ديوان الشاعر/ عبدالرزاق بطاح المطرفي

يامحلا وأن قالو البرق قد لاح
والسيل ضافي وكل ديره سقاها

يذكر لنا وديانها جتك طفاح
حتى الخباري خير ربي ملاها

من غربي الزمله لياذيك الاسياح
ومن شرقي الامغر ليا غرب لاها

ذيك الفياض اللي لها القلب يرتاح
وطلق نظر عيني بواسع خلاها

عب الخلا لاصارت أيامك أملاح
والنفس بعض أحيان عطاها مناها

والنفس عطها حقها بس بنصاح
وعن الردى والنفس قلل عطاها

ياخالد الصتان ياطير الافلاح
نسل الحرار اللي ينومس غذاها

ياشبه حراً للمعابير ذباح
والطايره بالجو يلعن ثواها

أبيض نحر مخالبه كنها أرماح
صيده جزيل وضربته ماثناها

يالوايلي نبغى مع البر ننزاح
يم الحماد وكل نفس وهواها

شرقي من الزمله على ذيك الالواح
في ديرةً تنعشك نسمت هواها

منصور ابن حواس قبلي لهاشاح
وقصيدته يالقرم كلٍ قراها

عداء على رجمٍ طويلٍ وشولاح
عمردن والنفس بيح خفاها

هذا هو نفسي بها ناخذ أشواح
وحقن عليك النفس تلحق هواها

أخير من مجلس هذاليفٍ وأشحاح
عفون الرجال اللي قليلٍ حلاها

ولاانت ياخالد كما العود لافاح
نسل الرجال اللي بعيدن مداها


عبدالرزاق المطرفي

يامحلا وأن قالو البرق قد لاح
والسيل ضافي وكل ديره سقاها

يذكر لنا وديانها جتك طفاح
حتى الخباري خير ربي ملاها

من غربي الزمله لياذيك الاسياح
ومن شرقي الامغر ليا غرب لاها

ذيك الفياض اللي لها القلب يرتاح
وطلق نظر عيني بواسع خلاها

عب الخلا لاصارت أيامك أملاح
والنفس بعض أحيان عطاها مناها

والنفس عطها حقها بس بنصاح
وعن الردى والنفس قلل عطاها

ياخالد الصتان ياطير الافلاح
نسل الحرار اللي ينومس غذاها

ياشبه حراً للمعابير ذباح
والطايره بالجو يلعن ثواها

أبيض نحر مخالبه كنها أرماح
صيده جزيل وضربته ماثناها

يالوايلي نبغى مع البر ننزاح
يم الحماد وكل نفس وهواها

شرقي من الزمله على ذيك الالواح
في ديرةً تنعشك نسمت هواها

منصور ابن حواس قبلي لهاشاح
وقصيدته يالقرم كلٍ قراها

عداء على رجمٍ طويلٍ وشولاح
عمردن والنفس بيح خفاها

هذا هو نفسي بها ناخذ أشواح
وحقن عليك النفس تلحق هواها

أخير من مجلس هذاليفٍ وأشحاح
عفون الرجال اللي قليلٍ حلاها

ولاانت ياخالد كما العود لافاح
نسل الرجال اللي بعيدن مداها


عبدالرزاق المطرفي

ياالله يارحمن يالرب الرحيم
ياعليم وسامعاً صوت الدبيب

يارحيم ويامعين وياكريم
وياعليم وأنت يامشف العطيب

ترحم الاموات يالحي القويم
ياكريمٍ مالنا غيرك مجيب

تنزل الاموات جنات النعيم
عالمٍ بحوالهم وأنت القريب

عبدالرزاق المطرفي

هاض الهجوس وحركه ريح الازهار
وقطفت من جزل المعاني عبيره

وأنا على بدع التماثيل بيطار
اللي على بعض الاوادم عسيره

وغصنا أبحور الشعر من كل الاقطار
نغوص غبات البحور الخطيره

نبدع لياقلنا جزيلات الاشعار
وجاريت شعارٍ أكبارٍ شهيره

ومن بعدها حييت ياواف الاشبار
ردن على اللي خصنا بتعبيره

