ديوان الشاعر/عويد كسار (بحر القصيد)

نبي انتهجا دام الهجا قل معروفه=مادام ان غير الهجا مالنا حيله
بعض المواقف تحدك على الضيق وتشوفه=ومن مافهم بعض الملاميز عزيله
عزي لمنهو شايل الهم في جوفه=يضحك وهو كاذب بضحكه وتبديله
والياذكر ماضيه يصفق على كفوفه=والياالتفت ماشاف منهو بيشكيله
دعوه طويله ماهي على اثنين محفوفه=كلن دري له والمطانيخ تدريله
ولاني من اللي بالشحم بين رفوفه=ولاواحدن داري من اللي آداريله
ادري ويدري ولايلحق النفس بحسوفه=وكلن على ماقيل يفهم بتنتيله
والدرس يفهم من اسلوبه وبحروفه=وكتاب رب البيت يعرف بترتيله
وكلن على حده وله حد بصفوفه=وكلن على صفه بميله وتعديله
لو كان جالس عندهم عد ماشوفه=ياحيف مايدري على ويش مرهيله
وان طالت الرفقه على حد مردوفه=عرق الردى به بينٍ قام يدعي له
وان طعتني هون وعن كل مردوفه=بعض السوالف ماهي مثل شفطة ارقيله

مادامهم ماصدقو لمح السراب=ماتكذب الصحراء على عيون البدو
ولولا وطي خف الجمل فوق الهضاب=ماهيجن الشعار بالطرق وحدو
وان خايلو بعيونهم برق السحاب=لابان نجم سهيل بشر وسعدو
يشيل ثقل حمولهم فوق الركاب=أثقل من حمول الزمن يوم اوردو
عزوة عزيزن لاأعتزى سمح الجناب=والناس حوله واعتزى لاكن غدو
اللي خذا من عزته كل الزهاب=يرحل غريب بحشمته ماهو عدو
يوم العداء تزند على روس الحراب=في ظل بشت الشيخ كم ليل رقدو
وانا بدويٍ مااعجبه لمح السراب= ولاتكذب الصحراء على عيون البدو

ابو كسار

الله يبيض وجهك يا الذيب وهديتك فخر لنا

ونعتز بها وابشر بسعدك بااللي تبي وترى انتظر مسيارك

عليّ في الرياض والساعه المباركه وصح السانك يابحر القصيد

ومشكور على الاهداء الغالي

المشاركة الأصلية كتبت بواسطة زايد الدغماني

ابو كسار

الله يبيض وجهك يا الذيب وهديتك فخر لنا

ونعتز بها وابشر بسعدك بااللي تبي وترى انتظر مسيارك

عليّ في الرياض والساعه المباركه وصح السانك يابحر القصيد

ومشكور على الاهداء الغالي

صح بدنك حق وواجب

وجهك ابيض وعلمك غانم ياابو فارس الله يزيدك فخر

عزالله لك وعد بأقرب اجازه انشاء الله اني اتشرف واتقهوى عندك

مكسب مثل شرواك غنيمه لاهنت يالدغماني

كل تحيه عذبه لك من صدر الشمال

قصائد رائعة اخى عويد
وجميلة

دمتى مبدعا ومتالقا

موفق باذن الله

المشاركة الأصلية كتبت بواسطة خلود الامل

قصائد رائعة اخى عويد
وجميلة

دمتى مبدعا ومتالقا

موفق باذن الله

خلود الأمل

مشكوره ودام عزك اختي

هذا من نقى قلبك وطيب معدنك الأصيل

تشرفت الحروف والديوان والشاعر بمرورك

تحيتي لكِ

اصدق بيوت من الغزل بيت جانا=قاله جرير وبيت واحد كفانا
ان العيون اللتي في طرفها حورٌ=قتلننا ثم لم يحيين قتلانا
انا اشهد انه بيت كفى ووفى=لوكان يقرا بيت فصحى قرانا
عينك بحر والرمش ساحل وميناء= وبر الأمان بجفن عينك لقانا
لله در الشعر لافاض من بحرٌ=لله در الرمش والعين تبلانا

