على ذاك الجدار الي على حده بيوت الطين

على ذاك الجدار اللي على حدّه بيوت الطيـن
وقفت وهاجس الذكرى نفض عن قلبى غبـاره

وقفت اطلق مدى شوفي و اناظر مفرق الدربين
واشوف الدار وعيوني تضم الدرب وجـداره

اجل هذا الجدار اللي سهريوم العرب غافيـن
اجل هذا الصديق اللى ذكرني واذكر اسـراره

انا اذكر يوم يجمعنا يغطينـا برمـش العيـن
نسج ليله وسوى به علـى عشاقـه ستـاره

حجر لكن احس انه يحـس بفرحـة القلبيـن
احس انه نفس لكن غدى جامد مـن اقـداره

حجر يوم العرب تنسى اذا مّرت عليها سنيـن
حجر يوم العرب تنسى حبيـب مبعـده داره

ولكن الجدار اللى تركته مـن هـذاك الحيـن
عرفني يوم قابلتـه وبلـل دمعـي احجـاره

جلست وهاجت الذكرى وقلت بخاطرٍمسكين
ثمان سنين فى وحشه ولا احـدن بيننـا زاره

وفا ذاك المكان اثبت بان الادمى مـن طيـن
تخيّل يوم لامسته تنهـد مـن شقـى نـاره

سألنى قال انا أذكر تجونى بالظـلام أثنيـن
بكيت وقلت صدقنى رحل وانقطعت أخبـاره....



من اجمل القصائد
مع الاسف لم اعرف شاعرها

تسلم اياديك على الطرح والإختيار الجميل
صح ليانك ولسان شاعرها

ودي لك

الله يعطيك العافية على النقل الجميل
وًٍدًٍيًٍ......لًًًٍٍٍكًًًٍ...

صح نقلك بنت الجبل وصح لسان شاعرها

لله يبارك فيك على الطرح المميز

تسلم اياديك وجزيل الشكر لك


تقديري

المشاركة الأصلية كتبت بواسطة خيّال نجد

تسلم اياديك على الطرح والإختيار الجميل
صح ليانك ولسان شاعرها

ودي لك

يسلم عمرك خيال نجد
اسعدني مرورك الراقي
لاخلا ولاعدم

تسلم الأنامل على ماقدمت لنا وعلى الجهد الجميل
تحياتي والله الموفق

لمار

بنت الجبل

صح ذوقك ونقل

صح لسان الشاعر

سلمتي ع النقل

صح لسان شاعرها وعافاك على النقل

سلمت اناملك على الطرح الجميل
كل الشكر والتقدير