كشكول

القلب ماهو طاري الشوق داعيه=اليوم يخفق صوب غير المحبين
اليـوم دقاتـه بعيـده مراميـه=طلق هوى ناس تحب التلاوين
لاصار ودك كاثـرات بلاويـه=ريح خفوقك مابها قول بعديـن
خلك مع اللي لاطلبته وتناجيـه=ماصك بابه دون من جاه داعين
رب كريم بالعطـا ماتجاريـه=متفضل للناس كافر وهل ديـن

اذا غلطت بحرف عدله بالطامـس=وتمشي امـورك والعنـا مايمـرك
و اذا غلطت بشخص ملعون خامس=لاوالله الا كـل هـم ن يـجـرك

شكراً من الأعماق على الطرح الطيّب والمفيد
تسلم الأيادي

تسلم اياديك على جمال الطرح والإختيار المفيد
عافاك الله

ودي لك

تشرفت وسعدت بحضوركم
ربي يرعاكم بلطفه وتوفيقة
تحياتي لكم

ماكل صدر يملك احساس وشعور=بعض الحنايا نار حقد وضغينـه
مافيه قلب يخفق بـود وسـرور=الله على نفسـه حقيقـه يعينـه

مسكين منه يحاسبني على النية=لاتكون ربي وانا عابدن غيرك
مايعلم الغيب ولايغفـر السيـه=الا الاله الاحد ياشين تفكيـرك

فديت الخاطر المكسور=فديت الدمعه الوجـلا
فديتك ياشبيه الحـور=فديت البسمه الخجـلا

فعل الزمن سوى عجايب=قالهـا يــوم اللـقـا
كيف ماتخطي المصايب=العجـب كيـف البـقـا
اه ياوقـت النشـايـب=راح عمـري بالشـقـا

لا قلت هذا عاقل ن ماحصلي=ياسرع ماتبدي الليالي خوافيه
تكشف مساوي من يخط السجلي=ويكتب معاني بالمهازل تباريه
ياهيه يارايح بعيدن مولي=خفف خطاك الزيف بانت معانيه
الى متى والقلب منكم مغلي=عزاه من صدر كثيره طواريه
الى قلت باسلي واتدله وخلي=ملعون ابو بعض العرب مايخليه