الوداع الموت والموت الحمر

ياصباح الورد والروض الخضر=ياطشاش الغيم والبارق يبين
في صباح العيد لاطشت مطر=يااسعد الأيام بعيون الحزين
السعاده جرح والماضي قبر=والصراحه صمتها في كل عين
وتدري اني في مباديك أستقر=وبأمر عينك كل شيٍ لك يلين
وتدري اني في حياتك منتحر=لو جفيتك ماجفيتك لي ظنين
الوداع الموت والموت الحمر=كل عزن بعد عزه له دفين
من مرامي يامرامي معتبر=ماوفيتك بالقصايد لك مدين
ياحيات الحلم يالمحة بدر=القمر زعلان يوم انك تجين
يشهد الله مانسيتك في سطر=ولانسيتك ياحياتي بعد حين
اجتمعنا واجتمعنا بالقدر=وابتدينا وانتهينا بساعتين
ياحيات الحلم والحظ الغبر=من بلاك بحب مكتوف اليدين
زودن على الظرفين والثالث (....)=والظروف القاسيه يمكن تلين

من بداياتي ...

غروب الشمس

جلست اناظر غروب الشمس وتغشاني هموم وويل=وكل ماتختفي لحظه تزايد فيني أحزاني
وانا مبحر بأحزاني تداركني ظلام الليل=ابي آصل الى نورك مادام ان الأمل جاني
بكيت من القهر ساعه ودمعي فوق خدي سيل=الآ يادمعتي يلعن زماني ليه بكاني
عزيزن في مقامي ليه هذا الظلم والتنكيل=زماني والطريق اللي سلكت وهم عدواني
ونادتني وهي تصرخ ترى همومك تهد الحيل=ولو همك طرى فيني ماعدت لأرضكم ثاني
وتبقى قصة أحزانك بها جيلٍ يقول لجيل=ويبقى ليلكم أظلم ويصبح موتكم داني
قسى قلبك علي لحظه. لايغرك كلامٍ قيل=مادم ان الأمل باقي حبيبي كيف تنساني
ابي اوصل بحور الشعر وخايف مركبي ليميل=حبيبي ماني بشاعر ولاكن هاضت أشجاني
وانا احمل معايه سر وشلته وسط قلبي شيل=ومهما قلت انا ماأرضى عليك بزلة لساني
وبدت مأسات الزمن ألعن بها طعن وبها تقتيل=عجزت أنظر وانا مقفي جنوني وين وداني
ولمح لي بالسما برقٍ ومن الفرحه بديت آخيل=صدى الماضي يناديني عسى ان الفرج جاني
بقايا غيمةٍ تمطر طرفها حول نجم سهيل=خلاص ارجوك انا راحل تعيش بدنيتك هاني

بحر القصيد

غــيــبـوبـــه

بعدك حياتي صدق اشبه بغيبوبه=شفني لفظة بغيبتك آخر انفاسي
اصحي معك هي صحوة الموت لي نوبه=ماعشت لك سكرات موتي وانا ناسي
وان غبت ساعه من شقى العمر محسوبه=وان جيتني ماكن مرن بي اتعاسي
ذكرى الحزن يا....دمعه ومكتوبه=دام الفرح بي عكس مايبدي احساسي
صافي زلال الحب كاسه ومشروبه=مع خطة اقلام الغلا دقت اجراسي
عقد الذهب في صدر كاشخ برعبوبه=يوم انتثر لميه لؤلؤ مع ألماسي
ذوقه يطابق نفس ذوقي مع اسلوبه= شفافة(ن) بالحب مير الزمن قاسي
نذرت له طاروق شعري ومسحوبه=ويحق لي فيه افتخر رافعٍ راسي
مؤمن كفرت بملةٍ مابها توبه=والحب كافر والامل معتنق يأسي
بآخر رمق والروح عندك ومسلوبه=شفني لفظة بغيبتك آخر انفاسي

بحر القصيد