** ليل التعاليل **

السلااام عليكم ورحمة الله وبركااته

جذبنا سناء النااار وريحة القهوووه عساااهاا عاامره بحس اهلهاا

وخير البر عااجله نطرح لكم هذه القصيده للمرحووم باذن الله

الشاااعر سويلم العلي السهلي

أخوي طاب الكيـف لـه والتعاليـل=صدره وسيع ولا تجيـه الهمومـي
لوا هنيه لـه شبـوح ومراسيـل=ونا اشبوحي مـا تجيـب العلومـي
والبدو شالـوا نوهـوا بالمراحيـل=وكل ركض للزمـل شـلاّه تومـي
أحد يخم العلـق يخطيـه ويشيـل=وأحد تقلل مـا بقـا لـه لزومـي
وشالوا وقفن الضعايـن زعاجيـل=وشفوا وهفوا واتقـوا بالحزومـي
وأنا بمرقاب الشقا عينـي إتخيـل=في راس مرقاب ٍ طويل الرجومـي
أخايل الأضعـان واقفـت مقابيـل=إستقبلـن اظعـون زاه الرقومـي
وايّست من دعّاج الاعيان بالميـل=ولا لي على ناب الردايف سلومـي
وا هجر قلبي كان هو طاول الطيـل=عز الله إنـي مهجـل كـل يومـي
إهجال من تاهت عن الذود بالليـل=مابين سرح لـوارد الجـو تومـي
الولف بلوى بـه هبـال وهرافيـل=لولا الحيا راعيه يرمـي الهدومـي
يا لا يمي جعله بحسـر وغرابيـل=الله يبـلا بالبـلا مــن يلـومـي
عسـاه بالدنيـا قليـل المحاصيـل=وبا لآخره يسقى حميـم وسمومـي
وجدي عليها وجد من له مراحيـل=حيلٍ وخلفـاتٍ تـدوس الوسومـي
وعشايـر شقـح تـلاد ومخاليـل=ومعهن على شقران فلـوٍ قحومـي
سبّرْ لعجمـانٍ علـى كنـسٍ حيـل=شيب المتون عيونهن تقـل لومـي
كل أبلـج ضـارٍ لكسـب التنافيـل=ضرما يبون المال ما فيـه لومـي
وغارة عليه القوم خيل ورجاجيـل=وطبّحْ على فلوٍ حشـورٍ عزومـي
واقفا يرادي به عن الخيل حلحيـل=شذرٍ حذرْ تالـي شيـوخٍ اقرومـي
واقفوا على ذوده عصـاةٍ مشاكيـل=وكلٍ على حقـه شحـوح بحومـي
وصله وخلا العـج مثـل المخاييـل=عج الرمك والبـل مثـل الغيومـي
يبي يداري هرجة القـول والقيـل=أحضر حياه ولا بنفسـه وهومـي
وطبّح له اللي ضـاريٍ بالمحاويـل=وثارة الى ان حذاه مثـل النجومـي
واقفا مـذل مـع دكـاك الغراميـل=يفرك يديـه ومـرْ كبـده يزومـي
عقب السعد والعز والبـن والهيـل=وكبشٍ مربينـه لكـل امحشومـي
اليوم يسهر كل مـا جرهـد الليـل=ودايم على غيضه صنوتٍ كضومي
هذا وجودي وجد من لـه مواحيـل=من عقب ماهي ذود صارت اقسومي
أو وجد من صدر على اربع محاحيل=لها إليا غـاب الرقيـب امعلومـي
صدر على اربع مايـةٍ كلهـا كيـل=حبٍ حمر تسقـي نواحيـه كومـي
أربعْ عقايبها اربـعٍ كنسٍ حيـل=يشيلن الما فـي وسـاع الكمومـي
يوم استتم الزرع شال النمـا شيـل=نشتْ بردها كبـر روس البهومـي
وهلّلت على وسط المفالي هماليـل=وصارة على روس النواحي رجومي
واللي بقا من حبها شالـه السيـل=غثو السبل بالسيل مثـل الهدومـي
واصبح يصيح ويزعج الويل بالويل=عن نول ما جابت يديه امحرومـي
الله يكفينـا شــرور المخايـيـل=إلا عطا الرحمه كما انـه رحومـي
ما قلتها باللـي تعـرف التهاويـل=ولاهي من اللي يجمعـن العلومـي

وسلامتكم

صح لسانك ولسان شاعرها ،،، انتقاء رائع ،،

تفضل ياخوي فنجال قهوه لعيونك ،،،
بداية تعليله روعه لكن يا عاشق ،،،، شو بدنا نعمل ما فيه زوار ،
قهوتنا نشربها لوحدنا،،،،

اصبر ياقلبي لوْ تكــاثر وجوعك = وارسم على درب الكرامه خطــآويك

ولغيـــر ربّــك لا يبيّن خضــوعك = الواحد السـتَّــار مخـــفي مســاويك


إجعل صلاتك للكريم و خشوعك = بلسم جروحـك و الله الـلِّي.. يداويك

ومن الغداة الصبحِ لآخرهجوعك = اقرى المثــاني واحذر ابليس يخاويك

****
عشوووووق اصحك تنشب لي وتقول لمين ترا ماعرف ههههههههههه

صبآحالذوق يآفرحن، رجيته يحتويني دوم

وأعآنق طيفه إبلهفه ،، وأتغنى / بترنيمه !

