ابراهيم عياش القرش ❌ فالح عقيل الركابي

سلام الله على فالح بدون اقصور بالباقين
سلاماً فيه من رسمي ومن طبعي وعنواني

عيال ابليس لو عاشوا ثلاث سنين بالتمرين
مافيهم واحدٍ مسلم وسوى مثل الالباني
ابراهيم
---
هلا ياالشاعر اللي يفتل السبحه على صبعين
يغني فاالبيوت الطيبه ويجيد اللحاني

عيال ابليس يابراهيم مثل السيف ابوحدين
لوتعوّذ من الاول يبي يقتشك الثاني
فالح
---
انا لو عشت من عمر السنه باليوم واليومين
كلام العقل ما يجهله لا عقلي ولا اللساني

ليا برقت في هرج الطروش واقع الحيين
لقيت الهرج بالجمله لقيت الهرج مجاني
ابراهيم
---
اعقول الناس تدرك وانت لوّنك من الصاحين
ينسك عرق مدري طبع مدري مخ علماني

ليارجعت با الدرس القديم أضلاع متوازين
تفرقها الضروف وتجتمع في راس ماباني
فالح
---
انا صاحي فصيح لسان وافعل واعرف الساطين
معرب جد ورثي ي الركابي ورث جداني

انا ماني مغير بالنظام ونقطة التنوين
ولاكن ماني مجامل عيال الذيب من داني
ابراهيم
---
تسولف والرجال العاقله حطو لها خطين
ماهو ضني ياعقلك ياالوريث يعادل الفاني..

طموحك يفتقر باب الصحيح ويتبع الغاوين
يجردك الخريف وباقيه بك جرد الغصاني
فالح
---
علومي صادقه ومثمنه بالكاش ماهي دين
ولاني مثلك اجامل فلان بحضرت افلاني

عيونك ي عميلي ماتشوف الا متر مترين
انا طالبك قبل انك تهور لاتبلاني
ابراهيم
---
يابو يعقوب تسهيل الدعاوي من شعاب الدين
ولانت بصايرن لناس يارجال ميزاني

اذا شفت البشر في عين يمكن ماتشوفك عين
نصيحه لاتعيش مشاكسه وتعيش وحداني
فالح
---
انا ما جبت بدعه يوم تبلشنا يسار يمين
مدام اني سعودي بفتخر في ملك سلماني

وانا ما سل سيفي في وجيه اصحابي الغالين
ولاني معاملن شرواك لا مجني ولا جاني
ابراهيم
---

شعراءنا الكرام

ابراهيم عياش وفالح الركابي

صحت السنتكم على المحاوره الرائعه

مبدعين دوماً


دمتم ودام حضوركم الرائع

صحة السنتكم على المحاورة الرائعه

والله يعطيكم العافية على هذا الإبداع

لكم كل الشكر

سلمت اناملك على الطرح الجميل
كل الشكر والتقدير

يعطيكم العااافيه جميعا

تقديري لكم

الله يعطيك العافيه وتسلم يميك
بيض الله وجهك على الطرح الجميل

يعطيك العافية على الموضوع
وًٍدًٍيًٍ......لًًًٍٍٍكًًًٍ......

تسلم اياديك على الطرح
عافاك الله

ودي لك

الله يعافيك على الطرح ,,
كل الشكر لك
تحياتي

الله يعافيك على الطرح ,,
كل الشكر لك
تحياتي