اوراقـي انثرها هنااا ، مـدوونتي ، ذكريااتي ، حياااتي

مانيب لايمك لامن همت في غيري .
الله يعوض علي واقوى لـ نسيانك !

لكن ... قبل لا تروح بعيد يا طيري .
عطني سبوقي وعقبه فل جنحانك !


خالد صمان

جيتك ادور للحكي والتصاوير // يامنتدى وين العرب و الحبايب

ما كن جمعتنا بذاك العصير // وما كن بيحس بلوعتي اليوم غايب

متى على الله نلتقي يا مقادير // ونعود قبل يصير هالشعر شايب

عبدالله .

وش خانت العمر والأيام من دونكـ

وش خانت الدمع وآهاتي وحسراتي

لا زال حبك بدم الصب مـجنـونـكـ

ما زلت في ذاكرت قلبي ومعاناتي

عليك ببكي على الأطلال مظنونكـ

لو كان دمع المحاجر هو شيماتي

يا ليت عين المولع تنظر عيونكـ

عقب أنقطاعك بتكتبلي مسراتي

هونك علينا حبيبي يالغلا هونكـ

إلى متى وانت باسبابك مأساتي

لا زلت عونك مثل ما فات أنا عونكـ

ما ضاع ظني ولا بدلت هقواتي

الحمد لله محسنن فيه ظني /. بعد النظر وفر علي الدرابيل
احفظ يديني قبل لا ترتهني /. واطهر لسناني من القال والقيل
ولا اناظر اللي حذفته ما تصلني /. حتى ما احد يلقى عليه مداخيل
وان جاتني والله لعقل واثني /. تعقيلة العاقل تروع المهابيل
هذا الصحيح وكلمة الحق مني /. كسب المواقف ما يجي بالتساهيل
يا ما جرالي في ليال مضني /. والعالم الله بالليال المقابيل
عزالله اني ما اخبر اللي غبني /. غير الزمان اللي غبن له رياجيل

صاحبي بموت من كثر الحنين
خلني بختار لحظة مقتلي

أبو رويد وينك !

حياكم الله علئ قل الكلافه

يقول عمي عبدالله الله يرحمه أبيات ماني بحفاظها زين بس اذكر منها


يا عشيري وان حداك البعد غالي
ترا البطئ والبعد ما يغير مودهـ

وان كان خلي عاشقن خلن بدالي
يقضي الدرب الطويل ولا يرده

ومن طارد المثقفين يقنع بالهبالي
مثل وراد الطويل بغير عده

القصيده أطول من كذا بس هذا اللي وصلنا منها عن طريق البعض

حاولت اكتب علئ وزنها وقافها واستلمت منها بعد هع

يا عشيري وان حداك البعد غالي
ترا البطئ والبعد ما يغير مودهـ

تغيب شهور عن عيني وليالي
وأنا احسب الوقت من بعدك واعده

ما لغيرك بقلبي نصيب و مجالي
لو كان تلمع من حلاه بروق خده

وان كنت في بعدك من الشوق خالي
أبا اقطع القلب من عرقه وأجد

وسلامتكم

حبيبتي مرت على بالي اليوم ...............

يقولون ما للعبد بد عن المقســــــــــــــــــــــــــــوم
وأنا أقول صح ويقنع العبد مقسومـــــــــه



عسى الله يعين اللي توافد عليه إهمـــــــــــــــــوم
هموم تخلي طبلة الراس منجومـــــــــــــه



ترى والله انه مايكدر عليك النــــــــــــــــــــــــــوم
سوى كلمة من بعض الاصحاب مسمومه


إليا جت من الغالين وإلا الرخوم رخـــــــــــــــوم
ولا أمحق من الغالي إليا شانت علومـــه


ضعاف الروابع تبتلش والقروم تشـــــــــــــــــوم
ولاهي بلا شيمة ٍ من الشيم مليومــــــــــــه



ولا أزين من القاع الخلى والوجيه سلـــــــــــوم
ولا رفقة بعد طول الايام ملغومـــــــــــــــه




ولا ألذ من عشرة شريف من أقصى القــــــوم
يبادلك فعل الطيب معناه وسلومـــــــــــــه




ولا شفت في جو الصداقه غبش وغيــــــــــــوم
عطيت الدروب اللي مع الارض مرسومـه



ولا مثل عز النفس لو مامعك مطعـــــــــــــــوم
وعن أهل الشماته خل الاسرار مكتومــه



معي لو سمحت شوي عقب عداك اللـــــــــــوم
أبعطيك عن بعض الرجاجيل معلومـــــــه




ترى اللاش لو وقف معك في حياته يـــــــــــوم
تشوف الردى متبين فيه من يومـــــــــــه



وأنا أقول لو إن في وجيه الرخوم وســـــــــوم
عرفنا نميز قيمة النذل بوسومــــــــــــــه



علشان نجلس مع رجال الوفى و نقــــــــــــوم
ونبعد من اللي عند الاجواد مذمومـــــــــه




وأنا أسمع مع أهل التجربة في الحياة علوم
بعضها صحيح وبعض الاخبار موهومـه



يقولون وكر الحر ما يعتليه البــــــــــــــــــوم
وأنا شوف عيني وكر حر تحت بومــــه