتك واحتريتك
في صدري طعونٍ وفي عيني أشواك=ياخالقي هوّن مصابي رجيتك