وش ذكرك يالقرم في ماض الاحرار
أهل المكارم والوجيه السفيره

أهل البيوت اللي بها الكيف يندار
والجار عن ظيم الليالي تجيره

راحت سوالفهم تواريخ وذكار
ولاكنهم داجو بشبه الجزيره

ولاكنهم ركبو على قب الامهار
ولاكنهم وردو على كل ديره

ولاكنهم مرو على ذيك الاديار
أهل الفعايل والسيوف الشطيره

وصلاة ربي عد ماطايرٍ طار
على رسولاً سيرته خير سيره

عبدالرزاق المطرفي

أرحب تراحيب. المطر يازميلي
ياصاحبي ياشوق من تكحل الرمش

بنت الرجال مزبنين الدخيلي
يومنها بالشلف ومهند النمش

وأنت الخوي طول الزمن ماتميلي
ويفداك ولد الدحش ومرافق الدحش

وأهلاً هلابك عد وادٍ يسيلي
سيله عنيف وكل فيضه لها دش

بول طلوع أسهيل سيله أمهيلي
واللي ابوجه السيل يقشهم قش

ياصاحبي ياعل عمرك طويلي
وعساك من سود المقابيل ماتغش

عبدالرزاق المطرفي

ماهي بلبست بشت وشماغ وعقال
ومفطحاتن بالصحون النظيفه

ولاهي بقولت مرحبا وكيف الاحوال
وتكشيخ في بعض العلوم الظريفه

السالفه نخوه وطيبه مع أفعال
تاقف لربعك بالامور العنيفه

والسالفه ماهي مجالس وفنجال
وسوالفن ما من وراها نصيفه

خلك لهم في ساعة الضيق مدهال
وقف معاهم بالأمور الكليفه

وقل أبشرو لاصارت أمال في مال
والخير. واجد والحموله خفيفه

عبدالرزاق المطرفي

الهرش لامن حن يعجب حنينه
لامن هدر كل البكار أبركني

لابان نجم سهيل بيح كنينه
يطري على باله أسنيناً مضني

هرشٍ منيب وله مواقف ثمينه
مواقفٍ بالطيب ماهي تمني

ياالله عسى أن يمهلنه أسنينه
ويبقى سعيد الوايلي وأمتهني


مجاراه متواضعه لخوي الغالي
مفضي ناصر أبومحمد

اخوكم عبدالرزاق المطرفي

لاقلت وايل تهتز أجبال السراوات
ولا قلت ياعناز شفت الهوايل

وتاريخنا ياعزوتي حي مامات
حنا هل الفزعات صبيان وايل

يوم السيوف المرهفات الصقيلات
كم شيخ قومٍ عن أحصانه تمايل

خلوه وايل لسباع المجيعات
عقب السطر حطو تحت النثايل

اخوكم عبدالرزاق المطرفي

ياهاجسي خذلك مع الشعر تصريح
وضبط أحروف القاف وهات الجزيلات

قولو لبن ساير بعيد المراويح
اللي بدع جزل البيوت النظيفات

هذا الزمن جرح هل الطيب تجريح
وفازوبها أهل الذهب والريالات

وراحت على اللي يبعدون المساريح
زحول الرجال مروضين الصعيبات

روس الرجال الطيبين الزحازيح
اللي لهم في قمة المجد رايات


وأن كان تشكي جرح ناسك مجاريح
يابوفهد. كله أسباب الخيانات

شف سوريا والشعب كلته الشبابيح
شبيحت أبن الكلب وشلت عرب سات

يابوفهد والصبر علاج المجاريح
بس أذكر الله وقر من بعض الايات

هذا مردي لك بعد التصاريح
والمعذره وأن كان بالقول زلات


هذا مردي على تستاذي ابوفهد
لوانه رد ومتواضع امام ابداع فهد


اخوك عبدالرزاق المطرفي

جيتك غلا والقلب يمك أمطيفيق
ياسرع دقاته وياسرع نبضه

وأنا على شوفك تراني أمشيفيق
وغصنا أبحور الحب طوله وعرضه

الحب ماخلا جميع المخاليق
حب الشرف ماهو مع الناس بغضه

عبدالرزاق المطرفي