حنا ذخر وايل ومن روس ويلان امجادنا بارض الجزيره وشامه

كان المواقف للصناديد عنوان
تلقى الكرامه للبويتل علامه

اهل الشيم والطيب من كاينٍ كان
سور القبيله بالشرف و القرامه

علي خليفه كنه الطير حوران
عزٍ لربعه من همايل غمامه

وفلاح كف الجود يوم الندى بان
صيته سوات الجدي عالي مقامه

ومحارب اللي بالصخا عالي الشان
ليث الهقاوي والمعالي مرامه

و وادي طنيخ الراس والعز برهان
راس النقا حلو النبا من كلامه

وعلي عزيز الجاه لو الزمن شان
فعله ينومس قوم ترقى زعامه

وهادي وصوف الذيب والذيب سرحان
متنه جبل بالطيب راعي فخامه

على المراجل شرعوا كل بيبان
من مفخرة ويلان تسعين قامه

وفهد على عز و معزه و سفطان
رحب الجناب اللي فرض لاحترامه

حنا معه شيمه و قيمه و عرفان
ومن ما وقف للعز مقطوع خامه

حنا ذخر وايل ومن روس ويلان
امجادنا بارض الجزيره و شامه

وعز المواقف منها موقف الان
فهد و صوتي جاه و الراس هامه

إردم حطبها يا فهد والوعد حان
وإطلع مطاليع الصقر بالشهامه