ديوان الشاعر/ عبدالرزاق بطاح المطرفي

جيتك غلا والقلب يمك أمطيفيق
ياسرع دقاته وياسرع نبضه

وأنا على شوفك تراني أمشيفيق
وغصنا أبحور الحب طوله وعرضه

الحب ماخلا جميع المخاليق
حب الشرف ماهو مع الناس بغضه

عبدالرزاق المطرفي

يديرها ياصاحبي مدير الافلاك
الواحد اللي فوق خلقه تبارك

ماينفعك يالعبد هذا ولاذاك
واللي جرالي ياعشيري جرالك

الصبر زين وحلها عند موالك
وليابغى يصخر لك الرزق جالك

وش عاد لومديت لناس يمناك
الناس ماتعرف يمينك شمالك

وش عاد لو أنه واحدٍ من دنياك
ولو تفعل الحسنى مع العبد خانك

هذي هي سلوب البشر لاعدمناك
كم طيبٍ شاف العنا والمهالك

خلك جبل لو ليالي تحداك
وربك أيسهلها وعسى الخير فالك

عبدالرزاق المطرفي

يامرحبا ترحيبية الطيب بالذات
ترحيبتن تسوى لها ألفين حايل

باللي فعوله بالمراجل كبيرات
ومن لابتن يشهد لها بالفعايل

ربعي هل العشوى زحول الثقيلات
أهل الفعول النايفات الطوايل

كسابتن للطيب بيوم المهمات
صغيرهم يلطم خشم كل عايل

ولاهو قصورن في جميع العمارات
هم تاج راسي لاسأل كل سايل

تاج ينومس بالفعول الجزيلات
عز القريب خزام من صار عايل



حمدان الذرب

حياك ربي عد نجم السماوات
وعداد ماتنشي مزونٍ ثقايل

حييت ياحمدان راع الجزيلات
يالطيب النادر وفي الخصايل

ربعك هل الصبحى ولابه امراوات
يومنها بالهجن وفوق الاصايل

ربعي وربعك ناطحين المغيرات
يومنها مابين صايل وجايل

وحنالبعضنا في نهار المثارات
سلقاء على جميع المعادي هوايل

ومن دون قاصر بالجموع الثقيلات
أهل المكارم والسيوف الصقايل

ولياجتمعنا وثم صفينا العمارات
ناطا على راس العدو بالفعايل


هذا ردي على الاخ
حمدان الذرب المضياني
ابونايف
عبدالرزاق المطرفي

للعمارات


سلام ياعمارات الفخر والبطولات
شي مؤكد مايبيله دلايل

تاريخنا ياصاحبي حي ممات
تعرف فعايلنا جميع القبايل

ولياعتلينا فوق قب الاصيلات
نشفي أكبود الطنا والغلايل

بيماننا جرد السيوف الصقيلات
وكم فارسٍ من ضرب ربعي تمايل

حنا عمارات الفخر والبطولات
ورح أنشد التاريخ وتلقا الدلايل


عبدالرزاق المطرفي

مليون واحد مثل صدام
مخطي بهرجتك ياشيبه

سلمان درع الوطن. مقدام
والقدس شقران يحريبه

ولا نت عايش على الاوهام
صدام مخطي وندريبه

عبدالرزاق المطرفي

أنا أحسبناك من عنا وقتنا تبت
أثراك ناوي يازميلي نوايا

يالتغلبي ريح ترا وضعنا زفت
الوضع مايطمن حروب وجنايا

شف أنقرا ياحسين بخليجنا جت
بجيوشها تبي أتسوي سوايا

خل السفر ياصاحبي مامثل ماشفت
الوضع مدهور ولابه حلايا

ولا يرجع اللي راح لوكان سافرت
ياحسين حج وطف بين الزوايا


مجاراه لبوعوده يبي يسافرلنقرا وانا خايف عليه هههههههههه
أستاذي ابوعوده ارجو القبول لهذي
المتواضعه
عبدالرزاق المطرفي

-
لاجــيـت أطـالـع بالمـريــا تعــــــــذبت
اشــوف وســم الوقــت عـــبـر المـرايـا

في عارضي شيبٍ ومن داخلي شبت
حـتـى النـــوايـا غـــيـر هــاك النـويـا

يالـيتـني ماعـطـيـت مـنـهـا ولاجـــبت
وحاسبت نفـسي قـبـل يـكـثر خطايـا
- حسـين عـوده القـراري -