صبآح الحب يآريح النقآء والعطر واليشموم

صبآحي بگصبآح الشآي أبو سگر وتلقيمه~

ادركت من كثر التجــارب حقيقـه
إن البشر مثل إختلاف الأصـابـــع

به من يصد إليا شــعر فيك ضيقه
لاصار حزنك في حناياك قابــع

وفيهم صديق ٍ مايجافي صــديقـه
وافي وقلبه بالوفـا دوم نابـــع

******
دعنا نتعلل بالشعر الين يجي حدا يشاركنا عشوووووق

طااااب ليلك ماحلى تعاليلك

والقهوووه ان ماجوووا المساايير نتقاااسم الدله بالفناجيل

والشاااهي بالكاااسااات واخر واحد يغسل الدلاال ويرفعهن لشبة بكررره

>>> اكيييييييد انا اللي ابي اخلص قسمي بدري حتى ماغسل المواعين

الؤؤؤؤؤؤ يااصاادق الوعد وراااك مغرررز من المغرب ماتحركت

هههههههههه ماحزرت عشوووووق الحين اسري وأخليك مع دلالك ،،، تغسلهن لحالك ككككككككككككك،،،
من جا يجي .. ومن راح ماأقول راح
طبعي كـــذا ما أهتــم ما هـــو تبـاهي

أباخذ الدنيـا ..دلع .. لعب .. وأفراح
وإن عــانــدتني قلـت : يـا أنا يا هي .




صادق شكله هفه النجر يوم رميته على جمل جدي المغرب ،،، مير افزع له عشوق لايموت علينا يبلشنا ،،،
وتلقا الأطرق من بكره محضر يطالبنا بالديه هههههههه بعيد الشر عن الجميع ،،،
جبت العيد،،،،،،،،،،

له له وش هالسوالف

مااايسير المعزب ماينحاااش قدااام الضيوووووووووووف

مير تدرين اجل نتسااعد والعووونه زينه !!

>>>>>>ايييه راااس ماتقواه صاافحه

^^^^^^^^^^^^^^^^^^
^^^^^^^^^^^^^^^^^

طيب اسمعي اقصد شوووفي هالساالفه

تحكي عن مكااارم الاخلاااق

«ارحموا عزيز قوم ذل» مثل عربي مشهور،

قيل في واقعة وقعت بين جند المسلمين وقبيلة طيء الساكنة في مدينة حائل، فما حكاية هذا المثل وما مناسبة قوله. فقد وجه الرسول صلى الله عليه وسلم علي بن أبي طالب كرم الله وجهه ورضي عنه، على رأس مجموعة من الجند إلى طيء، فتصدى لهم عدي بن حاتم الطائي، وكان من أشد الناس عداء لرسول الله.
وقعت المعركة وما لبث أن انتصر فيها المسلمون على الكفار، فساقوا أمامهم أسراهم من رجال ونساء، وغنموا منهم مغانم كثيرة، فلما عرض الأسرى على النبي نهضت من بينهم امرأة يقال لها سفانة، فقالت:
يا محمد، هلك الوالد، وغاب الوافد، فإن رأيت أن تخلي عني، ولا تشمت بي أحياء العرب، فإن أبي كان سيد قومه، يفك العاني، ويقتل الجاني، ويحفظ الجار، ويحمي الذمار أو الأعراض، ويفرج عن المكروب، ويطعم الطعام، ويفشي السلام، ويحمل الكل، ويعين على نوائب الدهر، وما أتاه أحد في حاجة فرده خائباً، أنا سفانة بنت حاتم الطائي.
فقال لها النبي صلى الله عليه وسلم: «يا جارية، هذه صفات المؤمنين حقاً، لو كان أبوك مسلماً لترحمنا عليه، خلّوا عنها، فإن أباها كان يحب مكارم الأخلاق»، ثم يقال إنه قال:«ارحموا عزيز قوم ذل، وغنياً افتقر، وعالماً ضاع بين جهال»، ثم أنه أطلق قومها إكراماً لها.
فاستأذنته بالدعاء له، فأذن لها، ثم أنه التفت إلى أصحابه وقال: اسمعوا وعوا لما ستقول، فقالت: أصاب الله ببرك مواقعه، ولا جعل لك إلى لئيم حاجة، ولا سلب نعمة عن كريم قوم إلا جعلك سبباً في ردها له.
عادت سفانة إلى أخيها عدي، وكان وقتها في دومة الجندل، فقالت له: يا أخي، ائت هذا الرجل قبل أن تعلقك حبائله، فإني قد رأيت منه هدياً ورأياً سيغلب أهل الغلبة، ورأيت خصالاً تعجبني، رأيته يحب الفقير، ويفك الأسير، ويرحم الصغير، ويعرف قدر الكبير، وما رأيت أجود ولا أكرم منه، فإن كان نبياً فللسابق فضله، وإن يكن ملكاً فلن تزال في عز مكة، ثم أن عدي وأخته سفانة توجها إلى النبي صلى الله عليه وسلم، وأعلنا إسلامهما عنده.
***
ملحوظة: منقولة عن رواية تاريخية

ايه هين ياعشوووق الراس اللي ماتقوااه صافحه >>> طيب مشي الحال بدون مصافحهه وغسلنا الدلاال عنك ههههههههههههههههههههه
مير الله يعين .. وسالفتك والله رهيبه مانعدم اناملك الذهبيه يارب والف شكر من الاعماق لك على جمال الطرح وحسن التعاطي ..
اجهز مجلس التعليل يمكن نحظى الليله بزوار ياجماعه ترانا حليلين والله مانخالف مير تعالوا اسمروا معنا ههههههههههههههههههههههه