طاروق نواف نشمي - عبدالاله العتيبي

السلام عليكم ورحمة الله وبركاته م/ص الخـير للجميع بعد العذر عن انقطاعي عن المنتدى
ويعلم الله ان غيابي كان لـ ظرف خآص

محاورة جمعتنـي مع شـاعر المحاوره الغني عن التعريف المبدع الشاعر عبدالاله الكرشمي العتيبي

نــــواف

يا سـلأم الله سـلأمِ فيه معنـى وابتسـامه ،،،، للـعتيبي والعـتيبي عـارفِ معنى سـلامـي

كـل شـاعر كـان ماهو واضعٍ بصمـة بهامه ،،،، مايفيـده لـو يشيد المـورقي ولا الـزلامي

عبـدالاله

مـرحبا يامـرحبا ترحيبتٍ قـدر وسـلامه ،،،، والمسـلـّم طال عمـره والفشق ملي الحـزامي

شـاعرِ ماهـو بقد الشعـر مايلحـق ملامـه ،،،، مايفيـده لو معـه رتبـه وعيـن له محامي

نـــواف
البقا والقوم راحوا من عدامه في عدامه ،،،، واحدٍ يامر جلوس واحد ٍ يامر قيآمـي

لو دعا راع الحجاز ولو دعا راعي تهامه ،،،، الحجازي للحجازي والتهامي للتهامي

عبـدالالـه

جعلهم للقوم ولا جعلهم للانهزامــه ،،،،، قوم ٍ ارداهم ضعيف عزوم واطيبهم حرامي

مانبي منهم شداد ولانبي منهم مسامه ،،،،، قسمهم ردف الجمل وقسومنا راس السنامي

نـــــواف

انكسر مخلب نداوي والسبب راس الحمامه ،،،، والخبر مافيه صحّه لو صدق راع الحمامي

ياولد روق القضيّه بين مكه والمنامه ،،،، ابتدت نفس الاسامي وانتهت نفس الاسامـي

عبدالاله

نحمد الله ماخلق فينا جبان ولا هلامـه ،،،، مالتـفتنا للهروج العوج والميقاف حامـي

والقضيـّه كل ابوها فالبعير وفي سنامه ،،، بين عتبان وبقوم وبين سفياني ويامـي

نـــــواف

احمد الله دام مازعلو عليك اهل الزعامـه ،،، ودام بعض القوم يالروقي تحارب بالكلامي

البلا وان كان شبّت قبل من وقت القيامه ،،، تبغـّي تشوف الثرى متروس من روس النعامي

عبدالالـه

ماعليّه من رجال ٍ نص هرجتهم ندامه ،،،، والصراحه نور يوم النور جلاي الظلامي

وفي بداية علمي الأول وفي تالي ختامه ،،،، لانشدت الي تردّى قال انا مدري علامـي

وسلامتكم

أف أف مجاراة جميله