-
يالتغـلـبي لامـنـي غــبــت وتـغـربت
شــوف المـرايــا ســوا فــيـا ســوايــا

وأسري بهاجـوسٍ من اسبـابها غـبت
اصبـح رفيـقـك يابـن عــمـي مـعـايـا

يا طيـب شيـب ٍوانـت بالمـرجـلـه طبت
والعــمـــر فــاني والمــقــــابـر ورايـا

- نـواف ابراهيـم الميهـوبي -


-
ياحسـين يامشـكاي لاتشكي الوقـت
هــذي هـي الايــام تـسـوي ســوايـا

مرت أسنين العمـر ياصاحبي شفت
ياحسـين ماتــذكـر هــذيـك السرايـا

راح الشبـاب وبـين الشـيب وقرشـت
ويـارب تـصـلـح شــاننـــا والنــوايـا

- عبــدالرزاق المـطـرفـي -

البارحه ليلي قضيته هواجيس
مارتحت في ليلي ولو ربع ساعه

همن بقلبي مثل ضرب الدبابيس
اصبر وعندي للهموم استطاعه

ياقلب لاتحزن تعوذ من ابليس
واحيان بعض الحزن مابه مناعه

لاضقت ياقلبي وجتك الكوابيس

ارفع يدينك بالدعاء والضراعه

ذكر الولي يذهب جميع الوساويس
والرزق ياسع بالدعاء واتساعه

ومن يطلب الله ماجيوبه مفاليس
والله خلق خلقه على شان طاعه

الله عطانا خمس كل الحواسيس
وميز عقول الناس واعطى القناعه

حنا بدنياء نمرها كالعواسيس
لوطالت ايامك تصفط اشراعه

واليوم شفت الناس تشعل مقابيس
باعراض خلق الله تسوي بضاعه

ناس على الغيبه وحكي الدنافيس
دايم علومه بالردى والقطاعه

بعض العرب يالربع يحتاج تدريس
وبعض العرب بالطيب طالت اذراعه

ولاضاق صدرك من هروج المجاليس
فج الخلا واترك اعلوم اللكاعه

ولاجيت في برقاء وجتك النسانيس
وقام الهواء يصفق وزاد اندفاعه

هات الحطب واشعل جميع المجابيس
في خايعن ماجته كود السباعه

وادن الدلال وحط بنك بتقييس
والهيل خله زايدن بارتفاعه

وصبه على االلي يقطعون المراميس
وطاب الحديث وطاب فن استماعه

اعلوم جزله مابها قول تدنيس
والكل منهم عالياتن اطباعه

وياقلب لاتحزن تعوذ من ابليس
ترا القناعه كنز واكبر قناعه

فوزي عازم العنزي


الغالي فوزي عازم العنزي
أسمح لي بهذي المجاراه لك ببياتي
المتواضعه أمام شموخ أبياتك العملاقه
ولاكن أعجبت بقافيتك وحبيت أتعلم
منك ياستاذي وتقبل هذي المتواضعه


يامرحبا وهداد لفح النسانيس
وعداد برقٍ من بعيدن شعاعه

وعداد ماخط القلم بالقراطيس
وعداد ما تنشر أخبار الاذاعه

بالشاعر المبدع بعيد المراميس
باين على نظم القوافي أبداعه

يالوايلي قبلك أهمومي مراويس
وقلبي يهوم وحابساته أضلاعه

يكفخ مثل كفخ الحرار القرانيس
لا صف ريشه يعجبك برتفاعه

لاشك عثرات السنين المعابيس
تطوي بنا طوي الورق بالطباعه

العمر يجري واليالي مقابيس
يالوايلي غاراتها باندفاعه

قفت على ناسٍ تفك المحابيس
أهل الكرم والطيب وأهل الشجاعه

اهل البيوت الشامخات المطاحيس
مادارو علوم الردى والخداعه

زحول الرجال وكاسبين النواميس
ورداهم اللي ماتقصر ذراعه

مداتهم تشفي أجروح المتاعيس
يزبنهم اللي لايع الوقت لاعه

واليوم عصر العلولمه والدنافيس
وكثرت علوم اهل الردى والدناعه

اخوك عبدالرزاق المطرفي

يامرحبا وعداد برقن ليالاح
بول طلوع أسهيل والغيم لاحي

بعيون بدون ترقب البرق لاضاح
يم الحماد وصوب ذيك الضواحي

بحظوركم تكمل لنا كل الافراح
ياهل المكرام ياطيور الفلاحي

والله يحييكم على البن لافاح
والعود الازرق يابعاد المشاحي

من طيب ساسه جاك ساري ولاماح
واليل كله سارين ماستراحي

باليل مسراء ولاطرا لباله أمراح
واليل كله مهتنا بالمراحي

ومقدرن جياتكم مابها مزاح
ويحفظكم الله من جميع النواحي

وبحظوركم أفراحنا زادت أفراح
وصدورنا من شوفكم بنشراحي

بقدومكم نلبس على أصدورنا أوشاح
وبحظوركم العود والمسك فاحي

الله يسهل دربكم كل ماشاح
ويحفظكم الله من جميع النواحي

عبدالرزاق المطرفي