"استراحة بنات المضايف "( يمنع دخول الرجال)

ههههههههه
الغايب عذره معه مثل مايقولون
الله يرجعهن بالسلامه
اقول اجل ماكنتي يبين تنامين حتى سماعة الجوال شاركتك بالمثاوب
ايش طير النوم من عيونك هههههههههه
يلا جيبي ماعندك ونسينا
وهذا انا جالسه معك هههههه

ماشاء الله على انتقائك للشيلات الرائعه كلك ذوق ياذوق

تسلمين الذوق انتي منبعه

واسمعي ياطويلة العمر كان فيه فتاة عايشة بالقرية وكانت فقيرة ووذات جمال متوسط يعني يمشي الحال

لكنها كانت ذكيه وقرمه هههههه المهم وكان فيه عجوز زوجة امير القريه تحب القرمات عجايز قبل اطبخ ويحبنك ههه

العجوز ذي اعجبت في هالبنت كثير وقررت تخطبها لولدها مع انت بنات القريه جميلات وغنيات لكن ربك لاحبك دبرك خخخخخخ

ولدها طبعاً مايحب احد قلبه فاضي (واحسن له وش له فيهالحب الخربوطي المهم) ( الله يذكرك بالخيل يالشرهان وربي كل ماقصيت قصة اتذكره )

نادته امه وقالت له بخطب لك بنت الفلاح فلان بن فلان والرجال رضي والدين قال لأمه شورك وهداية الله وراحت وخطبتها بنات القريه لما سمعن الخبر

ما صدقن لأنهن كانن يعايرنها في فقرها وجن جنونهن يوم سمعن الخبر وقالن ما لازم نسكت لابد ما ندبر خطه ونخرب عليها ( عوذه قطاعات ارزاق يا مال اللي اللي يلويهن )

وسون حفله واعزمن البنت وحطن في شنطتها خاتم ذهب وهي ماتدري وبعد ساعه صاحت صاحبة الحفل خاتمي خاتمي وين راح والعجوز كانت حاضره وقامن يصايحن

وقالن لازم نعمل تفتيش للحضور وفتشن وما لقن الخاتم في شنطتها ونهبلن وهن متأكدات من وجوده فيها ويرجعن ويفتشنها اكثر من مره المهم

قالت العجوز اللي هي ام الولد الخاتم عندي ونذهلن من الموقف قالت انا شفت من وضعته في شنطت ابن الفلاح وقمت بأخراجه فوراً لأني عرفت المقصد( ذهين هالعجوز)

وسمعتهن محاضرة عن المكر وحذرتهن من عاقبة الظلم . واصرت على الفتاة واخذتها لولدها . وانا كنت بحضر العرس بس النوم سلطان هههههه

هذي قصة اي هلوسة ما قبل النووووم

ورجاء حقوق الطبع محفوظة هههههههههههه وخلصت الحكاية

الله يسعدك على هالقصة الجميلة جد اندمجت مع احداثها ههههههههه
وخاصة ان وقت الزواج مع نسمات الفجر خخخخخ
ماشاءالله العجوز ذكيه وحكيمة وانتبهت لحقد البنات وانقذت زوجة ولدها من كيدهن
عافاك الرحمن شاعرة وراوية وانيقه في جدك ومزحك ربي يسعدك
ودي لك ..

ويسعد يارب

ههههههه شاعرة قبلتها مير راوية للحين عجزت اقبلها

ماعليك كل كم يوم بسمعك قصة حلوة بس الحين سوي لنا قهوة نبي انتقهوى ونعدل المزاج ترا اليوم خربان شوي

هههههههه ايه شاعره وراوية وصافه بعد
ابشري بالقهوه والحلى ومصقعة باذنجان مع الطماطم




عاد القهوه مو باي قهوه على الفح مضبطه عدل تصحصح بالمخ ههههههه

هههههههههههههههههه الله يقلع بليسك يعني علمتك اني احب الباذنجان تحطينه مع القهوة ليش هو حلى

هين ما عاد اعلمك بشي على العموم شكراً لأ إليك على هيك فنجان وهذي هديه لك مني مقابل هالفنجان اللي يعدل المزاج هو وباذنجانه

لا لا لا كله ولاتخبين عني هههههه يالبى روحك والله ذبحتني انت واختي
هي في البيت والنتي في الجوال وانا خايفه عليكن من الحساسيه
ربي لايحرمني منك ياقلبي الف الف شكر على الاهداء الرائع الرائعون دائما اهدائهم متميز بتميز قلوبهم وصفائها

تقبلي منى اهدائي المتواضع

حيا الله الجميع

واليوم ابي اذوقكن من لبن غنمي سويت شبك غنم

بسمة تعالي ساعديني على الحلب

حياك الرحمن وابقاك
كفوا بالذيبه اكيد شغل مايحتاج شهاده مني
مااسرع مانفذتي الفكره ههههههههه
ابشري بالمساعده بس ترا انا ماعرف مو تقولين وين الحليب وليش قليل
يعني يبيلي اتعلم شوي هههههههه
ربي يسعدك دوم

هههههههه

انا اذا حطيت شي براسي نفذته ان شاء الله

بس ابي اشري كمامات ودسوس هههههههههههه

وعطر مركز خخخخخخخخخ