ديوان الشاعر/ عبدالرزاق بطاح المطرفي

يالوايلي دنياك ماهي مليحه
وكم خيرٍ شفنا اليالي توطاه

والناس من سود اليالي جريحه
كم غيبت ناسٍ لها عزٍ وجاه

اهل المواقف والوجيه الفليحه
اللي مجالسهم بهالطيب تلقاه

اهل العلوم الطيبه والصريحه
وعلومهم عن كل عيبٍ أمنقاه

يااحمد عطيتك من كلامي صحيحه
يالوافي اللي طيباتٍ سجاياه

ياالله يامحي الديار الفسيحه
يامرسلٍ رسلك على الناس منجاه


قريت تغريده للاخ الشاعر
احمد المسيكي في قروب نادي عنزه
الادبي وحبية ان اجاريها بهالابيات
المتواضعه جداً جداً والمعذره عن
القصور

عبدالرزاق المطرفي

ريح الحطب مع ريحة البن والهيل
يبعد عن النفس الشقيه شقاها

النفس لازادت عليه الغرابيل
ياصاحبي بالبر تلقى دواها

::::::::::::::::::::::::::::::::::::::

حييت ياللي تعشق البن والهيل
وعداد دورات القمر في سماها

عزالله ان البر يشف المعاليل
ويشف الكبود اللي عظيمٍ بلاها

أخيرمن مجلس خطات المهابيل
اللي على الاجواد مكثر غثاها

ياهاجسي لانامو الناس بي تسري
أرفق أبحالي ترا زوت حسرتي
ياليت ياصاحبي عن حالتي تدري
لا نامو الناس أنا أجر وناتي


ياصاحبي ياكبير الجاه والقدري
أرسل لكم مع نسيم اليل عبراتي
يابومرضي أوفيك الطيب من بدري
من صغر سنك وفيك الطيب بالذاتي


ياولد صالح وفيك الطيب معتبري
وهذي حقيقه مانقوله رواياتي
لكل الرفاقه نسوق العود والعطري
وفي خوت اللي مثلكم تكبر طموحاتي


ياصاحبي اللي عن سموم القيض لي تذري
لاجارات أسنين العنا وجريت وناتي
انتم هل الوقفات والطيب والقدري
وانتم هل الموقف اللي فيه مقضاتي

عبدالرزاق المطرفي

أحاطني هاجوس فكري ومن حاط
وسترسلت موجات فكري أنقطها
قامت تعرطنا الليالي تعراط
دنيا على المخلوق مكبر أحوطها
دنيا تخبط يالقرابه تخباط
وشف الدول يالقرم وشو أسقطها
هذا زماناً كله احباط بحباط
والناس جاها هالزمان وقشطها


عبدالرزاق المطرفي

الوقت يامشكاي لناس شاطن
ولاعاد فيها ذيب يامنادي الذيب

والناس راحت بين ظاهر وباطن
كثر الفساد وضاع حق المناديب

ماعاد ينفع فيك حساب المواطن
ولاضاعت الطاسه تضيع الاشانيب

بعض الدول من جور الايام عاطن
وتدور دنيانا أسوات الدواليب

تدري بلانا. جا من ابوالمعاطن
الدين المسكين طلع بنا الشيب

عبدالرزاق المطرفي

يافهد نويحل ماتقول التخاريف
والصدق قلت مايبيله دلايل

هايل كما حرٍ أبراس المشاريف
صيده جزيل ولايصيد الهزايل

والطيب وهبه من وسيع المحاريف
وهايل على اسمه هايلاً بالعفايل

بواد الابيض منزله واضح وشيف
مدهال لاجوله ارجال الحمايل

مقناصهم لطيب ماهي سواليف
ومايقنصون الا الحرار الهوايل

ولانسى المخيم بالبحيرات ياخليف
غرب المرا ربعٍ تشيل الثقايل

بدر وبندر بالكرم مابهم حيف
والنعم فيهم مابهم قول قايل

أفخر بربعي محتمين المشاعيف
اهل المواقف محتمين الدبايل

مطارفه بالطيب ناسٍ مزاهيف
عاداتهم كسب الثناء. والجمايل

وانتم تراكم يافهد للمواقيف
عوجان لا هبت سموم القوايل

يتلون أخو جحله زبون الملاهيف
مشعان لا ركبو أظهور الاصايل

وصلاة ربي عد مايطلع الطيف
وعداد ماحجة أجموع القبايل

عبدالرزاق المطرفي

بعض الاوادم يالسبيعي بهم نوف
وقفاتهم بالطيب كلٍ ذكرها

وعدوهم في ساحة الحرب مكتوف
وفعالهم بالطيب كلٍ شكرها

وبعض الاوادم مثل ماقلت محذوف
وعن المراجل قاصراتٍ أشبرها

وطيبك بهم ماضن يالقرم مخلوف
واللي فعل فيهم جماله خسرها

وأبن حمد يطرد وراى كل ملقوف
وحطم أحلام الشعب وداره دمرها

واليوم يارواف أنشوفها شوف
ولو ماتشوف العين نسمع خبرها


عبدالرزاق المطرفي
ابوشريف

يالقوم يابعض المخاليق يالقوم
اللي على قل السنع رافع البوز

بالكذب شيخ وبالمهايط من قروم
من روس قوم لهم بالوغى روز

وهو من الثنتين خالي ومعدوم
والمبتلي في كبرت النفس منحوز

طيرالفلس في حضرته مدرك الحوم
مابه معزه بس من قلت العوز

وحنا بني وايل أبعادن عن الوم
والحمدلله عزوتي كلها عنوز

حنا هل الامجاد والفعل معلوم
وفعال وايل كلها كنوز بكنوز

عبدالرزاق المطرفي

ابيات جديده وليدة هالحظه والنقد مطلوب
:::::::::::::::::::::::::::::::::::::::
البارحه. أخيل برقٍ ورعاد
وبروقها في جوها مستمره

المزن يردم والرعد له تجلاد
والسيل شفناله مع القاع جره

والقاع من عقب العطش جاه وراد
شربت ورويت جاه سيلٍ وسره

سلام يالشاعرلك القاف ينقاد
شاعر وله باعٍ طويلٍ وكره

لشعر شعاره ولنقد نقاد
وللهرج هرج وبالسواليف عبره

ولاكل من يقنص مع الناس صياد
الصيده له ناس ولصيد خبره

ترا المخوه راسخه بين الاجواد
الاجودي حفاظ سرك وسره

ولا الردي ماهوعلى الطيب معتاد
من دون خيره ليت يكفيك شره

ماهو عن اهل الطيب يالقرم نشاد
همه بقرشه كيف يمكن يصره

يامال فرقا العين يابعض الاعباد
مابه من الثنتين نفع ومضره

عبدالرزاق المطرفي

حييت يامنظم الالماس
وحروفكم حيل جازلي

سلام يالشاعر الحساس
أحمد كما الحر متعلي

ياخوك لاتناظر الانجاس
أعلومهم قشر ماتسلي

لا يخدعك زاهي الالباس
ولد الردي خله ايولي

لاصار مايكسب النوماس
عزالله ماهو رفيقلي

ولانت يااحمد ترا نبراس
من روس قومٍ لها ظلي


أرجو المعذره عن التقصير
وردي على عجاله

اخوك / عبدالرزاق المطرفي