على بيض الورق نكتب مشاعرنا بصدق شعور ويلحقنا ؛ على بوح المشاعر لوم ، وعتابي

على بيض الورق نكتب مشاعرنا بصدق شعور
ويلحقنا ؛ على بوح المشاعر لوم ، وعتابي

حقيقه والحقيقه: دمهّا يا عاذلي مهدور
تحت حدب المحاني لين قامت ترهق اعصابي

سقاك الله ياوقت، البساطه ،والليال ادور
قبل ؛ لا يستوي هم الحياه ويلبس اثيابي

على الصبح الجميل اللي يعانق جاهمه بالنور
على صدق النوايا ماعثى في جوها ارهابي

عليك الله .. يا ذاك الزمان بذنبك المغفور
عرفتك !! بعد ما قفيت !! بركابك وبركابي

تمنيتك عقب فرقاك ؛ ليتك واقعن مثبور
وهذي ذكرياتك نوب تنزل بي وترقابي

ذكرنا فرحت الوادي يومنه وادين ممطور
لو انه ما كلا من فرحته ، خوخه ، وعنابي