انا الشموخ

شوف النجوم الضاويه في كل ليل
مافيه غيري شيخة نجوم الفلك

وارسمني الغيمه اذا عيونك تخيل
تلقاني البارق وانا امطر واذهلك

ارسمني بقلبك طموح المستحيل
وتلقى الاجابه قبل حتى لا اسألك

وارسمني الطيبه ولا يخدم بخيل
اصير لك قارب نجاه واحملك

وارسم عناد الخيل والمهر الاصيل
وتلقى جموحي بينهن مايخذلك..

وارسم لي عيونك وانا الدمعه تسيل
وامسح الماضي وابي مستقبلك

وارسم جنوني لا صحا عقل الهبيل
تلقاني افقد في غرامك واثملك

وارسم شموخ الريح وجذوع النخيل
وتاج الاميره تسكن بقلبي ملك



عطني وفا ولا اطلبك غير القليل
وخل الكثير من الغلا روحي الك

وقلبي لو اني مرهفه ماهو ذليل
وانا الشموخ ومن تحداني هلك
بقلم سحر العنزي.